FreeStyLe

       Юуны өмнө танд энэ өдрийн мэнд хүргэе! Манай сайт Фэйсбүүкээр дамжуулан охид бүсгүйчүүдийнхээ дунд "FaceMODEL"  фото модель зургийн тэмцээн зарлаж байна. Өөртөө итгэлтэй, өөрийгөө бусдад чөлөөтэй илэрхийлэх чадвартай байх нь таны амжилтын үндэс тул та бүхнийг урьж байна.
Тэмцээнд бүртгүүлэх
Нас, Төрсөн он сар өдөр, Биеийн жин, өндөр Хаана ямар сургууль төгссөн Сонсох дуртай хөгжим, мөн кино Хобби, Ирээдүйн мөрөөдөл Холбоо барих утас
Тэмцээнд оролцох хүний тоо хязгаартай. Шагналын эзэн ЦОР ГАНЦ байх тул та амжиж бүртгүүлээрэй!

ЭРГЭЭД ИРЭЭЧ ГЭЖ ЭХ ОРОН ЧИНЬ ДУУДАЖ БАЙНА

Зах зээлийн эхэн үеийн ороо бусгаа цагт монголчууд гадагшаа олноороо гарсан. Гадаад ертөнц бидэнд тэр үед хол санагддаг байлаа. Ардчиллын буянаар хамгийн анх хүн бүр гадаадад хөл тавих боломж нээгдэж, гадаад паспорттой болсон. Зарим хэсэг нь Монголдоо картын барааны хүндхэн үеийг давсан ч хөл дээрээ босох гэж ганзагын наймаа, ТҮЦ-ээс бизнесээ эхэлж байлаа. Нэг хэсэг нь сайхан амьдралыг эрэн бэдэрч гадаадад хар ажил хийхээр явцгаалаа. Ерөнхийдөө цэвэрлэгчийн ажил хийх гээд явцгаасан шүү дээ. Гадагш урсах хүн урсгал одоо ч тасрахгүй л байна. Ингэж явах шалтгаан нь асар их баялагтай хэрнээ бизнес эрхлэх эрх нь, боломж нь байхгүй байсантай холбоотой. Манайх шиг ийм баялагтай улсад дотоодынх нь битгий хэл гадаадынх нь гуйгаад ирдэг байхгүй юу. Монгол Улс нэг хүнд ноогдох баялгаараа дэлхийд эхний байранд бичигдэхээр болж байгаа. Цаашид ч бүр сайжирна гэж итгэж байна. Орхиод явсан үеийнхээс чинь ондоо болсон, эх орон чинь. Энэ чинь Монгол руу бөөн бөөнөөрөө шавах нөхцөл бүрдчихлээ гэсэн үг. Нэгэнт нөхцөл нь бүрдчихээд байхад харьд очиж, хүний боол хийх хэрэг байна уу. Эх орон, ээж, аав, элгэн садан чинь эндээ байж байна. Эх орон чинь та нарыг дуудаж байна, монголчууд аа.

Хоёрхон жилийн өмнө Монгол Улс гадаадад боловсрол эзэмшсэн сэхээтнүүдээ авчрах гэж "Зөгийн үүр" төсөл хэрэгжүүлж эхэлсэн. Нэг ёсондоо баланд дурладаг зөгий шиг монгол залуус минь эх орондоо (үүрэндээ) ирж цуглаач гэж сэдсэн санаа. Хэдэн зуун сая төгрөг гаргасан боловч хэн ирсэн нь тодорхойгүй. Хүмүүс зөвхөн боловсролоор амьдардаггүй. Боловсролоо мөнгө болгох орчинд амьдардаг. Төр тэдэнд цалин амлаад хуурсан хэрэг л болно. Түүний оронд компани байгуулах баялгийг ашиглах, экспорт, импорт хийх, ажиллагааг гар харсан хэдэн түшмэдээс холдуулчихвал маргааш нь гадаадад буй монголчууд аяндаа л нааш зүглэх болов уу. Ингэж л горьдож байна. Түүнээс биш эх орноо орхиод ээж, ааваа ор тас мартана гэж үгүй баймаар.

Монголдоо сайхан амьдарч болно. Хүний газар аз жаргалыг хайж явсныг нь буруутгахгүй ч эх орноо сайн сайхан байлгах гэж зүтгэхгүй зөвхөн өөрийнхөө төлөө яваад өгч байгааг нь бодохоор хэтэрхий аминчхан сэтгэлтэй ч юм шиг. Монгол Улс улам цэцэглэн хөгжинө гэдэг итгэл найдвар маань хэзээ ч алга болоогүй. АНУ-ын нэгэн түүхчийн судалснаар их гүрэн байсан улс заавал сэхдэг гэсэн. Өөрөөр хэлбэл түүхийн хүрдний эргэлтэнд хүчирхэг байсан улс үндэстэн дахин байрандаа очдог байх нь. Ингэж мандан бадрахын эхлэл нь олуулаа болох. Монголчууд тэртээ он жилүүдийнх шиг гадаадаас ирсэн бохь, лаазтай ундаа хараад гайхахаа больчихсон. Дэлхийд ямар шинэ технологи гарч байна маргааш нь л Монголд нэвтэрдэг болсон. Холливудын оддын хүүхдийнхээ сургалтын төлбөрт зарцуулдаг хэмжээний мөнгийг төлөөд эх орондоо хувийн   сургуулиудад монгол хүмүүс хүүхдээ сургаж байна.

Одоо гадаадынх гээд гайхаад байх зүйл монголчуудад байхгүй. Тэнд юугаараа илүү юм. Манайхаас илүү нь дулаахан л байх. Эрс тэс уур амьсгалтай гээд эх орноосоо хол байна гэвэл инээдэмтэй л хэрэг биз дээ. Дэлхийгээр нэг эзэнгүй, засаг захиргаагүй монгол хэлээр ярьсан хүмүүс байдаг болчихлоо. Гадаадад амьдарч байгаа хүмүүсийн тоо зуун хорь гаруй мянгад хүрдэг гэсэн. Үүнээс ч олон байгаа байх. Албан ёсны бүртгэлтэй нь энэ болохоос. Эргээд очих эх оронтойгоо тэр олон монголчууд ухамсарлах хэрэгтэй. Ингэж "Монгол" гэдэг нэр зүүчихээд эх орноо ээж, ааваа орхиод олон жил явсан, тодорхой хугацааны дараа эх орондоо ирэхгүй байгаа хүмүүст хариуцлага тооцдог болмоор байна. Тухайлбал Монголоосоо гараад арваас дээш жил эх орондоо огт ирээгүй бол Монголын харьяаллаас хасах арга хэмжээ авмаар байгаа юм. Хаслаа гэдгээ албан ёсоор зарлах хэрэгтэй. Гэхдээ үүнийг туйлшруулан ойлгож болохгүй. Сургуульд сурч байгаа, алба амины ажлаар ирж очиж байгаа хүмүүсийг бүгдийг нь хэлээд байгаа юм биш. Улс нь иргэнээ захирч чадахгүй бол улс гэж байгаад яах юм. Ямар ч эрх чөлөө явж, явж нэг хязгаарт хүрээд тулдаг.

Гадагшаа явсан ч гэсэн эх орноо мартаж болохгүй. Эргэж ирнэ гэдэг таны үүрэг.  Гадаадад байгаа монголчууд Монголын төрийн удирдлагуудыг очихоор асуудаг нэг зүйл нь давхар иргэншил. Гадаадад амьдардаг, бүр гадны иргэншилтэй болсон хэрнээ хааяа Монголдоо ирж, очиж байх гэж л үүнийг хүсдэг. Гэтэл угтаа Монгол Улсын эрх ашиг гэж бий.

Цэлхийгээр нэг тарсан монголчуудаа, эх нутагтаа цуглаж, эх орондоо эзэн сууя. Өтөл хөгшин болсон хойноо "эх орон минь" гээд ясаа тавих гэж ирэх хэрэггүй. Идэр насаа хүний нутагт өнгөрөөчихөөд Монголын төлөө хийсэн гавьяагүй хэрнээ өгөршсөн ясаа эх орондоо тушаах иь шударга хэрэг үү. Тиймээс л эх орон чинь та нарыг эсэн мэнд эрүүл саруул дээрээ эргээд ирээч гэж дуудаж байгаа юм, монголчуудаа. Тэгээд бид олуулаа болно.

МОНГОЛ ХҮН ЦЭЭЖ БОДОЛТЫН ДЭЛХИЙН АВАРГА БОЛЛОО

Германы Гизен хотноо есдүгээр сарын 30-наас 10 дугаар сарын 1-ний хооронд болсон “Цээж бодолт”-ын Дэлхийн аварга шалгаруулах оюуны спортын тэмцээний эцсийн шалгаруулалтад ой тогтоолтын ОУ-ын аварга Т.Мягмарсүрэн түрүүлж, дэлхийн аварга боллоо.

Тэрбээр тус тэмцээнд Монголын оюун ухааны академийн захирал, Ой тогтоолтын ОУ-н мастер Х.Хатанбаатарын хамт өрсөлдсөн юм. Манай улсаас Монголын Оюун Ухааны АКАДЕМИ-ийн Захирал, Ой тогтоолтын ОУ-н Мастер Х.Хатанбаатар, Ой тогтоолтын ОУ-н аварга Т.Мягмарсүрэн нар өрсөлдөн юм. Тэмцээний дүн гарч Х.Хатанбаатар багш 6-р байрт орж түүний шавь Т.Мягмарсүрэн цээж бодолтын ДЭЛХИЙН АВАРГА болжээ.  

“Цээж бодолт”-ын Дэлхийн аварга шалгаруулах оюуны спортын тэмцээний сүүлийн шатанд  150 хүнээс шалгарсан 20 орны 40 тамирчин олон оронтой тооны нийлбэр, олон оронтой тооны үржвэр, хүн хуанли, зургаан оронтой тооноос квадрат болон куб язгуур олох /таслалаас хойш зургаан оронг цээжээр олох/ зэрэг нийт таван төрөлд өрсөлдсөн байна.
Т.Мягмарсүрэнгийн хувьд өнгөрсөн 9 сард Турк Улсын Ой тогтоолтын нээлттэй тэмцээнд хамт амжилттай оролцож хоёулаа тус бүр 6 нийт 12 медаль авсан. Богино хугацаанд өөрийгөө нээж, хөгжүүлж байгаа чадварлаг сурагчдын нэг аж.
Энэхүү амжилтын талаар Монголын оюун ухааны академийн захирал, Ой тогтоолтын ОУ-н мастер Х.Хатанбаатар өөрийн facebook хуудсандаа,

“2012.10.01. Миний хувьд баярт өдөр тохиож байна. Эхлүүлээд хийж буй ажлын маань үр дүн ийм богино хугацаанд гарна гэж төсөөлөөгүй явлаа. Үнэхээр SURPRISE байж чадлаа. Шавь Т.Мягмарсүрэн маань ДЭЛХИЙН АВАРГА боллоо. Мөн энэ өдрүүдэд Шведийн ой тогтоолтын тэмцээнээс хоёр алт, нэг мөнгөн медаль хүртсэн шавь С.Цогбадрах, С.Акжол нараараа бахархаж байна. Биднийг арваннэгдүгээр сарын 23-27-ны хооронд үргэлжлэх дөрвөн жилд нэг удаа болдог ОЮУНЫ ОЛИМП хүлээж байна” гэжээ.

 Эх орныхоо нэрийг олон улсын тавцанд амжилттай гаргасан оюуны спортын тамирчиддаа баяр хүргье!

''МУУ ЁРЫН 7 ХОНОГ'' ДАХИН БҮҮ ДАВТАГДААСАЙ

Хүн төрөлхтөн амьтнаас ялгагдах ганц чанар гэгддэг оюун ухаанаараа компьютер, гар утас зэрэг агуу техникүүдийг бүтээн амьдрах болжээ.

Энэ техникийн хүчээр хэдэн зуун жил шийдэж чадахгүй байсан өвчин хуучийг ор мөргүй арилгах хүртлээ амжилттай хөгжүүлж чадсан. Харин ганцхан зүйлийн өмнө эд баялагтай, эсвэл ядуу хоосон, хөөрхөн, муухай гээд хэн нь ч байлаа гэсэн өвдөг сөгддөг нь хорвоогийн жам аж. Эдгээр ухаант хүмүүн байгалийн гамшиг гээчийн өмнө үнэнхүү газар дор ортлоо туйлддаг билээ. Тэгвэл өнгөрсөн долоо хоног дахин битгий давтагдаасай гэмээр муу ёрын долоо хоног байлаа. “Үерийн долоо хоног” гэж нэрлэмээр энэ аюул дэлхии нийтэд бага л тохиолдоосой билээ.
Өнгөрөгч долоо хоногийн байдлаар Испани, Нигер, Энэтхэг, Энэтхэгийн Аруначал Прэдс, Тайландын Бангкок, Пакистан зэрэг улс хотуудад үерийн аюул гамшгийн хэмжээнд хүрч олон зуун хүний амийг авч одлоо.
Пакистаны Фермийн аж ахуйн 80 хувь нь усанд автжээ
Таван долоо хоногийн турш үргэлжилж буй Пакистаны үерт 422 хүн амь үрэгдэн 3000 гаруй нь гэмтэж шархаджээ. Пакистаны ганцхан мужид л гэхэд 350 мянга гаруй хүн үерийн аюултай бүсэд байгаа бол үүнээс гадна таван сая хүнд нөлөөлсөөр байна. Тус улсын фермийн аж ахуйн 80 гаруй хувь нь усанд автжээ. Энэ газарт хамгийн сүүлд 2010 оны наймдугаар сард үер болсноос  1900 гаруй хүн амь эрсдэж байв.
Тайландын Юмуж усанд бүрэн автлаа
Өчигдрийн    мэдээгээр Тайландын арван муж тэр чигтээ усанд автсан байна. Prachin Buri, Sa Kaeo, Chachoenhsao, Sukhothai, Phitsanulok, Phichit, Ang Thong, Ayutthaya, Suphan, Bur, Nakhon Pathom гэх арван мужийн оршин суугчдын байдал одоогоор хүнд нөхцөлд байна. Тус арван мужийн 37 дүүргийн 1600 гаруй тосгон дахь 179 мянган хүн үерийн гамшигт өртөн эд хөрөнгө, аж ахуй амьдралаараа хохироод байна.
Энэтхэгт үер хөрсний нуралт давхцаж байна
Энэтхэг улсаас Аранучал Прэдс муж үерийн гамшигт хамгийн ихээр өртөөд байна. Одоогоор 28 хүний амь эрсдэн хэдэн зуун хүн ор сураггүй алга болжээ. Тус улсын хувьд үерийн гамшгаас гадна хөрсний нуралт гээч аюул давхар нүүрлээд байна. Энэ мужид өнгөрөгч зургадугаар сараас хойш үер болж байгаа бөгөөд дараалан хоёр удаа арав гаруй хүн нас барсан юм. Одоогоор 2588 тосгоны өрх үер, хөрсний нуралтаас болж гарч чадахгүйд хүрчээ. Улмаар 50 мянган га талбай усанд автаад байна.
Нигерт 6000 айл үерт автаад байна
Нигер улсад үерийн аюулаас үүдэн 49 хүний амь эрсэджээ. Тус улсын хэдэн зуун айл өрх болон Засгийн газрын байр үерт автаад байна. Орон нутгийн Засгийн газраас аврах баг бүрэлдэхүүнийг дайчлан амь үрэгдэгсдийн цогцсыг цэвэрлэх ажлыг эхлүүлжээ. Цаашид 37 нутгийн 6000 гаруй айл өрхийн үерийн аюулаас болж туйлдана гэдгийг орон нутгийн захиргаанаас мэдэгдэн яаралтай нүүлгэн шилжүүлэх ажлыг хийж байгаа аж.
Испанийн үер 10 хүний амийг авч одов
Испанид сүүлийн хэд хоног нүүрлээд буй үерийн аюулд арван хүний амь эрсдээд байгаа талаар албаныхан мэдээллээ. Өчигдөр Испанийн Муркиа мужаас эрэгтэй хүний, баасан гарагт есөн настай охин, эмээ хоёрын цогцосыг олджээ. Үүнээс тав нь Муркиа мужид, бусад нь Андаликиад амь үрэгджээ. Одоогоор хур тунадасын хэмжээ ихэсч, үргэлжлэн орсоор байна.
Ганцхан долоо хоногийн дотор хэдэн мянган хүний амийг авч одсон “Үерийн долоо хоног” дахин бүү давтаасай хэмээн залбирч суухаас өөрийгөө хийж чадахгүй хүн төрөлхтөн хөөрхий.

ЭХНЭР, НАЙЗ БҮСГҮЙГЭЭ ОРДООР НЬ ШИНЖИХ НЬ

Халамжтай, сайн гэргийтэй эр хvнийг аз жаргал, амжилт дагадаг.

Америкийн эрдэмтдийн судалгаанд нийтлэгдснээр: Өглөө гэрээсээ гарахдээ эхнэрээ vнсээд гардаг эрчvvд, эхнэртэйгээ таарамж муутай эрчvvдээс даруй 60 хувь амжилт, албан тушаал өндөр байдаг гэж..

Хонины ордны эхнэрvvд vнэнч шударга зан, идэвх, урмаараа бусдыг дагуулахгvй. Тэд нөхрөөрөө бахархдагаа хэнээс ч нуудаггvй, хvмvvс нөхрийг нь “хvрч, халдаж'' болдоггvй хvн гэж vнэлэхэд дуртай. Нөхрөө шинэ ажил эрхлэхийг ямагт сайшаах болно. Ялагдал гэдэг vгийг мэддэггvй өөдрөг сэтгэлтнvvд юм. Тэд байж болмооргvй мэт санагдах ажлыг ч хийхэд бэлэн, аливаа зvйл, хvндрэлтэй асуудлын бvх нарийн ширийнийг төдийлөн сайн мэдэхгvй, ойлгохгvй байсан ч ашигтай зөвлөгөө өгч чаддаг хvмvvс. Нэг дутагдал нь тэд дэндvv тэвчээргvй. Тэд амьдралын чухал асуудлыг шийдвэрлэнэ гэдэг хоромхон зуурын хэрэг биш, тэгээд ч эр хvний хувьд гэр орон гэдэг тохилог, тайван уур амьсгалтай нуувч, цайз байх ёстой гэдгийг ойлгох хэрэгтэй.

Vхрийн ордны эхнэрvvд мөнгө болон сайхан эд зvйлсэд дуртай. Тэд нөхрөө амжилт гаргаасай гэхээс байж яддаг, ялагдал хvлээх дургvй, нөхрөө зөв арга барилаар ажиллаж хvссэндээ заавал хvрэх ёстой гэж vздэг. Ер нь vхрийн орд бол банкны эзний орд гэж тооцогддог. Тиймээс vхрийн ордны эхнэртэй эрчvvд мөнгө санхvvг нь ухаалаг, ажил хэрэгч байдлаар хөтлөн явуулдагт нь эхнэрээ vнэлдэг. Тэгээд ч vхрийн ордны эхнэрvvд таашаал сайтай, нөхөртөө гоёмсог хувцас авч өгдөг. Баян, ухаантай найз нөхдийг сонгон олдог, тансаг чамин байдал, амжилтанд тун дуртай хvмvvс. Vхрийн эхнэрvvд ихээхэн зөрvvд хvмvvс тул дэвшилтэт vзэлтэй эрчvvдтэй амьдарна гэдэг нэн бэрх. Тvvнээс гадна тэдний эдийн сонирхол vргэлж давамгайлах гээд байдаг тул энэ хэрэгцээг хангах нь амьдралд нь тохиолдох нэгэн том бэрхшээл болж болзошгvй.

Хамтатгахын ордны эхнэрvvд өөрийг нь өөр хэн ч орлож чадахгvй, цорын ганц байх хvсэлтэй, тийм байхыг хичээдэг хvмvvс. Тэд олон талтай, амьдралыг өдөн дуудах дуртай. Цэргийнхэн, дипломатууд, гадаад оронд ажилладаг сэтгvvлчид, шуурхай сурвалжлагчид гээд ер нь байнга аялж, явж байдаг ажилтай эрчvvлд илvv тохирно. Бvх ордуудаас хамтатгах, нумын эхнэрvvд хөгжилтэй, зочломтгой, нөхөрсөг, сайн эзэгтэй байдаг. Ямар ч хvнийг найрсгаар угтаж, зочилж чаддаг. Хэрвээ нөхөр нь эхнэртэйгээ зөвлөж, эхнэрийнхээ vгэнд ач холбогдол өгдөг бол тэд нөхөртөө сайн туслагч болно. Байнга vглэж, урьдын нь алдааг сөхөн хэрvvл хийнэ гэж vгvй. Амьдралын бодит бэрхшээл, vнэ цэнийг ойлгож чаддаг. Харин тэд тэвчээргvйчvvдийн тоонд орох бөгөөд амжилт тэр дороо ирдэггvй, амьдралд ялахын тулд олон зvйлийг даван туулах хэрэгтэй болно гэдгийг ойлгодоггvй.

Мэлхийн ордны эхнэрvvд гэр орноо халуун дулаан уур амьсгалтай байлгаж нөхрөө хvлээдэг. Ийм эхнэртэй нөхөр жаргалтай байх нь ойлгомжтой. Мэлхийн эхнэрvvд гэр орныхоо дотоод уур амьсгал, харилцаанд ихээхэн анхаарал хандуулдаг бөгөөд ус махбодтой бусад ордын адил нарийн мэдрэмжтэй сайн ээж байдаг тул нөхрөө эхийн хайраар хайрладаг. Олны өмнө тэр бvр ил гардаггvй, гарвал нөхөртөө сайн “чимэглэл” болох төдий байдаг. Тэд vнэхээр гайхалтай гэрийн эзэгтэй нар. Нөхөр нь өөрийгөө гэр бvлийн тэргvvн гэдгээ ямагт мэдэрнэ. Мэлхийн ордны эхнэрvvдийн муу тал нь хэт хуучигсаг болоход хvрдэг зөрvvд зан, мөн бусдад итгэдэггvй явдал байдаг. Тиймээс нөхрийнхөө найз нөхөд, хамт ажиллагсдыг шинжиж, нөхрөө уурлуулах нь бий. Тэр байтугай хамаатан садандаа ч болгоомжтой хандах хэрэгтэй гэж дотроо боддог эмэгтэйчvvд юм.

Арслангийн ордны эхнэрvvд туслах дvрд тоглохыг хэзээ ч зөвшөөрөхгvй. Тэд нэр алдар, тансаг хангалуун байдалд дуртай. Тэд өндөр албан тушаалтай юм уу алдар нэртэй нөхөртэй байвал л аз жаргалтай байна. Маш хөдөлмөрч бөгөөд нөхрөөсөө өөртөө байнга анхаарал тавихыг шаардана, нөхрийн анхаарал өчvvхэн сулрахад хагартлаа уурладаг. Эрчvvдийн ажил төрөлдөө амжилт гаргах гэж хичээдэг занд дуртай, vнэлж чадна. Хэдийгээр нөхөртөө хайртай боловч, ихэнх тохиолдолд нэлээн хувиа хичээмтгий зантай. Энэ нь бэлгийн амьдралд ч илэрнэ. Өөрөө секс хvсэхгvй, зөвхөн өөртөө цаг зарцуулах шаардлагатай гэж vзвэл нөхрийнхөө хvсэл таашаалыг тэр бvр анхаарч vзэхгvй. Тэд болж өгвөл өөрсдийн захиран тушаах хvсэл эрмэлзлээ дарж, эр хvний өөрийгөө vнэлэх vнэлэмж, өөрийгөө илэрхийлэх, өөрийнхөөрөө байх нь эмэгтэй хvнийхээс илvv байх ёстой гэдгийг ойлгох хэрэгтэй.

Охины ордны эхнэрvvд далдхан байхыг хичээдэг, идэвхтэй амьдралд тэр бvр дуртай биш. Тийм болохоор эрдэмтэн, судлаач, өмгөөлөгч, тvvхч, багш, эмч гэх мэт шинжлэх ухаан юм уу ер нь оюуны хөдөлмөр эрхэлдэг нөхөртэй байвал аз жаргалтай амьдарна. Ийм мэргэжилтэй эрчvvд арслангийн ордны бvсгvйг сонгон авбал жинхэнэ сайхан хос болно. Охины ордны эхнэрvvд өөрийн гадаад байдалдаа тэгтэл анхаарал тавьдаггvй, гэр бvл, нөхрийнхөө төлөө ажил, албан тушаалаасаа татгалзаж чадна. Нөхөртэйгөө нэг дор ажиллавал сайн нарийн бичгийн дарга, референт нь болно. Халамжтай, анхааралтай, хэл ам хурц эхнэрvvд. Тэд нөхрийнхөө өөртөө итгэх итгэлийг нь алдагдуулахгvй байхын тулд онцгой арга барилаар харьцах хэрэгтэй.

Жинлvvрийн ордны эхнэрvvд өөрийнхөө хувийн эрх чөлөөг хамгаас эрхэмлэдэг. Ганцаардлыг тэвчдэггvй, гэрлэсэн бол гэр бvлийн амьдралыг гартаа авах эрмэлзэлтэй. Тэд нөхрийнхөө сонирхол, ажлыг ойлгохын тулд алхам бvрийг нь мэдэж байхыг хvсдэг, амархан шинэ найз нөхөдтэй болдог, амьдрах газар орчноо ойр ойрхон сольж байдаг. Сайн тал нь ямар нэг байдлаар нөхөртөө саад хийхээс их айдаг, сайн задлан шинжлэгчид, ухаалаг эхнэрvvд юм. Тэр нөхрийнхөө ажил төрөлд тохиолдсон асуудлын мөн чанарыг хурдан ухаарч, ойлгож, хэрэгтэй сайн зөвлөгөө өгч чадна. Тэр байтугай зvрх сэтгэлийн асуудал байлаа ч /жишээ нь нөхөр нь нарийн бичгийн даргатайгаа амрагийн холбоотой болсон ч/ ухаалаг шийдвэр гаргах чадвартай. Учир нь тэд “өөрийн нэр хvнд хамгаас чухал” гэсэн арга барилтай хvмvvс.

Хилэнцийн ордны эхнэрvvд нэг талаас их хvчирхэг, аливаад өөрийнхөөрөө ханддаг эрх чөлөөт хувь хvмvvс. Нөгөө талаар энэ ордны эхнэрvvд их vнэнч, итгэлтэй, өөрийнхөө хайр дурлалын төлөө тэмцэж чаддаг. Ийм хvмvvст нөхрийн нь аз жаргал их чухал байдаг тул аливаа зовлон бэрхшээлийг зоригтойгоор даван туулдаг. Хvмvvсийг нэвт шувт хардаг, сайн мэддэг, хэцvv vед ч биеэ барьж чадна. Хилэнцийн эхнэрvvд мөнгөнд ухаалаг хандаж чаддаг, хэдийгээр хайр дурлалынхаа төлөө тэмцэж чаддаг ч бас өөртөө их хайртай тул өөрийгөө золиослох хvсэлгvй. Бусад бvх ордноос илvv сексийн боломж, таашаал ихтэй тул vvнийг нь хангаж чадахгvй бол өөртөө хайртай хvний хувьд ийм амьдралд удаан байхыг хvсэхгvй. Тохилог гэр орноос илvv өөрийн гадаад байдал, хувцаслалтанд анхаарал тавьж магадгvй.

Нумын ордны эхнэрvvд адал явдал, санаанд оромгvй явдалд дуртай, барагдашгvй амьдралын эрч хvч, сэтгэлийн тэнхээтэй хvмvvс. Тэд хэзээ ч мөнгөний төлөө vхэн хатан зvтгэхгvй, нөхрөө мөнгө ол гэж vvрийн гэгээнээс vдшийн бvрий хvртэл зvтгvvлэхгvй. Тэд ямар ч тохиолдолд хувь хvний өөрийгөө илэрхийлэх чадварыг илvvтэй vнэлдэг. Тийм учраас нөхрөө азгvй, арчаагvй гэж зэмлэхгvй, харин өөртэйгөө адил өөдрөг байхыг шаардана. Хэдийгээр гэрийн ажил хийх дургvй боловч цэвэр цэмцгэр орчин, тохилог гэр орон, сайхан эд зvйлсэд дуртай, эелдэг, нөхөрсөг, зочломтгой гэрийн эзэгтэй нар. Тиймээс нумын ордонд төрсөн эхнэрээ гэр, ахуйгаа хөтлөн явуулах шаардлагатай зvйлээр нь хангаж, ахуйн аар саар ажлаас чөлөөлж өөрийнхөөрөө байх бололцоо өгвөл нөхрөө уйдаахгvй, ямагт сэтгэл өөдрөг, инээд хөөртэй байлгадаг сэргэлэн цовоо эхнэр, сайхан амраг юм.

Матрын ордны эхнэрvvд амжилт бол уйгагvй хөдөлмөр, бvр өөрийгөө мартан зvтгэсний vр дvнд ирдэг гэж vздэг. Тиймээс өөрсдөө ч гайхмаар махруу, зvтгэлтэй хvмvvс. Нөхрөө нэр алдар, амжилтанд хvрсэнгvй гэж vглэхгvй, харин тvvнийг хөдөлмөрлөж бий болгох хэрэгтэй гэж vздэг учраас хөдөлмөрлөхийг л шаардана. Амжилтанд яаран тэмvvлдэггvй, аливаад хямгатай ханддаг, мөнгийг гамтай зарцуулдаг бодлоготой, тэвчээртэй эхнэр юм.

Хумхын ордны эхнэрvvдийн хувьд мөнгө багагvй ач холбогдолтой зvйл юм. Тэдний ихэнхийн хувьд аз жаргал гэдэг бол амьдралын зөвхөн сэтгэл санааны нь талыг илэрхийлэх бөгөөд эдийн хөрөнгийн тал нь биш. Тиймээс ч эд хөрөнгөнд шаггvй анхаарал хандуулдаг. Тэд ихэвчлэн “төгс төгөлдөр нөхөр” гэдгийг эрж олдог, сонгодог. Тэд улам өндөр байр сууринд хvрэх санааг нөхөртөө байнга өгч, тvvнд хvргэхийн тулд турхирч, тvлхэж байдаг. Хумхын ордны эмэгтэй төрийн албан хаагч юм уу олон нийтийн зvтгэлтний эхнэр болбол илvv аз жаргалтай байна. Тэд юуханд ч хар санаж харддаггvйгээрээ давуу талтай. Тийм болохоор нөхрөө элдвээр шалгаж, утсыг нь чагнаж, найз хvvхнээрээ утасдуулна гэж vгvй.

Загасны ордны эхнэрvvд өчvvхэн зvйл дээр ч гэсэн нөхрийнхөө тусламжийг авч, юм болгон дээр нөхрийнхөө санааг асуудаг. Ингэснээрээ тvvний хувьд хамгийн чухал хvн нь нөхөр нь, чи минь байхгvй бол би амьдарч чадахгvй гэсэн санааг байнга төрvvлж байдаг гэнэ. Тиймээс өөрийгөө vнэлдэг, гэр бvлийн хамгийн гол хvн бол нөхөр байх ёстой гэж vздэг хvнд хамгийн тохирох эхнэр болж чаддаг. Загасны ордны эхнэр хэзээ ч нөхөртөө элдвийг зааварлаж, санасан бодсонд нь хориг тавьдаггvй. Ажил нь бvтэхгvй, наймаа нь олигтой явахгvй байсан ч нөхрөө vглэж зовоохгvй, амьдралынхаа тvшиг, тулгуур гэж бодож явдаг сайн талтай. Тэдний хувьд нөхрийн нь тайван байдал, аз жаргал хамгийн чухал. Vгvйдээ л нөхөртөө ийм сэтгэгдэл төрvvлж чаддаг хvмvvс юм

Сүхбаатарын талбай дээр өчигдөр эхэлсэн “Дулаалгын сарын аян” үзэсгэлэн 14 хоног үргэлжилнэ.

Үзэсгэлэнд дулааны хэмнэлттэй орон сууц барьдаг байгууллагууд оролцож байгаа юм. Оролцогчид метр квадратыг нь 490 мянгаас 1.5 сая төгрөгний үнэтэй, 1-11 давхар барих боломжтой байшингуудын танилцуулж байна. Байшингуудыг үзэж байгаа хүмүүс “Үнэтэй байна” гэдгийг хэлж байгаа бөгөөд хотын удирдлагууд банкны лизингэд оруулж өгөхөөр хөөцөлдөж эхэлжээ.   

Төмөр карказаар рам зангидаж шилэн хөвөнгөөр дулаалаад тусгай технологиор боловсруулсан модоор хучилт хийсэн буюу Герман, Канад, Америк аргачиллаар барьсан байшингуудын загварыг гаргажээ. Ус дулааны асуудлыг захиалагч талтай ярилцаж шийднэ. Өөрөөр хэлбэл нийтийн шугам сүлжээнд холбох боломжтойг нь холбоно, ханан зуух болон шалны халаалтаар халаах гэнэ. Түүнчлэн зөвхөн цахилгаанаар халахаар шийдсэн нь ч байлаа. Халаагч нь тасалгааны темпертураа мэдэрч өөрийн цахилгааны хэрэглээ хязгаарлана. Та өрөөгөө 25 градус халаахыг хүсвэл тухай температур дээр тохируулах бөгөөд халаагч өрөөний дулааныг 25 градуст хүрмэгц өөрөө автоматаар цахилгаанаас салах юм.

Бага орлоготой иргэдэд зориулсан 4х6-ийн харьцаатай байшин долоо орчим саяд босох боломжтой байхад тансаг хаусуудыг хоёр гурван зуун саяд ороход бэлэн болгоно гэдгийг гүйцэтгэгчид онцлов. Энэ нь ус дулаан, материалын чанар болон хэдэн давхар байх зэргээс шалтгаалж буй. Захилга өгснөөс хойш байшингийнхаа хэмжээ, технологиос хамаарч 24 цагаас цагаас 45 хоногийн хугацаанд угсарч өгнө. 

Эдгээр байшингуудын дунд байх монгол гэрийн дулаалга нүдэнд содон. Том таван хантын дээврийн дулаалга 160, туурга 165, шал хаяаавч 225 мянга төрөгийн ханштай байв. Нийтдээ 550 мянган төгрөгний үнэтэй. Энэ дулаалганы гадуур нэг давхар эсгий бүрээс барихад гурван давхар эсгий бүрээстэй гэртэй дүйцэхүйц дулаан хадгалах аж. Материал нь бороо нэвтрүүлэхгүй, өвөл цан цохихгүй гэдгийг цохов.    

       Хүнсний аюулгүй байдлаас үүдэлтэй хорт хавдрын

                                                    үүслийн он жилүүд эхэлжээ
“Өнгөрсөн борооны хойноос цув нөмрөх”, “Ингэх л гээд байсан юм” гэх зэрэг онч, хэлц үг уг нь зөндөөн буй. Үүнийг мэдсээр авч сэргийлж болшгүй, эсвэл чаддаггүй юм ч өчнөөн байх бололтой. Монголчуудын дунд элэгний хорт хавдар гэдэг нэг өвчин жил ирэх тутам газар авсаар үхлийн шалтгааны хоёрдугаарт ороод ирэв. Нэгд нь, дэлхий нийтэд түгээмэл байдаг зүрх судасны эмгэг зогсч байгаа ч тэр нь элэгний хорт хавдрыг бодвол тийм ч аймаар юм биш. Бараг байдаг, зүй ёсны үзэгдэл гэхэд болно. Нас барсан бүх хүний зүрх зогсдог юм. Тэгэхээр нийтлэг зүйл л дээ. Бид бүгд энэ оношийг “аваад” л явна шүү дээ. Харин элэгний хорт хавдрын хувьд арай өөр юм. Урьдчилан сэргийлж, эмчилж болох эмгэг гэсэн үг л дээ. Социализмын үед айргийн тав, зургаагаар эргэлддэг байж билээ. Элэгний хорт хавдар цөөн тохиох агаад ганцхан оноштой байв. Тэр нь “элэгний анхдагч өмөн” бөлгөө. Архидалтаас үүдэлтэй гэх эл өвчнөөр тавиас дээш насны, голдуу эрэгтэй хүмүүс өвчилдөг байсныг тэр үеийн статистик харуулах биз. Тус өвчнөөр 45 настай хүн өдрийн од шиг өвдөхөд ихэд гайхдаг байсныг тод санаж байна.

Одоо элэгний хорт хавдартай нярай хүүхэд хүртэл төрөх болжээ. Энэ нь тэс өөр юм яриад байгаа хэрэг л дээ. Элэгний өвчин нэмэгдээд байгаа тухай ерээд оны дундаас нэлээд хүчтэй ярьж эхэлсэн түүхтэй. Чухам юунаас болоод байгааг нь тэгэхэд буруу тогтоосон бололтой. “Жараад оноос халдварт шараар монголчууд хавтгайдаа шарласны хор уршиг одоо л гарч байна” гэж энэ салбарын урдаа барьдагууд үзэж байсан удаатай. Үнэний хувь байвч дангаараа үүрэх хэмжээнд очоогүй явжээ. Шинэ зууны босгон дээр буюу 2000 он, түүний эхнээс элэгний хорт хавдар ихсээд байгааг бүр онцлох болсон гэж байгаа. Гарал үүслийн талаар дахиад л маргаан дэгдсэн дээ. Яг тэр цаг үетэй давхцан элэгний эмгэг үүсгэдэг С вирүсийн талаар яригдаад эхэлснийг зарим нь санаж байгаа байх. Одоо гурван монгол хүний нэг энэ халдварт өртсөн гэх болжээ. Элэгний хорт хавдар үүсгэдэг сонгодог вирүс мөн л дөө.

Өндөр хөгжилтэй орны иргэд байтугай төр, засгийхныг нь чичрүүлдэг вирүс. Тиймээс гадныхныг хүлээж авахдаа визтэй эсэхтэй нь зэрэг С вирүсийн халдвартай юу, үгүй юү гэдгийг нь хардаг болжээ. Халдвар авснаас хойш хориод жилийн хугацаанд элэгний хорт хавдраар баараггүй өвдөнө гэсэн үг. Бас л үнэний хувьтай. Энэ бүхэнтэй хамт мөнөөх муу нэртэй, луу данстай архи явсаар л байгаа. Ерээд оноос эхэлсэн хавтгай архидалтын хор уршиг одоо гарч байгаа нь мэдээж. Гэхдээ бас л дангаараа даах болоогүй. Эрчүүд голдуу өвчилдөг байхад бүхнийг түүн рүү чихдэг байсан хатуу боловч үнэн. Гэтэл сүүлийн таван жилийн судалгаагаар зөвхөн эрчүүд ч биш эмэгтэйчүүд, хөгшин, залуу, хүүхэд гэлтгүй ижил хэмжээгээр өвчлөх болсон нь тогтоогджээ. Өвчлөл 50:50 болов гэсэн үг. Үүнээс нэг гаргалгаа гарна. Уулаа уулаа гэхэд эмэгтэйчүүд, залуус, хүүхдүүд арай тэр архаг архидалтын түвшинд очтол уугаагүй байлгүй дээ. Тэгэхээр юунаас болов гэдэг асуудал гарч байгаа юм. Экологи энэ тэр мэдээж нөлөөтэй.

Гэхдээ нийтлэг нэг зүйл байгаа нь тодорхой болжээ. Тэр бол амьсгалдаг агаар, иддэг хоол, уудаг унд бөлгөө. Амьсгалдаг агаар нөлөөлж байгаа аваас зөвхөн Улаанбаатарынхан өвчилмөөр дөө. Тэгтэл бас тэгсэнгүй. Тэгэхээр л хоол хүнсэн дээр буугаад байгаа юм. Хоол, хүнс элгэнд нөлөөллөө гэхэд өвчлүүлэх магадлал 15-20 жил гэж мэргэжилтнүүд хэлжээ. Тэгвэл бид 15-20 жилийн өмнөөс ямар хоол, хүнс хэрэглэж эхэлсэн бэ? гэдэг ганц асуулт гарна. Тэр тодорхой шүү дээ. Хятадын гаралтай хүнс түлхүү хэрэглэж ирсэн мөчлөг яг таарч байгаа юм. Хорин жил хортой хүнс хэрэглэсний буюу хүнсний аюулгүй байдал алдагдаж эхэлсэнтэй холбоотой үүсдэг хавдрын он жилүүд эхэлжээ. “Хятадын хор идэж, ууж ирсний 20 жилийн ой” тохиож байна гэхэд хилсдэхгүй. Бид өмнөд хөршөөс хүнснийхээ 80 хувийг импортолдгийг та эрхбиш мэднэ биз дээ. Өөр ямар ч гарц, арга, бултах нүх байхгүй ээ. Гарах ганцхан гарцтай. Хятадын хүнснээс татгалзах, эко бүтээгдэхүүн хэрэглэх гээд уг нь их амархан, энгийн арга байгаа биз. Бид даанч чадахгүй л дээ. Бид больё гэвч төрийн бодлого маань түүнд богтлогдож орхижээ. Хятадаас л “юм” авахгүй бол болохоо байчихаж. Тэгэхээр хүссэн ч, эс хүссэн ч хавдартайгаа эвлэрэхээс яах билээ. Тэгэх албатай юм уу гэж үү? Тэгээд бид яах болж байна аа.

                                                                                           МОНГОЛ ЭРЧҮҮДЭЭ ХАЙРЛАЯ

Энэ нийтлэлээ эхлэхийн өмнө сүүлийн үед гаргасан сонирхолтой судалгааны содон баримтыг шигтгэе.
-Их дээд сургуульд суралцагсдын 60.5 хувь  эмэгтэй, 39.5 хувь нь эрэгтэй. 
-Гадаадад хар ажил хийж байгаа хүмүүсийн 92 хувь нь эрчүүд.
-Дундаж наслалт: Эрэгтэй  60.59,  Эмэгтэй 69.38.
-Осол гэмтлийн улмаас нас барах явдал эрэгтэйчүүд эмэгтэйчүүдээс 3 дахин их.
-Хөдөлмөрийн чадвараа алдагсдын 75 хувь нь эрэгтэй.
-Насанд хүрээгүй хөдөлмөр эрхэлж буй хүүхдүүдийн 64.3 хувь нь  хөвгүүд байна.

Манай монголчууд муу, сайн ч эр хүн эмийн дээр, эр хүн алзахгүй, хаттай, аар саархан ажил хийгээд ч  амьдраад явчихна гэсэн сэтгэлгээтэй. Тийм дээ ч  эцэг, эхчүүд охиноо л боловсролтой болгочихъя, охин хүүхэд дорой бол эрийн боол болж, хадамдаа гологдоно, хүнд дээрэлхүүлнэ гээд онцгойлон анхаардаг. Санхүүгийн бололцоо боломж тааруу байсан ч хуруу хумсаа хуйхлах нь шахуу зүтгэж, зээл авч байж охин хүүхдээ л  сургана. За манай хүү яахав ээ, эр хүн, мэргэжилгүй ч хар бор ажил хийгээд болчихно. Боломж байвал Солонгос руу явуулъя эсвэл такси бариад хоолныхоо мөнгийг олоод байна биз хэмээнэ.  Хөдөөгийнхөн  эрэгтэй хүүхдийг голдуу малаа маллаг гээд сургуулийг нь төгсгөлгүй гаргачихдаг байв. Ийм хандлага зах зээлийн нийгэмд шилжсэн сүүлийн хорь гаруй жилийн хугацаад хүчтэй түгсэн гэж хэлж болно.

Эмэгтэй хүүхдээ онцгойлон анхаарах, эрэгтэй хүүхдээ зөнд орхих  нь тийм сайн үр дагавартай биш гэдгийг дээрх судалгааны дүн ч, олны яриа ч, охид бүсгүйчүүдийн дүгнэлт ч хэлээд өгнө.

Боловсрол эзэмшсэн байдлаар нь харьцуулсан судалгаагаар  эрчүүд нь бүсгүйчүүдээс хамаагүй дор. Дээрээс нь архинд донтох нь нэмэгдэж, түүнийгээ дагаад өвчинд нэрвэгдэж ха р залуугаараа хорвоогоос хальж байна. Тиймээс ч эрчүүдийн  дундаж наслалт эмэгтэйчүүдийнхээс  арван насаар доогуур үзүүлэлтэй. Ажил эрхлэлтийн байдлаас харахад хамаагүй зөрүүтэй. Эрчүүд мэргэжилгүй  учраас цалин гайгүйтэй ажил олдохгүй байна, түүний оронд эхнэрээ ажиллуулаад, гэртээ сууж хүүхдээ хардаг болоод удаж байна. Гэр бүлээ авч яваа, нөхрөө тэжээж  байгаа бүсгүйчүүдийн тоо жилээс жилд өссөөр байгаа аж.
Энэ хэрээр тэр эр хүний өрх гэр бүлдээ оройлох үүрэг төдий  чинээгээр л буурна. Эхнэрийнх нь дүрэлзсэн хайр дундарч,  дургүй нь хүрэхээрээ хоолны сав, арчаагүй юм хэмээн аашилна. Хадмууд нь анхиагүй хэмээн гоочилно. Ингээд эрчүүд сэтгэл гутралд  автана. Түүнийгээ тайлах гэж архидана. Өөрийгаа татаж авч чадахгүй нь архин далайнд живнэ.
Тэгээд эхнэр нь хар архичин, орлогогүй амьтнаас салж,  зам мөрөө хөөнө өө гээд хаяад явна.  Үүнээс болоод зарим эрчүүд амиа хорлох нь олонтой, гэмт хэрэгт орооцолдох нь цөөнгүй. Сүүлийн үед эрчүүд амиа хорлох нь нэмэгдээд байгаа  аж. Дээд сургууль төгссөн бүсгүй тоосго зөөсөн ажилчинтай,  гудамж метрлэсэн залуутай суухгүй гэж голно. Тиймээс сүүлийн үед сайхан сайхан бүсгүйчүүд нөхөрт гарахгүй, олигтой залуу олдохгүй байна гэцгээнэ. Тэгээд тэд нас явж 30 дөхөөд ирэхээрээ ажилгүй, арчаагүй хүнтэй сууж байхаар боломжийн амьдралтай, ген сайтай хүнээс хүүхэдтэй болоод ганцаараа эрх дураараа амьдарна гэх болжээ. Бэлтэй хүний  нууц амрагийн амьдралаар  насаараа амьдрах хүсэлтэй хүүхнүүд олширсон байна. Ажилтай, бизнестэй, амьжиргаатай эрчүүд бүсгүй болгонд олдохгүй. Зарим нь  баян нэгний нууц амраг болно гэж хайгаад ч олдохгүй. Тиймээс тэд харийн эрсийг сонирхох болж. Энэ үзэгдэл зөвхөн төв суурин газар хавтгайраад ч байгаа биш хөдөөд ч  хүрээгээ тэлж байна.

Сүхбаатар, Өмнөговь гээд уул уурхай хөгжиж байгаа, өмнөд хөрштэй хил ойролцоо аймаг, сумдын  малчин бүсгүйчүүд нутгийн залуусаа голж хятад иргэнтэй  суух нь олширчээ. Нэг өвгөн “Тэр монгол залуу залхуу, өвөрлөгч эр чинь ноомой ч ажилсаг, үгнээс гарахгүй амар, хонь хариулахдаа сайн, архи уухгүй, хүргэнээ болгосон” хэмээн хууч хөөрч байсан удаатай. Одоо манай бүсгүйчүүд  монгол эрчүүд арчаагүй, ажилгүй, мэргэжилгүй, архи уухаас цаашгүй, мөнгөгүй хэмээн голох нь дэндэж байна.

Тэгээд харийн хүнтэй суухын  бөөн мөрөөсөл. Дорсгой шүдтэй, өмхий үнэртэй, дээрэлхүү зантай байсан ч мөнгөтэй бол өвөрлөгч эрийг дагаад гүйчихнэ. Амар хялбар, зовохгүй  сайхан орчинд амьдарна гээд  хангүг залууг ханиараа сонгоно. Гэвч тэд ямаан омогтой нөхрийнхөө дарамтад орж, хадам ээжийн хэцүү аашийг тэвчихийн  зовлонг эдэлнэ. Европ эрчүүд  сайхан, америк  эр баян, хөгшин япон халамжтай, нүнжигтэй   гээд гадаад хүнтэй ханилсан бүсгүйчүүд харийн оронд очоод харь хүний   харамч нарийн зан, тооцоотой амьдрал, хүйтэн хөндий авирт дасахгүй  нутгаа, эх орноо, гэр бүлээ сананан бэтгэрнэ. Тэдний нүд нь цаана л нэг гунигтай. Дийлэнх л иймэрхүү амьдралтай.  Гэхдээ сайн гадаад эртэй ханилаад жаргаж байгаа хүүхнүүд  ч бий л дээ. Тэднийг үгүйсгэх гээгүй юм шүү.

Яагаад манай монгол эрчүүдийн үнэлэмж буурав, эр хүний эзлэх байр суурь ганхав гэхээр зөвхөн эрчүүддээ бурууг тохоод , арчаагүй тэдний хохь нь гээд тоохгүй өнгөрч боломгүй. Эрчүүдэд дутагдалтай зүйл олон бий.  Гэхдээ л төр засгийн зүгээс эрчүүдийг дэмжих бодлого хэрэгжүүлж, эцэг, эхчүүд хөвгүүддээ анхаарлаа хандуулах цаг болжээ.

Үнэндээ арчаатай, авхаалжтай нь сайхан амьдарч байгаа ч, амьдралын эрхээр сурсан сургуульгүй, эзэмшсэн мэргэжилгүй,  олигтой ажил ч үгүй, гарын дүй ч үгүй нь  амьдралын  шуурганд бөхийж байна. Харийн хүнтэй сууж, харцан  дор нь  амьдарч байхаар сайхан монгол залуугаа өөд нь татаад сэтгэлээр дэмжээд амьдарвал бүсгүй та ч жаргалтай амьдарч болно шүү дээ. Миний нэгэн таньдаг сэтгүүлч эгч улаан хацартай, ёстой таг хөдөөний гэж хэлэх залууг насныхаа хань болгоод дагуулаад ирсэн юм. Тэрээр "хүн сайтай залуу болохоор нь ханилахаар шийдсэн юм, та нар харж байгаарай,  хэдэн жилийн дараа миний хань хурандаа болно доо" гэж хэлж байж билээ. Нээрээ л нөхрөө цагдаагийн сургуульд сургаад, дараа нь төрийн байгууллагад ажилд оруулчихсан байсан. Нөхөр нь  саяхан хурандаа болсон байна лээ. Тэр  сэтгүүлч  эгч  хөдөө өссөн  нуруутай сайхан хүний хайранд олон жил умбаж,  хатан хаан шиг сайхан амьдарч явна.  Монгол эрчүүдэд  хайр, халамж, итгэл өвөрлүүлэхэд өөдөө сэвхийгээд л ирнэ ээ. Монгол  эр хүнийг хайрлах тусам зөөлөрч, итгэл өгөх тусам урам орж, магтах тусам зүтгэдэг гэдэг дээ.

ЭР ХҮНИЙ УРТ НАСЛАХЫН НУУЦ ӨМДӨН ДОТРОО БАЙДАГ ГЭНЭ

Яагаад эмэгтэйчүүд эрчүүдээс илүү өндөр насладаг вэ? Байгалийн энэ шударга бус байдлыг

ХАЙР, ХҮНДЭТГЭЛ, ИТГЭЛ

Хайр гэдэг агуу зүйл. Бас энхрий ялдамхан

Үгээр илэрхийлэхийн аргагүй нэг л бүлээн, гэгээлэг, баяр баясгалан, гэгээн алсад тэмүүлэх мөрөөдлийн совинг хайр авч ирдэг. Хайрлан дурласан хүнд бүрхэг манантай өдөр бүлээн дулаахан, гэрэлтэй, өнгөлөгөөр мэдрэгддэг. Хайр гэрэлтсэн нүдэнд, өвлийн цасан дороос ув улаахан сарнай цэцэг цомирлогоо дэлгэж, аагим халуун өдөр ч гоёмсог цасан ширхэг гялалзан гялтганан агаарт бүжиглэнхэн харагднам. Чамайгаа харах бүрийд сэтгэл зүрх минь баяраар  гийж, орчлон ертөнцийн бүх л зүйлс гайхамшигтай сайхан, үлгэрийн мэт санагдаж, өмнө нь хэзээ ч ажиглаж, мэдэрч байгаагүй бүхэн нүдний өмнө тодрон, бид өөрсдөө үлгэрийн үзэсгэлэнт гүнж, гайхамшигт хан хүү мэт болно. 

Хүндэтгэл гэдэг эрхэм зүйл

Олон олон гоёмсог цэцэгсийн дундаас гайхамшигт сайхан цэцгийг ялган олж харахдаа түүний нэг л эрхэмсэг төрх, гоо үзэсгэлэнг бахдана. Бусдаас ялган олж харж буй сэтгэл, зүрхэнд минь мэдрэгдэж буй тэр л эрхэм зүйлс миний сэтгэлд хүндэтгэл бишрэлийг төрүүлнэм. Өөр хэнд ч биш зөвхөн би л мэдэрч байдаг тэрхүү гайхамшигууд чинь намайг баярлуулж, хайрлах сэтгэлийг минь цаг ямагт хөглөн эгшиглүүлнэ. Гоо сайхан гэдэг зөвхөн гаднаасаа биш  дотроосоо л гэрэлтэж байдаг. Чинийхээ ухаалаг, алив зүйлд хүлээц тэвчээртэй ханддаг, бас намайг ойлгож хайрладаг, бусдын өмнө сайхан харагдуулахыг хүсдэг хүсэл чинь намайг бишрүүлж, үүний төлөө чамайгаа бишрэн шүтэж, хайрлан хүндэтгэнэм.

Итгэл гэдэг бат бөхийн бэлэгдэл

Сонгож авсан цэцгээ анх харсан шигээ анхилуун, гоёмсог, үзэсгэлэнтэй, эрхэмсэг хэвээр байлгахын тулд, цаг ямагт сэтгэлийн илчээрээ гийгүүлж, хүндэтгэл бишрэлийн гайхамшигт үгсээр услах болдог. Энэ тансаг, булбарайхан цэцэг минь өөр хэнийх ч биш зөвхөн минийх байлгахыг хүсэхдээ арчилж тордох ёстой. Бид хоёр бие биедээ цаг ямагт баяр баясгалан, хайр энхрийлэл, аз жаргал бэлэгдэж байхын үндэс нь итгэл юм. Гоёмсог цэцгийг сайхан хэвээр ургуулахын тулд шим тэжээлт цэвэр усаар ундаалж байх лугаа адил хайр энхрийлэл дүүрэн халуун дотно үгсээр тэтгэж байх учиртай. Хорвоод зөвхөн чи минь минийх, би  чинийх байна гэдэг итгэл л бидэн хоёрын хайр сэтгэлийн бат бөхийн бэлэгдэл болном.

ТҮР ЗУУРЫН ҮХЭЛ БУЮУ НОЙРНЫ НУУЦ

Одоогоос 75 жилийн өмнө "Тарас Бульба”, "Амьгvй албат” зэрэг олон бvтээлээрээ алдаршсан зохиолч Николай Гоголийн шарилыг Даниловын сvмийн оршуулгын газраас зөөсөн аж. Гэтэл талийгаачийн авсны тагийг нээж vзтэл зохиолчийн толгой хажуу тийшээ харсан байжээ.

Тухайн vед Оросод төдийгvй Европод ч "летаргия” гэдэг өвчний талаар сайн мэддэггvй байсан тул эхний vед бvгд гайхсан гэдэг. Харин эрдэмтэн, судлаачид тvvнийг "амьдаар нь оршуулсан” байж магадгvй гэсэн дvгнэлт хийсэн аж. Н.В.Гоголь өөрийн найзын эхнэр Екатерина Хомяковад хязгааргvй хайртай байсан боловч тэр нь гэнэт нас баржээ. Хайртай хvнийх нь vхэл Гоголийн сэтгэлийг шаналган зовоож, хямруулсан байна. Тун удалгvй тэр "Амьгvй албат” романыхаа хоёрдугаар дэвтрийн гар бичмэлийг шатааж, хэвтэрт оржээ.

Эмч нар Гоголийг тайвшруулах эмчилгээ хийсэн боловч олигтой vр дvнд хvрсэнгvй. Удалгvй зохиолч нас баржээ. Гэвч энэ vхлийн нууц одоо хvртэл тайлагдахгvй байна. Тухайн vед зохиолчийг хэн нь ч тvр зуур гvн нойронд автсан гэдгийг өөрөөр хэлбэл, "летаргия” гэдэг өвчнөөр өвчилснийг нь мэдээгvй бололтой. Ийм учраас В.Гоголь авсан дотроо хөрвөөсөн байж магадгvй гэж эрдэмтэд таамагладаг. Энэ нь эцсийн дvгнэлт биш юм.

Ер нь тvр зуур гvн нойрсолт буюу "летаргия” гэж ямар өвчин юм бэ. Lethargia нь "Lethe-мартах”, "Аrgia-хөдөлгөөнгvй” гэсэн Грек vгнээс гаралтай аж. Летаргия өвчнөөр өвдсөн хэн нэгнийг нас барсан хvнээс ялгахад маш хэцvv байдаг гэнэ. Сэтгэлийн хөөрөлд хэт автсан, ядарч туйлдсан эсвэл гэнэтийн ямар нэгэн цочролд орсон vедээ хvн "летаргия” өвчнөөр өвддөг болохыг эрдэмтэд тогтоожээ. Хvн энэ өвчнөөр ганц хоёр цаг, олон хоног, хэдэн арван жил ч өвдөж болзошгvй байдаг гэнэ.

Гэхдээ өвчтөн эргэн тойронд болж байгаа зvйлийг мэдэрдэг аж. Тэднийг гадна талаас нь харахад огт хөдөлгөөнгvй байдгийн зэрэгцээ бодисын солилцоо нь vлэмж буураад зогсохгvй, уураг тархины vйл ажиллагаа, зvрх судасны нь цохилт тасалддаг байна. Энэ vед нь хvнийг тvр зуур гvн нойрсч уу, эсвэл нас барж уу гэдгийг зааглаж тогтоох хэрэг гардаг аж. Олон жилийн турш бөх унтсан хvмvvс нойрсож буй хугацаандаа хөгширдөггvй байна. Харин тэд сэрсэн даруйдаа хоёр гурван жилийн дотор маш тvргэн хөгширдөг гэнэ.

Летаргия өвчнөөр яагаад өвддөг учир шалтгааныг өдгөө ч гvйцэд тогтоож чадаагvй байна. Уг өвчинтэй холбоотой итгэхэд бэрх элдэв яриа дэлхийгээр нэг таржээ.

Тухайлбал, XIV зууны vед Италийн алдарт яруу найрагч Франческо Петрарка 40 насандаа хvнд өвдөж, хэдэн өдрйин турш ухаангvй хэвтсэн байна. Сvvлдээ бvгд яруу найрагчийг нас баржээ хэмээн vзэж, тvvнийг оршуулахаар зэхэж эхлэв. Аз болоход, тухайн vед хvнийг амьсгаа хурааснаас нь хойш нэг хоног өнгөрөхөөс нааш оршуулах нь битгий хэл, цогцсыг нь хөдөлгөхийг хуулиар хориглосон байж. Франческо "оршуулах” ёслол болохоос яг нэг хоногийн өмнө гvн нойрноосоо сэрж, эрvvл саруул болжээ. Энэ явдлаас хойш нэрт яруу найрагч хорвоод дахин гучин жил насалж, хамгийн алдартай сонетуудаа бичсэн гэдэг.

Английн нэрт зохиолч Уилки Коллинз, Герберт Уэлс нар "летаргия” өвчнөөс vхтэл айдаг байсан гэнэ. Тэр ч байтугай, Уилки Коллинз унтахынхаа өмнө "Намайг vхлээ хэмээн vзэхийнхээ өмнө сайтар нягтлан шинжээрэй” гэсэн бичиг бичиж vлдээдэг байжээ. Герберт Уэллс болохоор "Нойрссон хvн сэрсний дараа” гэсэн зөгнөлт өгvvлэл бичсэн гэдэг. Харин энэ хоёрын аль, аль нь жирийн vхлээр өөд болжээ. "Летаргия”-г зарим хvн эрт vеэс байсан өвчин гэж ярьдаг. Бас энэ нь өвчин бус хvний нойрон дунд бий болдог vзэгдэл ч гэдэг.

Нэг vе эрдэмтэд дэлхийн нэгдvгээр дайны vед гарсан "испани ханиад” гэгч тахалаас vvдсэн өвчин хэмээн vзэж байж. Харин одоо бол "летаргия” эрт дээр vед төдийгvй одоо ч байгаа өвчин гэж эрдэмтэд vздэг болсон. 1993 онд 23 настай англи бvсгvй Бекки Хауэллс гvн нойрсчээ. Эрдэмтэд тvvний тархинд "испани ханиад”-ын нян байгаа эсэхийг шинжилж vзжээ. Гэвч ийм нян илэрсэнгvй. Эдvгээ манай гаригт "летаргия” өвчнөөр өвдсөн олон мянган хvн эмчийн хяналтанд байдаг аж. Америкийн анагаах ухааны эрдэм шинжилгээний төвд "Летаргия” өвчнөөр өвдсөн 200-гаад хvн байгаа гэдгийг саяхан мэдээлжээ.

Британийн эрдэмтэд ВИЛ гэсэн летаргиягийн нян тээгч байдаг. Энэ нь хvнийг унтамхай эсвэл бvр нойргvй болгодог төдийгvй зvрхний цохилтын хэмийг нь өөрчилж, хөлөргөдөг болохыг тогтоожээ. Ер нь летаргия хэт ядрах, айх, гэнэтийн сэтгэл хөдлөлөөс болж хvрдэг өвчин гэдгийг олон жишээ харуулдаг. Тухайлбал, Надежда Лебедева гэгч орос эмэгтэй нөхөртэйгөө хэрэлдэн, их уурласнаас болж гэнэт унтаад өгчээ. Тэрбээр нойрноосоо 20 жилийн дараа сэрсэн байна. Гэвч энэ нь эцсийн дvгнэлт биш юм. Ямар боловч, XXI зуунд В.Гогольд тохиолдсон "жигтэй зvйлийг” эрдэмтэд дахин гаргахгvй гэж найдъя.

ХҮҮХДҮҮД БӨӨД ДОНТОХ БОЛЖЭЭ

Сүхбаатар дүүргийн IV сургуульд арав гаруй бөө сурагч байдаг гэнэ. Тэдний олонхи нь баг­шийгаа дагаж бөө бол­жээ.

Тус сургуулийн дүрс­лэх урлагийн багш бай­сан Мандах гэгч өөрөө бөө аж. Тэрбээр 7г ангийг дааж аваад хоёр жил ангийн багш нь байжээ. Тэгэхдээ ангиасаа арав шахам бөө төрүүлчихсэн гэнэ.Түүнчлэн тэрээр сурагчдаа өөрийн­­хөө хөтөч гэж нэр­лэ­дэг байна. Мандах багш ангидаа бөөлж, дур­гүй нэгнээ хараана, ерөөнө гээд тэр хавьдаа сүйд хийж байсныг захи­рал нь мэдээд өнгөрсөн жил Нийслэлийн боловс­ролын газарт мэдэгджээ. Үүнийг мэдээд багш нь хөтөч хүүхдүүдтэйгээ анги­даа захирлынхаа эсрэг бөөлж хүртэл үзсэн гэнэ.

Түүний дараагаар тэр багш аж­лаа­саа гар­сан юм байна. Харин шавь нар нь бөө болж үлджээ. Үүгээр ч зогсохгүй Сонгинохайрхан дүүр­гийн 42 дугаар дунд сургуу­лийн 5-11 дүгээр ангид арав гаруй бөө байдаг аж. Тэдний олонхи нь эрэгтэй. Энэ мэтчилэн арван жилийн сургуулийн сурагчид бөө болох нь ихэсчээ.

МӨНГӨН ЭДЛЭЛ ЯАГААД ХАРЛАЖ, ӨНГӨӨ АЛДДАГ ВЭ?

Таны мөнгөн эдлэл ер нь харлаж байсан уу? Тийм бол яагаад тэгж халтар болдгийг жаахан тайлбарлая.

Мөнгөн дотор тодорхой хэмжээний зэс агуулагдаж байдаг. Зэс маань өөрөө маш хурдан исэлдэлтэнд ордог метал юм. Хүний хөлс нь үүнд гол хүчин зүйл болдог. Хөлсөнд давснаас гадна хүхэртэй амин хүчил агуулдагддаг. Хүхрийн нэгдлийн нөлөөгөөр мөнгө харладаг бөгөөд та ихээр хөлөрдөг бол мөнгөн эдлэл тань харлахад гайхаад байх зүйлгүй. За тэгээд мөнгөн эдлэл харлах нь дотор муудах, элдэв янзын муу ёр гэж дэмийрэх нь ч бий.
Энэ бүгд бол ямар ч шинжлэх ухааны үндэсгүй зүйл шүү. Мөнгө бол ямар ч үйлчлэлээр харлаж болно. Сорьц, агаарын найрлага, чийгшэл зэргээс хамаарч харлана. Тэр ч бүү хэл гоо сайхны бараагаа сольж, тос түрхэх, дотоод шүүрлийн булчирхайнууд өөрчлөгдөхөд харлаад эхэлдэг. Мөнгөн эдлэлээ цэвэрлэх гэж байгаа бол үнэт эдлэлийн дэлгүүрт тусгай зориулалтын цэвэрлэгч зардаг. Тэгээд дэмий зүйлд мөнгө үрмээргүй бол сода, оо, давс, сойзоор сайн үрэхэд ч өнгө орно. Алт мөнгөний дархан байвантай уусмалд халаагаад өнгө оруулж байгаа харагддаг. Зарим мөнгөн эдлэл зүүхэд цайран өнгө орж гялалзах нь бий. Энэ мөнөөх хөлс гэдэг гайхалтай бас л холбоотой. Хөлсөн дахь азот ихэсч энэ нь мөнгийг өнгө оруулдаг байна. Ямар ч үед мөнгөн эдлэл байх ёстой өнгөндөө л байх нь таныг хэвийн гэдгийг харуулж буй хэрэг юм.

БИД ЦАЦРАГ ИДЭВХИТ БОДИСООР АМЬСГАЛЖ БАЙГАА ГЭЖҮҮ 

“Хавар хаврын хавсарга шуурганд цацраг идэвхит бодистой шороо тоос, үнс агаарт дэгдэж, Улаанбаатарынхан “түүгээр нь амьсгалж яваа” гэж нэгэн эрдэмтэн ярилцлагадаа дурьджээ.

Алс холын Япон, Чернобылийн атомын цахилгаан станцаар төсөөлдөг цацраг идэвхит бодисын аюулыг бид өөрсдөөсөө дэндүү холд тооцож яваа. Гэтэл амьсгалж буй агаар, гудамжиндаа гаргаад асгадаг үнсэнд цацраг идэвхит бодис агуулагддаг бөгөөд бид түүгээр нь амьсгалж яваа гэхээр аймшигтай. Үр дүнд нь мэдээж ирээдүй хойч маань хорт хавдраар өвчилж, удмын санд нөлөөлөх аймшигт эрсдэл дагаж буй.

Монголчууд уран олборлож, улмаар 2020 он гэхэд цөмийн энерги үйлдвэрлэх талаар ярих болсоор багагүй хугацааг өнгөрүүллээ. Тиймээс ч саяхныг хүртэл бид АЦС барьснаар хямд өртгөөр цахилгаан эрчим хүч үйлдвэрлэж болох нь гэж хөөрцөглөж байв. Мэдээж эрчим хүчний хомсдолд орсон манай улсын хувьд хямд өртгөөр цахилгаан үйлдвэрлэх нь сайхан боломж. Гэхдээ ураны цаана аюул, эрсдэл байгааг бас мартаж боломгүй. Японд болсон Фүкүшимагийн АЦС-ын ослын дараа дэлхий даяар энэ нь аюултай зүйл юм гэдгийг ойлгож, хууль, тогтоомжоо эргэж харахад хүрсэн билээ. Харин Монголчууд уранаас татгалзсангүй, айсангүй. Яагаад гэж үү? Хэзээнээсээ эр зоригтой байсандаа уранаас айгаагүй юм биш.

Зөвхөн эрх баригчдын шунаг сэтгэл, Монгол төрийн харалган бодлого уранаас болгоомжилсонгүй. Тиймээс ч Монгол Улсын Засгийн газар Монголд цөмийн хог хаягдал булшлах нууц уулзалтыг АНУ, Япон, АНЭУ-ын холбогдох албаны хүмүүстэй хийсэн талаар ОХУ, БНХАУ, АНУ-ийн томоохон хэвлэлүүд 2010 оноос хойш шуугиж байсныг одоо ч санаж байгаа болов уу. Улмаар 2011 оны есдүгээр сарын 21-нд НҮБ-ын Ерөнхий Ассамблейн 66 дугаар чуулган дээр Монгол Улсын ерөнхийлөгч Ц.Элбэгдорж “Монгол Улсын нутаг дэвсгэрт цөмийн хог хаягдлыг байршуулах асуудал байхгүй” гэж мэдэгдсэнээр дээрх асуудал намжсан. Гэтэл өнгөрсөн хоёрдугаар сарын 20-нд“Засгийн газрын гишүүд дунд Монголд цөмийн хаягдал булшлах хэлэлцээр хийсэн хүмүүс байгаа” гэж Цөмийн Энергийн Газрын дарга асан С.Энхбат нэгэн ярилцлагадаа дурьдсан байв.

Улмаар Японы Майничи сонины өнгөрөгч хоёрдугаар сарын дугаарт “Ерөнхий сайд С.Батболд АЦС барих гэрээ хийх зорилгоор Япон улсад айлчилж байна” гэсэн утгатай мэдээ нийтлэгдсэн юм. Харин ерөнхий сайдын айлчлалын үеэр буюу гуравдугаар сарын 13-нд “Майничи" сонинд нийтлэгдсэн өгүүлэлд “Цөмийн хаягдал булшлах байгууламж барьсных нь шанд Америк, Япончууд цөмийн эрчим хүчний технологио Монголчуудад өгөхөөр болжээ”, “Монгол Улс ураны уурхайгаа дөнгөж хөгжүүлж эхэлсэн бөгөөд иргэдээс нууцаар цацраг идэвхит цөмийн хаягдлыг Монголд булшилна гэдэг арай л дэндүү санагдаж байна” гэж бичсэн байжээ.

Булаад, булаад хор хөнөөлийг нь устгаж чадахгүй Монгол хүн гэхээрээ хогийн сав, төмөр биет биш. Хүний үсээр хийсэн жан, химийн аргаар гаргаж авсан өндөг, амьтны ясаар хийсэн амттанг зөвхөн Монголчууд идэж чадна.

...Дэлхий дээр 35 оронд АЦС байдаг хэрнээ нийт эрчим хүчний хэрэглээний дөнгөж 14 хувийг хангадаг. Тиймээс АЦС гэдэг зүйл та бидний төсөөлж байгаа шиг тийм мундаг эд биш байх нь. Хамгийн аюултай нь өнөөдрийн байдлаар IV цахилгаан станцын үнс зайлуулах байгууламжийг тойрсон цацраг идэвхт бодисын хэмжээ маш их байгаа ...

Монгол хүний ходоод хар тамхи зөөвөрлөхөд хамгийн тохиромжтой нь гэсэн. Монгол хүн баргийн өвдөлт, бэрхшээл, байгаль, цаг уурын өөрчлөлтийг даван туулах чадвартай юм гэнэ билээ. Гэхдээ Монгол хүн хорт хавдраар өвчилдөг. Монгол хүн уранд, газар шороо цацраг идэвхт бодист хорддог. Харамсалтай нь үүнийг эрх баригчид тоосонгүй. Тоогоогүйн жишээ бол 2009 онд баталсан “Цөмийн энергийн тухай” хууль юм. 33 хуудас хуулийг ганцхан өдрийн дотор баталж, түүнд уран ашиглах, цөмийн хог хаягдал булшлах, АЦС байгуулах зэрэг бүх асуудлыг зөвшөөрсөн байдаг. АЦС барихаар хямд өртгөөр эрчим хүч үйлдвэрлэх юм шиг ойлгож байна. Тэгвэл ингэх боломжгүй гэдгийг салбарын эрдэмтэд анхааруулсаар буй. Тухайлбал, нүүрснээс гаргаж авч байгаа эрчим хүчний үнэ кВт нь 100 төгрөг гэж бодоход цөмийн энергээс гаргаж авч байгаа нь 120 төгрөг байдаг юм байна. Дэлхий дээр 35 оронд АЦС байдаг хэрнээ нийт эрчим хүчний хэрэгцээний дөнгөж 14 хувийг хангадаг. Тиймээс АЦС гэдэг зүйл та бидний төсөөлж байгаа шиг тийм мундаг эд биш байх нь. Хамгийн аюултай нь өнөөдрийн байдлаар IV цахилгаан станцын үнс зайлуулах байгууламжийг тойрсон цацраг идэвхт бодисын хэмжээ маш их байгаа.

Түүнчлэн гэр хорооллынхон Багануурын нүүрсийг авчирч түлээд үнсээ гудамжиндаа асгадаг. Хамгийн гол нь үнснээс цацрагийг ялгаад зайлуулчихна гэсэн ойлголт байдаггүй юм байна. Булаад, булаад хор хөнөөлийг нь устгаж чадахгүй. Харин Налайхын уурхайн нүүрсийг түлэхэд ямар ч цацрагийн илрэл байдаггүй. Үүнээс гадна Адуунчулууны нүүрсний уурхайн өгөршсөн давхарга тэр чигтээ уран гэж байгаа. Эдгээр уурхайн нүүрснээс уран ялгаж авдаггүй юм аа гэхэд нүүрсийг тусад нь хамгаалах, хадгалах шаардлагатай юм. Тиймээс цацрагийн өндөр агууламжтай нүүрсийг ахуйн хэрэглээнд ашиглаж, цахилгаан станцууд түлээд, үнсэндээ оруулаад хаяна гэдэг нь орчныг ихээхэн бохирдуулж буй аюултай үйлдэл юм. Дэлхий дахинд уранаас татгалзаагүй, олборлох сонирхолтой хэвээр байгааг зарим хүмүүс онцолдог. Гэхдээ алт, зэс олборлосон талбайгаа нөхөн сэргээчихэж чаддаггүй салан задгай Монголчуудын хувьд уран олборлох нь галаар тоглосонтой ялгаагүй.

Америкчууд ногоон хувьсгал гэж хэсэг шуугиж, АЦС Шиг хэрэггүй зүйл байхгүй гэж байсан билээ. Улмаар ураны үнэ дэлхийн зах зээл дээр унаж байсан юм. Төд удалгүй ураныг олборлож, АЦС барих нь эдийн засгийн хувьд маш их ашигтай юм байна гэсэн даруйд ураны үнэ өссөн. Гэхдээ том гүрнүүдийн ашиг сонирхол, тоглоом тусдаа. Үүнд Монгол Улс ямар байр суурьтай оролцохоо нарийн төлөвлөх шаардлагатай. Мэдээж уран огт олборлож болохгүй гэж хориглох нь ташаарал. Гагцхүү хатуу, чанд хяналтад, нарийн мэргэшсэн боловсон хүчинтэй болсон тохиолдолд уран олборлок, АЦС барьж болох юм. Гэхдээ элсэн доторх алтыг олборлох гэж хэдэн жилийн турш Монголыг орвонгоор нь эргүүлсэн яг одоогийн нөхцөл байдалд бол уран олборлох нь дэндүү эрсдэлтэй алхам юм. Учир нь хууль, эрхзүйн орчин, хариуцлагын тогтолцоо, болонсон хүчин, аюулгүй байдал гээд шийдвэрлэх асуудал бий. Энэ бүхнийг шийдвэрлэсний дараа уран олборлох талаар ярьж болох юм. Учир нь цэг тавиагүй байж дараагийн өгүүлбэрийг эхэлдэггүй шүү дээ.

ЦАГААН СҮЛДИЙГ АМИЛУУЛАХ ТЭНГЭРИЙН ТАХИЛГА

Монгол суу ухааны "Манукол" академи энэ сарын 22-ны өдөр буюу бямба гаригт Налайхын цаана Чингис хайрханы өвөрт тэнгэрийн тахилга хийлээ.  Энэхүү тахилгыг XIII зууны үеэс  хойш хийлгүй тасарсан гэж тус академийн ерөнхийлөгч, физикч, философи ч, доктор З.Бат-Отгон судалгааныхаа явцад тогтоожээ. Тэгээд  Цагаан сүлдийг яг тэнгэрийнх нь ёсоор амилуулах зорилгоор олон зуун жил тасарсан тахилгыг хийж байгаа энэ.

Энэ газрыг сонгосон ч учиртай юм билээ. Чингис хайрханы өвөрт Тулуй хаан нутаглаж явсан, цэлгэр тал дээр нь төрийн цэцэн хатан хэмээгддэг Сорхогтани бэх  зуны өргөөгөө барьж ном хурдаг байсан гэнэ. Тиймээс Цагаан сүлдний тэнгэрийн тахилга хийхэд хамгийн тохиромжтой газар хэмээн сонгожээ.

Мөнх тэнгэрийн тооллоор есдүгээр сарын 22 бол намрын өдөр, шөнө тэнцдэг өдөр гэнэ. Энэ өдөр байгаль, эх дэлхий төдийгүй бүхий л орчлонгийн эрчим энерги цэвэршиж, ариусаж, цайж, цагаардаг байгалийн хуультай. Тиймээс намрын өдөр, шөнө тэнцэх энэ өдрийг сонгож монголчууд эртнээс цагаалга буюу цагаан сарын баяраа хийж, шинэ оноо эхлүүлж, шинэ жилээ тоолдог байжээ. Жинхэнэ монгол цагаан сарын өдөр гэсэн үг.

Ингэж байгалийн, дэлхийн,  нарны аймгийн,  галактикийн болон орчлонгийн эрчим энерги цэвэршиж, цагаардаг өдөр цагаан тэнгэрийн эрхшээл их байдаг аж. Иймээс энэ өдөр цагаан тэнгэрийн тахилга хийж, цагаан сүлдийг амилуулахаар шийдсэн юм байна.

“Манукол” академийнхэн хэд хоногийн өмнөөс өргөө цагаан гэрүүд барьж, бэлтгэл ажлаа базаасан аж.  Гурван бүслүүр татаж,  дотор талд нь  чулуугаар суурь хийсэн хүрээнүүдийг  байгуулжээ. Голд  нь цагаан   идээ тавих тавцан  зассан байлаа.
Чулуугаар суурь хийж тойруулсан зүйл дээрээ  аргал тавьж, түүн дээрээ хонины ноос зулан дээгүүр нь , арц, ганга тавьжээ. Биднийг өглөөний 7 цагын үед  очиход зорьж очсон хүмүүс дугаарлан зогсч дотогш нэвтрээд голын тавцан дээр цагаан идээ, шар тосоо өргөж, ганга, арцаа эгнүүлэн тавьж байв.

Үүний дараа голд нь цагаа ямааны тулмалж өвчсөн арьсыг модонд өлгөж, тал бүрээс нь шургааган мод түшүүлж, торгоор ороогоод Цагаан тугнаас улаан утсаар уяа татав. Мөн  Цагаан тугнаас газар дээгүүр арц асган   холбов. Хамгийн гадна талаар цагаан дээс татсан байлаа.

Цагаан сүлдийг гурван амиар давхар амилуулдаг юм байна. Тэгж гэмээнэ сүлд нь тэнгэрийн хүчийг татаж ирдэг, татаж буулгадаг оньс болдог аж. Харамсалтай нь, одоо манай Төрийн ордонд байгаа цагаан сүлд, Батлан хамгаалах яаманд байгаа хар сүлд нь, бас тэнгэрийн улаач нарын шүтээн дээр байгаа хар, цагаан сүлд нь тэнгэрийн ёсоор амилаагүй учир тэнгэрийн хүчийг татаж ирж чаддаггүй гэнэ. Тиймээс энэ тахилгыг хийснээр тэнгэрийн хүчийг татаж буулгах цагаан сүлд жинхэнэ тэнгэрийн ёсоор амилнах учиртай юм байх. 
Тэрхүү гурван амиар амилуулах нэг нь холбоос нь улаан уяа, хоёрдах нь арц, гуравдахь дээс юм байна.

Монгол суу ухааны “Манукол” академийн  ерөнхийлөгч З.Бат-Отгон тахилга эхлэхийн өмөн “Энд улаач нар ирсэн бол хуяглаж болохгүй шүү. Тэгвэл тэнгэрийн хүч дутуу бууна.  Энд тэнгэрт тангараг өргөсөн тэнгэрийн улаач нар л бөөлнө.

Мөн энд зорьж ирсэн хүмүүс намайг баян болгоод өгөөч, өвчнийг минь илааршуулаад өгөөч гэж хувийнхаа зүйлийг гуйхыг нэн тэргүүнд битгий бодоорой.
Монгол Улсын Цагаан сүлдийг амилуулах гэж байгаа учраас Монгол Улс минь мандан бадраг гэж залбираарай. Цагаан дээсийг атгаж  тэнгэрт залбиран уухайлан түрээрэй. Монгол ахан дүүс та бүхний сэтгэл зүрхний дуудлага цагаан дээсээр  дамжин Цагаан сүлдийг  амилуулах болно” гэсэн юм.

Энэ 9 дүгээр сарын 22-нд Цагаан сүлдийг, ирэх 12 дугаар сарын 22 –нд Хар сүлдийг, 3-р сарын 22-нд нь Алаг сүлдийг амилуулах ёслолыг үйлдэхээр төлөвлөжээ. Энэ жилээс эхлэн 9 жил дараалан тахиад 10 дахь жил Бурхан Халдун ууланд очиж 21 хоног бөө нар бөөлж, Мөнх хөх тэнгэрийн сүнсийг жинхэнэ утгаар нь  буулгахаар зорьжээ.
Аль аль нь тэнгэрийн тахилгаар амилах учир тэрхүү тэнгэрийн тахилга нь XIII  зуунд хийгдэж байсан ёс, дэгээрээ хийгдэх учиртай гэж үзэж байгаа юм байна.

“Бөө бол Монголын язгуур бүхний язгуур нь. Тиймээс монголчууд бөөг маш зөв ойлгох хэрэгтэй. Бөө гэдэг бол тэнгэрийн улаач төдий ойлголт бус. Харин бөө гэдэг бол тархи. Гэхдээ хамгийн дээд хөгжилтэй тархи, хамгийн дээд гэгээрэлтэй тархи. Маш энгийнээр тайлбарлавал, бөө гэдэг үг нь бөөн гэсэн үг. Энэ юу гэсэн үг вэ гэвэл, хүний оршин амьдрахуйд хэрэгтэй, шаардлагатай бүх юмыг бөөнөөр нь сураад, мэдээд, эзэмшээд, хэрэгжүүлээд, үйл хэрэг болгож чадаж буй тархи. Бүр энгийн хэлбэл, маш олон мэргэшлийг бөөнөөр нь эзэмшсэн тархи. 
Бөө нарыг өнгө мөнгөнд шунасан гэж их муулах болжээ. Гэхдээ энэ хэдэн бөө нар тэнгэр, байгаль дэлхийг аргадаж, ойрын хэдэн жилүүд ган гачгаас салж, зун нь зун шиг болдог болж байна. Монголын төр байгаль хамгаалах талаар юу хийсэн билээ, сүйтгэх бодлого л барьж байсан байх  шүү” хэмээн  доктор  З.Бат-Отгон  тайлбар хийж байлаа.

З.Бат-Отгон доктор өөрөө бөөллөө
Ингээд тахилга эхэллээ.Тэрхүү тахилгад арваад тэнгэрийн улаач нар бөөлсөн юм. Тэр дундаас анхаарал татсан хүн доктор З.Бат-Отгон байв. Түүнийг философич, физикч, уран илтгэгч, монгол судлаач гэдгийг нь олон түмэн мэдэхээс биш онгодоо авсан тэнгэрийн улаач гэдгийг тэр бүр мэддэггүй байлаа.

Тэрээр шувууны өдтэй бөөгийн өмсгөлөө өмсөөд, хэнгэрэгээ бариад гарч ирэхэд тэнд цугласан хүмүүсийн харц түүн дээр тусч байгаа нь ажиглагдав. Бөө нар бөөлж эхлэхэд  бэлдсэн голын тахилгаас  эхлэн гал асаалаа. Гал дүрэлзэж, эргэн тойрон дахь чулуун дээр зассан арц уугиж, гангын үнэр ханхална. Утаа уугиж, бөө нар бөөлөх тэр агшинд тэр хавийн ойр орчимд дулаан энерги хуримтлагдаж, хүмүүс тэнгэр рүү алгаа дэлгэн  мөргөж, дээснээс барин уухайлж байв. Зохион байгуулагч нар та бүхэн сайн уухайлж, хурайлах тусам тэнгэрийн хүч хурдан  бууна хэмээн тайлбарлаж байв.
Ийнхүү цаг гаруй бөөлөв. Дараагаар нь тэнгэрийн улаач  нар  Цагаан сүлднээс улаан уяа татаж, гартаа оосорлон бөөлсөн юм.
ҮҮний дараагаар тэнд цугласан монголчууд галын тахилгад мөргөж, Цагаан сүлднээс адис авч, тэнгэрт цай, сүүнийхээ цээжийн цацан өргөл өргөв.

Тахилга дууссны дараа нарыг тойрон солонго татсан байв. Тэнд байсан хүмүүс  цагаан луугийн дүрс харагдаж байна хэмээн   зураг дарж харагдсан.

Өглөөгүүр сэвэлзүүр салхитай, сэрүүхэн байсан бол тахилга дууссны дараа  дулаахан болж, нар ээгээд арц, гангын үнэр сэнхийгээд сэтгэл нэг л тайван болсон шиг мэдрэмж төрж байлаа.

ААВЫН ЗАХИАСЫГ ЗАРЛИГ БОЛГОСОН ХАРАМАФҮЖИ Д.БЯМБАДОРЖ

Улсын заан Р.Давааням агсан амьд сэрүүн ахуйдаа “Миний хүү суурь сайтай, яалт ч үгүй сайн бөх болох хүн. Хоёр ахыгаа бүр багаасаа л давдаг байсан. Ажигава ояката нь ирээд надаас хүүг минь сумоч болгох зөвшөөрөл авсан юм. Тэгэхэд би “Миний хүү гарцаагүй сайн бөх болно. Түүнд бөх болох бүх зүйлийг нь заяачихсан.

Харин одоо зөв л залах хэрэгтэй гэж Ажигава оякатад” хэлж байсан. Үнэхээр бүр багаасаа л бөх болох нь тодорхой харагдсан юм” хэмээн  өгүүлж байсан удаатай.

Цагтаа монгол бөхийн хүчитнүүдийн нэгд тооцогдож, Баянаа аваргын хараанд өртсөнөөр, “хар аварга”-тай хамтдаа хоёулхнаа наадмын бэлтгэлээ базааж явсан хашир заан хүүгийнхээ ирээдүйг зөв харж байсан нь одоо нэгэнт нотлогджээ.

Өнөөдөр мэргэжлийн сүмогийн аварга цолны болзол хангасан тэрээр энэ цолыг монголчуудын хэлдгээр ёстой л гуядаж авч байна. Их аварга Асашёрюү Дагвадорж, Их аварга Хакүхо Даваажаргалын нарын үеийг залгаж гарч ирсэн монголын гурав дахь аварга  Харүмафүжи Д.Бямбадорж болж байна. Мэргэжлийн сүмогийн 70 дахь их аварга болсон тэрээр нэгэнтээ аавдаа "Хүү нь аварга болно" гэж амласан гэдэг. Хүү хэлсэн амандаа хүрч аав тэнгэрийн орондоо сэтгэл хангалуун суугаа даа.

70 дахь Ёкозүна хүүхэд байхын хичээнгүй нэгэн бөгөөд хэлсэндээ  хүрдэг, аавынхаа захиасыг дагадаг нэгэн. Нэгэнтээ аав нь миний хүү монгол охинтой гэр бүл болоорой гэж захисныг тэрээр хуримынхаа үеэр японы сэтгүүлчдэд хэлсэн байдаг. Тэрээр яагаад Баттуул гэх бүсгүйтэй суух болснооо  хэлэхдээ "нэгдүгээрт би түүнд хайртай, хоёрдугаарт аавын минь захиас" гэсэн байдаг.

2010 оны есдүгээр сарын 29-нд өөрийн сүйт бүсгүй М.Баттуулыг албан ёсоор танилцуулсан билээ. Удалгүй охинтой болсон хосууд японы төдийгүй  монголын залуусын үлгэр дууриал болж байна.
Аралын Япон улс 130 сая хүнтэй бол Азийн цээжинд орших Чингисийн Монгол улс 2.8 сая хүн амтай. Тэгэхээр монголчууд 1990-ээд оны эхэн үеэс тус улсын мэргэжлийн сүмогийн дэвжээг эзэгнэсэн гэхээр монголчуудын бөхийн гайхамшиг, ухааны болон генийн бярыг гайхуулсаар  байна. Энэ гайхамшиг ч цаашид үргэлжлэх биз ээ.

                                                                               МАХ 400-800 ТӨГРӨГӨӨР ХЯМДАРЛАА

Сүүлийн үед  зарим хэвлэл мэдээллийн хэрэгслээр махны үнэ өссөн гэх мэдээлэл гарах болсон. Тиймээс иргэдийн өргөн хэрэглээний сагсан дахь мөнгөө хэрхэн зарцуулах нь хариугүй бодлого болж байна. Энэ талаар бодит мэдээлэл өгөх үүднээс “Хүчит шонхор” захыг зорилоо.  Тус захад өнөөдрийн байдлаар махны үнэ өмнөх хоёр долоо хоногтой харьцуулахад кг хонины ястай мах 6300-6800 төгрөг байсан бол 5900-6000 төгрөг,  үхрийн цул 7500-9000 төгрөг байсан бол 7000-8300 төгрөг болж дунджаар 400-800  төгрөгөөр хямдарчээ. Мөн сүү, тарагны үнэ тус бүр 100 төгрөгөөр нэмэгдсэн ч гурил, ургамлын тос, хүнсний ногоо болон цагаан идээний үнэ  харьцангуй тогтвортой байна.

Тус зах дээр худалдаалж буй махны үнийн харьцуулалт: /кг, төгрөгөөр/

Японы мэргэжлийн сүмо бөхийн Аки башёгийн 15 дахь өдрийн барилдаан болж, түрүү бөх тодорлоо. Сүмо бөхийн ёкозүна цолны болзлыг хангаад байсан озэки Харүмафүжи Д.Бямбадорж төгсгөлийн барилдаанаа их аварга Хакүхо М.Даваажаргалтай хийсэн юм. Тэрбээр их аварга Хакүко М.Даваажаргалыг хөнтрөх мэхээр унагаж, нэг ч уналгүй 15 давж түрүүлэв. Ийнхүү озэки Д.Бямбадорж хоёр башё дараалан нэг ч уналгүй түрүүллээ. Түүний тасралтгүй даваа авсан тоо 31-д хүрлээ.

Японы мэргэжлийн сүмо бөхийн Ёкозүнагийн зөвлөлөөс Д.Бямбадоржийг есдүгээр сарын Аки башёд 13 ба түүнээс дээш даваа авсан тохиолдолд ёкозүна цол олгох шийдвэр гаргасан юм. Харүмафүжи Д.Бямбадорж мэргэжлийн сүмо бөхийн 70 дахь аваргаар тодорлоо.

 МОНГОЛЫН БАЯЛАГ

ӨМӨЗО-ны нүүрсний 900 уурхай, бусад 2000 уурхайн үйл ажиллагааг долоон жилийн хугацаатайгаар зогсоохоор болсон байна.  Хаасан уурхай нь нүүрс болон газрын ховор элемент, эрдэс баялагаар арвин тул Хятадын засгийн газраас байгаль орчноо хамгаалахын тулд ийм шийдвэр гаргасан гэж Синьхуа агентлагаас мэдээлжээ. адад 2005 оны эцсээр нүүрсний уурхай 500-аас 1300 болтлоо огцом өссөн гэнэ. ӨМӨЗО-нь хил залгаа Шанси мужаас илүү нүүрсний нөөцтэй нь батлагдаж 2010 онд тус бүс нутгийнхаа хамгийн их нүүрс үйлдвэрлэгч болсон юм.

Хятад улс дэд бүтцээ хөгжүүлэхээр 120 тэрбум доллар төлөвлөөд байгаа билээ.  Харин энэ эрчимтэй хөгжлийн явцад нүүрсний уурхайнуудаа хааж байгаа нь бусад Улс орноос нүүрс импортоор авахаар шийдсэн бололтой.  Тухайлбал Монгол улсаар хамгийн хямдаар нүүрс авч байгаа бөгөөд монгол улсаас авах нүүрсний импортоо цаашид нэмэгдүүлэх шинжтэй байна.

Тавантолгой XXK тонн нүүрсийг 33-хан ам.доллараар экспортлодог гэв үү ?

Сүүлийн үед дэлхийн зах зээл дээр нүүрсний үнэ буурснаас үнэ нь 66-68 долларт хэлбэлзэж байна. Монгол Улс 2005 оноос нүүрсээ экспортолж эхэлсэн бөгөөд дотоодын худалдаалагч компаниуд нүүрсийг зах зээлийн үнээс хэд дахин хямд үнээр худалдаалж ирсэн.

Дэлхийн зах зээл дээр нүүрсний үнэ чанараасаа хамаарч 150-300 ам.долларын ханштай байхад Монголын нүүрс экспортлогч компаниуд нэг тонн нүүрсийг дээд тал нь 117 ам.доллараар худалдаалж байгаа аж. Гэвч 117 ам.доллар нь Монголын экспортын нүүрсний хамгийн өндөр ханш гэнэ. Нэг тонныг ЗЗ ам.доллараар худалдаалж буй компани ч бий аж. “Энержи ресурс” компани нэг тонн нүүрсийг 117 ам.доллараар, “Эрдэнэс Тавантолгой” компани нэг тонн нүүрсийг 94 ам.доллараар, “Саутгоби сэндс” 40 ам.доллараар, “Тавантолгой” ХХК ердөө 33 ам.доллараар Хятад руу экспортолдог гэнэ. Сүүлийн жилүүдэд Монголын нүүрсний экспорт тасралтгүй өсч байсан бөгөөд үнэ нь ч дагаад өсөх хандлагатай болж ирсэн.
Статистик судалгаанаас харахад Монгол Улс 2010 онд 18.3 сая тонн, 2011 онд 22,5 сая тонн нүүрс Хятад руу экспортложээ.

Харин энэ онд 41,6 сая тонн нүүрс экспортлох прогноз гарч, энэ оны эхний долоон сарын байдлаар дөнгөж 10 сая тонн нүүрс л экспортлосон байна. Оны эхэнд нэг тонн нь 120 ам.долларт хүрч байсан нүүрсний үнэ одоогийн байдлаар 50-60 ам.доллар болтлоо буураад байгаа бөгөөд шинжээчдийн хэлж буйгаар нүүрсний үнэ 2016 он хүртэл сэргэхгүй бололтой. Одоогоор “Тавантолгой”, “Эрдэнэс Тавантолгой”, “МАК", “Саусгоби сэндс"-ийн урд хил рүү нүүрс тээвэрлэсэн хүнд даацын автомашинуудын тасралтгүй урсдаг хөдөлгөөн бүрэн зогсч, төмрийн хүдэр олборлогчид үүдээ бариад байгаа гэнэ. Урд хил рүү ганцхан “Энержи Ресурс” компанийн том машинууд явж байгаа боловч нүүрсээ хилээр гаргаж чадахгүй байгаа аж. Учир нь Хятадууд нүүрс, төмрийн хүдэр худалдаж авахгүй байгаа учраас Эрээн хотод таван сая тонн төмрийн хүдэр гацаанд оржээ. Түүхий эдээр цангасан Хятадууд Монголоос нүүрс, төмрийн хүдэр худалдан авахаа больсныг эрэлт багасч, үйлдвэрлэлийн хэмжээ буурсан гэдгээр тайлбарлаж байна. Гэвч үүний цаана Монголын нүүрсийг үнэгүйдүүлэх хятад бодлого ч бий нь ойлгомжтой.

ЦУС БОХИРДОЖ ҮНДЭС ТАСРАХ МӨХӨЛ

Хөх толбо, халуун цусаараа омогшин дэлхийн талыг тамгалж, “ХҮН УЛС” гэдэг хүчирхэг төрт улсыг байгуулж Азийн зулайг эзэгнэсэн Монгол үндэстэн өнөөдөр үндэсний аюулгүй байдлаа алдаж эхэллээ. Энэ цагийн тоолол эхлэхээс урьд 20 зууны туршид Монголчууд бид  эх орноо халх, дөрвөд, хасаг , урианхай гэж ялгалгүй,  харц ядуус,  хаад ноёд өөрцгүй цөм л  эх нутаг элгэн саднаа  хайрлан хамгаалж  хаяа багтах газраа саахалтаж, хушуу багтах газраа малаа бэлчээж гадны өнгөлзлөгөөс ташуураараа ч болтугай хамгаалж ирсэн омогтой халуун цустай ард түмэн байлаа.

Гэтэл өнөөдөр Монгол улс хаданд хавчигдсан халиуны зулзага шиг хоёр хөршийн дунд тусгаар тогтнол нэртэй ч, хүний тоо цөөн, хүнсээрээ хордсон, хүнд худалдагдсан, хүүхдээ гээсэн, өөрийгөө үнэлсэн, харийн хүний өвөр нөмгөлсөн, завхайрлын явдал нь хэрээс хэтэрч биеэ үнэлэгч хатуу хэлбэл янхны сүлжээ гэх мэт  үндэсний аюулгүй байдалд ноцтой нөлөөлж хорт хавдар шиг тархаад буй олон эмгэнэлт дүр зураг та бидний өмнө хундаамаа цутгасаар...

Улаанбаатар хотод үйл ажилгаагаа явуулдаг 150 гаруй эмэгтэйчүүдийн эмнэлэг байдаг. Харин үр хөндөлт хийх зөвшөөрөлтэй арав орчим эмнэлэг байдаг аж. Жилд давхардсан тоогоор 20.000 эмэгтэй үр хөндүүлдэг. Харин нэг эмнэлэгт өдөрт 5-10 үр хөндөх мэс ажилбар хийгддэг байна. Эруүл мэндийн тухай хуульд «Эхийн хэвлийд байгаа ургийн хөгжил гажигтайн улмаас төрүүлэх боломжгүй болон эхийн амь насанд халтай тохиолдолд гэр бүлийн гишүүд зөвшөөрсний дүнд ургийн хөгжлийг зогсооно» гэж заасан байдаг.

Харин өнөөдөр хариуцлагагүй эхийн хүсээгүй жирэмслэлтийн уршгаар олон ураг хэвлийдээ хүн болох эрхээ хасуулж байна.

Нэгэн бодит жишээг дурьдвал: Нэгэн эмэгтэй, хэвлийдээ 5 сартай үрээ авхуулах гэсэн юм. Гадаадруу ажлаар явах болчихлоо гээд хэд вэ хэмээн эмэгтэйчүүдийн эмнэлэгийн эмчээс асууж байна. Өнөөх эмч хариуд нь 350 мянга л болно доо хэмээн хариулж байгаа нь эрүүл мэндийн төлөө ажиллах тангараг өргөсөн эмч хүний амнаас гарах нь жихүүцмээр. Жил ирэх тусам үр хөндөлтийн тоо өссөөр байгаа нь энэ мэт цагаан халат нөмөрсөн улаан гартангуудын хүний амиар мөнгө тоолох цэвдэг сэтгэлээс үүдэлтэй. Монголын олон олон бяцхан үрс амьдралд нүдээ нээж амжилгүй, хорвоогийн үүднээс буцах нь эмгэнэлтэй.

Түүнчлэн хэдэн жилийн өмнөөс “Нарантуул” захад хууль бусаар үр зулбуулах эм борлуулдаг далд бизнес эхэлж одоог хүртэл үргэлжилсээр байна. Энэхүү үхлийн тун нь  хаана, хэзээ үйлдвэрлэгдсэн нь тодорхойгүй, чанарын шаардлага хангахгүйгээс олон ч хүний амьдарлыг орвонгоор нь хөмөрсөөр. Хуруундаа орсон өргөсийг өлхөн авдагтай адилаар  “Үр хүүхдээ” өргөс мэт бодож  хэвлий дэх үрээ хөнөөх ээж нэр зүүсэн, ээмэг зүүлтэн гоёлтой охид бүсгүйчүүд  олон болсон нь энэ бизнесийг улам өөхшүүлсээр байна.

 Гадаад иргэдтэй гэрлэгсэдийн тоо жилээс жилд нэмэгдсээр...

 Үр үндэсээ таслахын сацуу Монгол цус, Монгол ген алдагдаж эхэллээ. Энэ бол гадаад иргэдтэй тоонотын дор толгой холбох явдал юм.  Иргэний бүртгэл мэдээллийн улсын төвийн судалгаагаар монголчууд дэлхийн 76 орны иргэдтэй гэрлэсэн баримт байдаг ба сүүлийн арван жилийн хугацаанд 5139 иргэн  гадаад иргэдтэй ураг барилджээ. Энэ онд л гэхэд  гадаадын иргэдтэй гэр болсон хүмүүсийн 103 нь гэрлэлтээ цуцлуулсан байна. Морин дэл дээр ташуур эргүүлж явсан халуун цөст Монгол эр хүн, ургах наранд сүүний дээжээр цацал өргөсөн Монгол бүсгүйн дүр эргэх цагт баларсаар...

Зэвсэг, хар тамхины наймааны дараа ордог бизнес бол хүн...

Энэ оны байдлаар гадаад иргэдтэй суусан иргэдийн 103 нь гэрлэлтээ цуцлуулнаас 66 нь хүн худалдаалах гэмт хэргийн  золиосонд өртжээ. Хүн төрөлхтөний дунд далд дайн явагдаж байна. Энэ бол хүний наймаа. Үүнийг дотор нь бэлгийн болон хөдөлмөрийн мөлжлөг, эд эрхтнийг жижиглэн зарах, сүүлдээ хүн хүнээ иддэг боллоо. 21-р зууны хүн төрөлхтөн бид ийм байлалд аж төрж байна. Энэ бизнес интернэт, чат, шөнийн цэнгээний газар, өдрөөр ч, шөнөөр ч нөхөрсөг байдлаар танд дөхөж байна. сайхан сэтгэлийн үзүүрт хүний наймаа нуугдаж ч байхыг үгүйсгэхгүй. Өөрөөсөө өөр хэнд ч итгэж болохгүй болж дээ.

Бид амьд явах баталгаагаа алдаж эхэллээ. Урд мөрөө хараад алхахаар дээрээс төмөр чулуу энэ тэр нурж ирээд алчих гээд байдаг, гарц замаар явах гэхээр машин тэрэг нь ирээд мөргөчих гээд байдаг, өөрөө машин бариад явъя гэхээр хажуу хавирганаас дайрчих гээд, дэлгүүр ороод жимс ногоо идье гэхээр үүнийг идсэний дараа юу болох бол гэхээс айдас төрдөг боллоо. Хаашаа л харна үхлийн айдас дагах юм.

ОЗЭКИ ХАРУМАФҮЖИ АВАРГЫН  БОЛЗОЛ ХАНГАЛАА

Японы мэргэжлийн сумо бөхийн есөн сарын Аки башёгийн 14 дахь өдрийн барилдаан болж өндөрлөлөө. Дөнгөж сая озеки Харумафүжи  нутгийн бөх М.Анандыг ялснаар 14 дахь даваагаа авлаа.

Японы сумо бөхийн холбоо   3 озеки  энэ башёд өнчиж байгаа улмаас  өрсөлдөөн суларсан гэх шалтгаанаар  13 давах болзлыг  ахиулж  14  даваа авбал Ёкозуно буюу Аварга цол хүртээхээр болсон.  Харин өнөөдөрийн барилдаанд  Д.Бямбадорж  14 дахь даваагаа авч  мэргэжлийн сумогийн  Их аварга цолны болзол хангаад байна.

Японы сумо бөхийн холбоо  Их аварга цолыг өгвөл Японы 70 дахь Их аварга болох юм.

Одоогоор 14 даваатай нэгч унаагүйгээр  башёг тэргүүлж байна.

ҮГЭЭР ХАРИЛЦААГАА ШИНЖИХҮЙ

Эр, эм хүйстэн харилцан шүтэлцэж байж хорвоо ертөнц оршин тогтнодог билээ. Эрэгтэй, эмэгтэй хүмүүсийн дунд харилцан ойлголцол, хайр сэтгэл, халамж анхаарал мөнхөд оршдог шүү дээ. Тэгвэл Азийн сэтгэл судлаачид эрэгтэй, эмэгтэй хүмүүсийн харилцаа чухам юун дээр оршин тогтнодог болохыг судлаад, сонирхолтой дүгнэлт гаргажээ.

Нэгдүгээрт: “Би чамд хайртай” гэдэг үгийг өдөр болгон бие биедээ хэлдэг хосуудын харилцаа бат бэх байдаг байна. Тэд өөрсдийн харилцаа, гэр бүлийн амьдралдаа сэтгэл хангалуун байж, гэр бүлээс гадуур элдэв харилцаа үүсгэдэггүй аж. Тиймээс хайртай гэдгээ хэдий их хэлнэ төдий чинээ хосуудын харилцаа бат бэх байх нөхцөл бүрддэг гэнэ.

Хоёрдугаарт: Хосууд “Дараа болъё”, “Би эргээд залгая”, “Би мартчихаж” гэсэн үгүүдийг хэн хэндээ байнга хэлдэг болсон бол тэдний харилцаа урагшгүй бүтэлгүй, бүрхэг болж байгаагийн илрэл ажээ. Хүн бол амьтнаас өөр сэтгэл зүрхтэй бодгаль учраас сэтгэл хөдлөлөө үг яриагаараа илүү их илэрхийлдэг. Тиймээс хосуудын хоорондын харилцаанаас энэ бүхнийг харж болдог.

Гуравдугаарт: “Уулзая, би чамайг хүсч байна” гэсэн үгийг бие биедээ илүү их хэлдэг бол хосуудын харилцаа хайр халамж гэхээсээ илүү хүсэл тачаал, сексийн харилцаан дээр тулгуурласан байгааг илтгэдэг.

Дөрөвдүгээрт: “Чи надад итгэх ёстой” гэдэг үгийг хосуудын хэн нэгэн байнга хэрэглэдэг бол тэр өөр хэн нэгэнтэй давхар харилцаатай байгаагын илрэл ажээ. Үүнийгээ нуухын тулд ийм үг хэллэгийг сөргүүлэн хэрэглэдэг гэнэ.
Тавдугаарт: “Чи хаана байна” гэдэг үгийг байнга хэрэглэдэг хосуудын харилцаанд хардалт, сэрдэлт байнга тулгардагийн илрэл гэнэ шүү.

 2012 ОНД ЮУ БОЛОХ БОЛ?

МОНГОЛ ШАТАРЧИД ДЭЛХИЙН ХЭМЖЭЭНД ХҮРЧЭЭ

Өнгөрсөн сарын 27-ноос энэ сарын 10-ны өдрүүдэд Турк Улсын нийслэл Истамбул хотноо болсон Дэлхийн шатрын 40 дүгээр олимпиадад амжилттай оролцоод ирсэн манай улсын шигшээ багийнхан өнөөдөр хэвлэл мэдээллийнхэнд хандаж, үр дүнгээ тайлагналаа.
Энэ удаагийн олимпиадад манай шатарчид бүтэн багаараа оролцож, эрэгтэй шатарчид 157 орноос 46 дугаар байрт шалгарч өмнөх амжилтаа 10 байраар ахиулсан бол, эмэгтэйчүүд 127 орны багаас 13 дугаар байрт оржээ. Багийн нэгдсэн дүнгээр манай улс 162 орноос 23 дугаарт байрт шалгаран, Монгол Улс шатрын хүчирхэг голомт гэдгээ батлан харуулж чаджээ.

 Шатрын олимпиадын үеэр ОУШХ-ны ээлжит конгресс хуралдаж, манай улсын төлөөлөгч олон улсын шүүгч, олон улсын шатрын холбооны мастер Г.Алтан-Очийн тавьсан Азийн шинэчилсэн бүсэд багтан дэлхийн аваргад оролцох эрхийн төлөө тоглох саналыг хүлээн авч баталжээ. Ингэснээр манай тамирчдын дэлхийн аварга шалгаруулах тэмцээнд оролцох боломж илүү өргөн болж буй юм.
Мөн 2014 онд зохион байгуулагдах Ази тивийн өсвөрийн шатрын аварга шалгаруулах тэмцээнийг зохион байгуулах өрсөлдөөнд оролцох эрхийг манай улсад олгосон байна. Энэ эрхийн төлөө Туркменстан улстай өрсөлдөж ялвал уг тэмцээнийг эх орондоо зохион байгуулах боломжтой болох юм.

Шинэ их мастер Баярсайханы Гүндаваагийн цолыг ОУШХ-ноос ирэх сарын 1-ний өдөр зарлах ажээ. Б.Гүндаваа нь манай шатрын түүхэнд хамгийн залуудаа буюу 23 насандаа их мастер болж буй юм. Өдгөө тэрээр 2530 чансаатай буй нь мөн манай бүх цаг үеийн түүхэн дэх хамгийн өндөр амжилтад тооцогдож байна.

              АРХИ ТАМХИНЫ ҮНЭ ӨСӨЖ ЭРҮҮЛЖҮҮЛЭХИЙН ЦАГДАА ХИЙХ АЖИЛГҮЙ БОЛЖЭЭ

Дүүргүүдийн цагдаагийн хэлтсийн эрүүлжүүлэх байранд хоног төөрүүлэх хөлчүү эрсийн тоо хэд дахин буурсан гэх мэдээ чих дэлсэв. Уг нь бол дүүргүүдийн эрүүлжүүлэх байр ачааллаа даахаа болиод байна гэх мэдээлэл сүүлийн хэдэн жил хэвлэл мэдээллийн хэрэгслээр гарч байлаа. Харин одоо цөөн хүнтэй, ачаалал багатай хонодог болоод дөрөв хонож байгаа аж. Нийслэлийн хамгийн олон баар, ресторантай гэгдэх Баянзүрх дүүргийн эрүүлжүүлэх байр гэхэд өчигдөр шөнө 19 хүн эрүүлжүүлэгдсэн байна. Уг нь өдий цагт дүүрэн хүнтэй байдаг аж. Хоногт 50-70 хүн байнгын "зочин" байсан гэдгийг эрүүлжүүлэх байрны жижүүрийн ахлагч хэлж байсан. Ингээд хорин зараа хамаатан садантай нь залгисан "бүрзгэр" эрс хэрхэн гарахыг сурвалжлахаар гарлаа. Бидний очсон эхний газар бол Сүхбаатар дүүргийн цагдаагийн хэлтэс байв. Өчигдөр шөнө энд 20 хүн эрүүлжүүлэгдсэн байна. "Зочдын" ихэнх нь оюутан байлаа. Сүхбаатар дүүргийн цагдаагийн хэлтсийн эрүүлжүүлэх байрны үүдээр тэнд хоносон хүмүүсийн ар гэрийнхэн ирцгээсэн байлаа. Өндөр бор залууг эрүүлжүүлэх байрны цагдаа "Хөөш хурандаа Баттөрийн төрсөн дүү гараад ир. Одоо ах руугаа утасдаж намайг гаргаж ав гээд ярихгуй юу" гэх сонсогдов. Харин нөгөөх эр толгойгоо илснээ "Уучлаарай ахаа тасарчихсан байна лээ. Юу ярьснаа санахгүй байна. Сая эгч рүүгээ утсаар ярьчихсан. Удахгүй ирэх байх. Тэгээд мөнгөө өгчихье" гэв. Мань эр найзуудтайгаа бааранд архи ууж согтоод гудамжинд хүмүүстэй зодолдсон юм байх, Эргүүлийн цагдаа нар зодолдож байсан залуусыг салгаж цагдаагийн хэлтэс дээр авчрахад "Би хурандаа Баттөрийн төрсөн дүү байна. Та нар намайг яах юм. Би ах руугаа утасдахад л та нар ажлаасаа сална ш дээ" хэмээн агсарсан гэнэ. Ер нь эрүүлжүүлэгдэж байгаа хүмүүсийн ихэнх нь сайд, дарга, цагдаагийн хурандаа нарын хамаатан садан хэмээн алба хаагчдыг сүрдүүлж, чамайг ажлаас чинь халуулна хэмээн хашгичсаар ногдсон өрөөндөө ордог гэсэн.

Биднийг очих үед гурван хүн үлдсэн байлаа. Тэд "Бидэнд мөнгө байхгүй ээ. Авах ч хүн байхгүй. Одоо гаргачих л даа" хэмээн царайчлах аж. Эрүүлжүүлэх байранд хоносон оюутнуудыг өглөө эрт ар гэрийнхэн болоод найзууд нь аваад явжээ. Чингэлтэй дүүргийн цагдаагийн хэлтсийн эрүүлжүүлэх байранд 23 хүн эрүүлжүүлэгдсэн гэнэ. Эрүүлжүүлэх байранд хоносон ихэнх иргэд явчихсан байв. Харин ар гэрийнхнээ хулээсэн хэдэн хүн л толгойгоо барин сууцгааж байв. 50 настай болов уу гэмээр нэгэн эр намайг "Утсаараа ганц яриулчих" хэмээн царайчлав. Охин руугаа ярьж байгаа бололтой. "Аав нь Чингэлтэй дүүргийн эрүүлжүүлэх дээр байна. Хурдан мөнгө аваад хүрээд ир" хэмээн уйлж гарав. Өөрийгөө удирдах чадваргүй болтлоо согтсон эр шөнө дундын алдад ирсэн гэнэ. Тэрбээр унтаж байхдаа гэдэс нь эвгүйрхээд суусан газраа "сур харвасан" сурагтай. Түүнээс болж хамт байсан хүмүүсийг өөр өрөөнд хийх, өрөөг нь цэвэрлэх гээд их ажилтай хоносон гэдгийг шөнийн ээлжинд хоносон цагдаа нар хэлж байв. Хэргийн эзэн өөрийгөө ч угаах чадваргүй үүр цайлгасан гэнэ. Баянгол дүүрэгт 32 хүн эрүүлжүүлэгдсэн бол Сонгинохайрханд 26 хүн эрүүлжүүлэх байранд хоногложээ. Төмөр замын цагдаагийн хэлтсийн эмэгтэйчүүдийн эрүүлжүүлэх байранд хоёр хүнтэй хоносон байна.

Тус хэлтсийн цагдаа нарын хэлж буйгаар согтсон эмэгтэйчүүд эрчүүдээсээ долоон дор байдаг гэсэн. Цагдаа нарын үгэнд орно гэж үгүй. Хоорондоо зодолдон бие биенийгээ үсдэж, маажаад болдоггүй аж. Шөнөжин "Ус ууя, бие засмаар байна. Би гармаар байна" гээд л чангаар уйлаад ер унтдаггүй гэнэ. Харин сүүлийн үед бараг хүн ирэхгүй амар тайван хонож байгааг хэлж байсан. Үүр цайх үед ирсэн нэг эмэгтэй байв. Тэр хөл нүцгэн гэрээсээ гараад явж байхад нь хөдөлгөөнт эргүүлийн цагдаа нар энд авчирсан байна. Хар тирко, футболктой хөл нүцгэн зогсох түүнээс гэрийн хаягаа хэлэхийг шаардан, холбогдох утас асуухад "Байхгүй. Би өөрөө гэр лүүгээ явна" хэмээн зөрүүдлэх аж. Архи нь гараагүй учир өдөр дунд гаргахаар дараагийн ээлжиндээ хүлээлгэж өгч байлаа.

Эрүүлжүүлэгдэх хүний тоо буурсан нь УИХ-аар архи, тамхины онцгой албан татварын үнийг хоёр дахин нэмэх хуулийн төслийг хэлэлцэж баталсантай холбоотой аж. Архи, тамхины онцгой албан татварын үнийг хоёр дахин нэмснээр архины үйлдвэрүүд болон дэлгүүр, баар, ресторанууд архиныхаа үнийг нэмсэн. Өмнө нь 5500 төгрөгөөр худалдаалагдаж байсан "Ерөөл" архи дэлгүүрт 10000 төгрөг болж, бааранд 16 мянган төгрөг болжээ. Цагдаагийн ерөнхий газраас өгсөн мэдээллээр улсын хэмжээнд 151 хүн эрүүлжүүлэгдсэн байна.

ДУУНЫ ХЯЗГААРЛАЛТТАЙ ЧИХЭВЧ БҮТЭЭЖЭЭ

“Griffin” болон  “Crayola MyPhones” компаниуд хамтран  хүүхдэд зориулсан чихэвч бүтээсэн байна. Эдгээр чихэвчнүүд нь өнгөлөг, өхөөрдөм, зөөлөн бөгөөд хамгийн гол нь хүүхдийн сонсголыг муутгахгүй, дууны хязгаарлалттай гэнэ.
Уг чихэвчнүүд нь 85 децибелээс бага давтамжтай дуу гаргадаг тул хүүхдийн чихний хэнгэрэгийг гэмтээхгүй, хүүхдүүд өөрсдөө чихэвчээ чимэглэж гоёход зориулсан 40 наадаг зураг, гурван өнгийн “Crayola” тодруулагчтай юм байна. Энэхүү өхөөрдөм чихэвч 24.99 ам.долларын үнэтэй аж.

Солонгосын хөрөнгө оруулалттай компанид ажилладаг Монгол ажилчин үндэслэлгүйгээр ажлаасаа халагдаж байна гэж байгууллагатаа хандахад , хүч түрэмгийлж биед нь халдсан учраас хохирогч цагдаа дуудсаныхаа дараа ТВ-8 телевизэд энэ тухайгаа мэдээлсэн байна.

Харин мэдээллийн  дагуу очсон ТВ-8 телевизийн сэтгүүлч Ж.Минжин, Б.Ганболд , н.Болортуяа,жолооч Амарсайхан нарын биед ажлаа хийж байх үед нь ноцтой халдаж бүлэглэж зодсон , мөн камер, гар утас зэргийг нь авч , барьцаалсан байна. Улмаар энэ тухай Монголын хэвлэл мэдээллийхэн мэдсэн даруйдаа очсон болов ч, тус компаний Солонгос эзэд, ажилчдынхаа хамтаар цагдаагийн хамгаалалтанд гарч явсан юм .Үдийн 11 цагийн орчимд Сүхбаатар дүүргийн 1-р хороонд байрладаг blue sky таверийн в1 давхарт болсон энэ үйл явдал дээр цагдаагийхан болон , Монголын сэтгүүлчдийн нэгдсэн эвлэлийхэн 15 орчим телевиз хэвлэл мэдээллийхэн ирсэн байлаа. Энэ хэрэг Сүхбаатар дүүргийн Цагдаагийн хэлтэст шалгагдаж байгаа ч, хохирогчид хэргийг шударгаар шийдвэрлүүлэхийг хүсч байгаагаа илэрхийлж шүүх ,прокурорын байгууллагад хандахаар болоод байгаа юм байна. Шударга үнэний төлөө , иргэдийн дуу хоолойг хүргэж ажилладаг сэтгүүлч хэвлэл мэдээллийн ажилтнуудад ноцтой байдлаар хандсан томоохон хэрэг боллоо.

2030 ОН ГЭХЭД САУДЫН АРАБ НЕФТЬГҮЙ БОЛЖ ШАТАХУУНЫ ҮНЭ НЭМЭГДЭНЭ

"2030 он гэхэд Саудын арабт экспортод гаргах нефть гэж үгүй болсноор ойрын жилүүдэд нефтийн үнэ ханш үлэмжхэн өсч болзошгүй гэсэн айдас байна" хэмээн "Citigroup"-ын илтгэлд өгүүлжээ. Саудын вант улс нь манай дэлхийн нефть үйлдвэрлэгч хамгийн том улс бөгөөд дэлхийн асар том зах зээлд өдөр тутам нийлүүлэгдэж буй нефтийн 13 хувийг дангаараа бүрдүүлдэг хэдий ч өсөн нэмэгдэж буй өөрийнхөө цахилгаан эрчим хүчнийхээ хэрэгцээг хангахын тулд олзворлож байгаа нефтийн хэмжээгээ нэмэгдүүлэх шаардлага тулгарч мэдэх юм.

Тус улсын экспортын хэмжээ байнга буурсаар, "хэрвээ юу ч өөрчлөгдөхгүй байх аваас 2030 он гэхэд Саудын арабт экспортонд гаргах нефть үлдэхгүй" хэмээн "Citi"-гийн Хейди Реман үзэж байна.
Саудын араб нь олзворлож буй нефтийнхээ 25 орчим хувийг хэрэглэдэг бөгөөд цахилгаан эрчим хүчээ дахин үйлдвэрлэхэд шаардагдах түлшнийх нь 50 хувийг нь мөн л нефть бүрдүүлдэг аж. Жил бүр  8 хувиар өсөн нэмэгдэж байгаа эрчим хүчний эрэлт дээд түвшиндээ хүрч байгаа энэ цаг үед тус улс нарны болон цөмийн энергийг ашиглан эрчим хүчний хүчин чадавхиа 2030 он гэхэд хоёр дахин ихэсгэхийг зорьж буй аж.
Гэвч санхүүжилт дутагдах бэрхшээл, цөл газарт реакторыг хөргөхтэй холбогдон үүсэх аюулгүйн асуудал, хөрөнгө мөнгийг хэтрүүлэн зарцуулах зэргийг харгалзан үзэх аваас арабчуудын энэхүү төлөвлөгөөнд хатагтай Хейди Реман ихээхэн эргэлзэж байгаа аж. Хэрвээ цахилгаан эрчим хүчний эрэлт өсөн нэмэгдсээр, тэгээд ч түүний түлш нь энэ хэвээрээ үлдэх аваас "бидний дүгнэлтээр 2030 он гэхэд Саудын араб нь цэвэр нефть импортлогч орон болон хувирна" хэмээн Реман үзэж байна.
Гэхдээ нефтиэс олох орлого нь улсынхаа нийт орлогын 80 хувийг эзэлдэгийг тооцох үзэх аваас Саудын араб улс нь "энэ бэрхшээлт асуудлыг бүрэн ойлгон мэдэж байгаа бөгөөд шийдвэрлэх шаардлагатайг нь ч мэдэх буй за". Британийн аж үйлдвэрийн зорилтот бүлгийн зохион байгуулагч Жереми Леггетт дээрх илтгэл нь "асар их" нөлөө үзүүлж, нефть үйлдвэрлэлийн гүнзгий уналт нь "дэлхий дахины эдийн засагт асар их стресс" учруулж болзошгүй хэмээн өгүүлж байна.

БУЛГАНЧУУД Н.ТҮВШИНБАЯРЫГ ''МЯНГАТ МАЛЧИН'' БОЛГОНО

Тодруулбал, энэ сарын 14-ний өдөр буюу энэ баасан гаригт Булган аймагт олимпийн хос медальтан Н.Түвшинбаярт хүндэтгэл үзүүлэх мялаалга наадам болно. Энэ наадмыг угтаж Булган аймгийн нутгийн зөвлөл, иргэний төлөөллийн байгууллагууд хамтран Олимпийн хос медальтандаа сонирхолтой  “бэлэг барих”-аар болсон байна.

Эх сурвалжийн мэдээлж буйгаар “Н.Түвшинбаярын” тодотголтой наадамд Нутгийн зөвлөл хувиар гарган, Булган аймгийн сум бүрээс 70 орчим хонь “цуглуулах” ажил зохион байгуулж байгаа гэнэ. Түүнчлэн, Булган аймгийн Төрийн албан хаагчдын  нэг өдрийн цалинг нь цуглуулж, олимпийн аваргадаа бэлэг барихаар болжээ.

Түүнчлэн “Сайхан  морьтон”, “Сайхан монгол” дээлтэн шалгаруулж, наадамчдын дунд “Дэмбээ наадам”, “Сайхан айрагтай айл, хотол”, “Хэн их айраг уух вэ?” зэрэг тэмцээн, уралдаан зохиох ажээ.

Ямартаа ч, Бээжингийн олимпийн алт, Лондонгийн олимпийн мөнгөн медальт, МУ-ын хөдөлмөрийн баатар Найдангийн Түвшинбаяр Бээжин, Лондонгийн олимпуудад тэвчээр, хүч заасныхаа хариуд “мянгат малчин” цолтой болох юм байна.

ОБАММА ПИЦЦА БӨӨНДӨЖ АВАВ

АНУ-ын ерөнхийлөгчийн сонгууль 2012 эхэлсэнтэй холбогдуулан  өчигдөр буюу энэ сарын 10-ны өдөр Барак Обама Флорида мужид сонгуулийн кампанит ажлаа хийж иргэдтэй уулзжээ.

Энэ үеэр тэр 2008 онд өөрт нь санал өгч байсан Скотт Ван Дьюцер гэгч пиццаны газрын эзэнтэй уулзаж 20 ширхэг пицца аваад бэлнээр мөнгөө төлсөн байна.

Скотт Ван Дьюцер хэлэхдээ "Би дөрвөн жилийн өмнө Барак Обамад саналаа өгч байсан, энэ удаа ч мөн адил саналаа өгнө. Түүнтэй ярилцсан 20 минут гайхалтай байлаа. Тэр миний пиццаны газраар орж ирсэн нь бүүр сайхан байлаа" гэж хэлжээ.

                                                 НАЙЗ БҮСГҮЙТЭЙГЭЭ ХАМТ ЖИРЭМСЭЛЖЭЭ

Бид саяхныг хүртэл жирэмсэн эрийг зөвхөн Арнольд Шварценеггер, Дэнни де Вито нарын тоглосон киноноос л харж байсан билээ. Гэтэл нэгэн залуу яг л жирэмсэн эмэгтэйтэй тулгардаг асуудлуудыг биеэрээ мэдэрч эхэллээ хэмээн британийн хэвлэлд бичжээ.

Манчестер хотын оршин суугч 25 настай Майк Дауделл өдөр бүр өөрийн найз жирэмсэн бүсгүй Аманда Беннеттийн мэдэрч буй таагүй  мэдрэмжүүдийг яг адил мэдэрдэг болсон аж.

Өглөөгүүр Майкийн дотор муухайран огиулж, хоол боловсруулах эрхтэнд асуудал үүсэн, байнгын хэвийн бус байдалтай байгаа гэнэ. Эхлээд найз бүсгүй нь түүнийг тоглож алиалж байна хэмээн бодож байсан боловч илт нүүрэн дээр нь зовиурлан шаналж, жин нэмж өөрчлөгдөөд байгаа тул юун инээдтэй манатай юм болжээ.

Майкийн “жирэмслэлт” түүний ажиллаж амьдрахад нь саад болж, тэрээр толгойгоо ч өндийлгөх тэнхээгүй бүтэн өдрөөр орондоо хэвтэх болсон байна. Энэхүү зовлонтой хордлого өгөөд хоёр долоо хоносны дараа тэрээр эмчид ханджээ. Эмч түүнийг анагаахын хэллэгээр Кувадын синдром хэмээн нэрлэгддэг “хуурамч жирэмслэлтийн” хүнд хэлбэрээр өвчилснийг оношилсон аж.

Энэ нь маш ховор тохиолддог өвчин бөгөөд төдийлөн сайн судлагдаж чадаагүй юм байна. Зарим эрдэмтэд түүнийг ирээдүйн эцгийн гормоны өөрчлөлттэй холбоотойгоор үүсдэг хэмээн үздэг аж.

Майкийн хувьд дотор муухайрч бөөлжихөөс илүүтэй хамгийн онцгүй зүйл нь жин нэмж том размерийн хувцас өмсөх шаардлагатай болсон явдал гэжээ.

Тэрээр өмнө нь байнга спортзааланд хичээллэж, өөрийн жавхаалаг бие бялдраар бахархдаг байсан аж. Гэтэл одоо тэдний “хамтын жирэмслэлтийн” 33 дахь долоо хоногтойд бие нь харахад тааламжтай бус байдлаар жин нэмсээр байгаа юм байна. Майкийн энэ тааламжгүй зовлон түүнийг аав болсны дараа арилах аж.

СОЛОНГОСТ ИРГЭДИЙГ ГУДАМЖИНД БАЙЦААН ШАЛГАХ АЖЛЫГ СЭРГЭЭВ

Ажил үүргээ гүйцэтгэж буй Солонгосын  цагдаагийн ажилтан гудамжинд яваа гэмт хэрэгт сэжиглэгдэгч л биш бол иргэдийн бичиг баримтыг шалгах эрхтэй ч тэдний юу хийж яваа, хаанаас хаа хүрэх гэж байгаа зэргийг асууж биед нь нэгжлэг хийх эрхгүй болсоор 2 жил болж буй.

Энэ нь хувь хүний эрхэнд дэндүү бүдүүлгээр хандаж тэдний эрх чөлөөтэй алхах, амьдрах , амрах   эрхийг хааж байна гэсэн олон нийтийн байгууллагын олон удаагийн эсэргүүцэл, жагсаал цуглаанаас үүдэлтэй.

 Гэвч сүүлийн үед гарч буй томоохон хэмжээний хүчингийн  болон асуух хэрэггүй нэрээр дурын хүний амь насыг хөнөөж  буй  хүн амины хэргүүд нь дээрх хуулийг цуцлахыг шаардаж байгаа ажээ. Тиймээс Солонгосын Засгийн газар 2 жилийн өмнө цуцалж байсан дээрх хуулиа дахин мөрдөх шийдвэрийг өнөөдөр гаргажээ. Ингэснээр  гэмт хэрэг гарсан гудамжинд цагдаагийн шалгалт гарч, иргэдийн биед нэгжлэг хийхээс гадна цагдаагийн түгшүүрийн дуут дохиог шөнийн цагаар ч хамаагүй  дуугаргах боломжтой болжээ. Мөн шалгагдаж буй иргэнийг  цагдаагийн газар авчран 6 цагийн турш түр саатуулан  шалгаж болох хуулийг ч энэ удаа дахиж сэргээсэн байна.

АЙМШИГТАЙ ЗУРХАЙ

Үнэн үг уран гоё байдаггүй. Магтах юм бол итгээд муулах юм бол итгэдэггүй мангар зангаа хая!!!
 
Хонь
Дэндүү түрэмгий, дээрэнгүй нь дэндсэн бүдүүлэг. Оюун ухааны сааталд ордог, хамгийн энгийн зүйлсийг арай гэж тогтоох нь олонтаа. Хэрэв чаддаг байсан бол дэргэдэх хүнээ ямар ч эргэлзээгүй чадах байсан. Гэвч гол төлөв мэлрээд зогсож байхад тохьтой элдэв хачин сонин зүйлийн эрэлд хатаж байдаг. Эрээ цээргүй, ний нуугүй, шар айраг, бүдүүлэг наргианд дуртай. Багадаа цэргийн жанжин, сансрын нисгэгч, эсвэл мисс болохыг мөрөөддөг байсан болохоор гол төлөв хаа ч явсан зодоон хийж явдаг байсан. Гэр бүлийн амьдралд аль болох мөнгө, төгрөгнөөс хол байлгаж байхгүй бол нүд ирмэхийн зуур өөрөө ч мэдэлгүй үрэн таран хийгээд хаячихдаг. Согтуу уедээ агсам согтуу тавих магадлал өндөртэй.
 
Үхэр
Нарийн, яншаа, доль засах дуртай, алтан хошуу хүргэхээс сийхгүй. Амьралдаа «салхи хаашаа хамхуул тийшээ» гэсэн зарчмыг мөрдлөгө болгодог болохоор удирдлагын хий гэсэн болгоныг хийж явдаг. Төрөлхийн жүжиглэх авъяастай болохоор эрчүүд нь өгөөмөр хүн, хүүхнүүд нь бусдын төлөө зовсон хүн болж жүжиглэдэг. Гэхдээ сэтгэлийнхээ түүний бүгдийг үзэн яддаг бөгөөд өөрийгөө ертөнцийн төв гэдэгт нэг ч хором эргэлздэггүй. Мөнгө, эд баялагт дуртай ч хүнд мэдэгдэлгүй чимээгүй мөртлөө уйгагүй цуглуулж, хураадаг. Хэрэг гарвал хэний ч гэсэн сүүлчийн оймсыг тайлаад авчихаж чадна. Гаднаас гарахад нэг их эелдэг байв ч үнэн хэрэг дээрээ хувиа хичээсэн этгээд болохоор хар багаасаа өгсүүлээд хөгширтлөө гэр булээ үргэлж зовоож, тарчлааж байдаг. Хэнд ч, өөртөө ч итгэдэггүй. Хүрч, авч чадах бүх эрх мэдлээ хэнтэй ч хуваалцалгүй зөвхөн ганцаар ашиглахыг хичээдэг.
 
Ихэр
Оюун ухаан болон мэдрэмжийн хувьд мөнхийн xүүxэд. Насанд хүрч, бүх хариуцлагыг өөрөө үүрнэ гэхээс боож үхсэн нь дээр гэж боддог болохоор хэн нэгний хүзүүн дээр сууж аваад өөд болтлоо празитлах дуртай. Ганц хийх дуртай зүйл нь үхэр холдтол үг олшруулах. Ном бага уншдаг, мэдлэг нимгэн атлаа ертөнцийн гарал үүслээс авахуулаад улс төр хүртэл бүх юмны талаар өөрийн гэсэн бодолтой байх бөгөөд түүнийгээ долоо хоногт багаар бодож арван удаа өөрчилж явдаг. Нас ахиад ирэхээр юу ч хамаагүй бясалгаж суух дуртай болдог. Жүжигчин эсвэл зохиолч болох нь цөөнгүй. Оюун ухааны ч тэр, биеийн ч тэр ачааллыг даадаггүй. Зочид хүлээж авах дуртай ч их бодож л өөрийнхөө чалчаа яриагаар дайлдаг.
 
Мэлхий
Бүтэл муутай нөхөр. Өөрийгөө тал бүрээс нь бясалгах дээр гацсан хуучинсаг явцуу үзэлтэн. Үзэл бодлыг нь юу ч байсан өөрчилж чадахгүй гэдгийг сайн мэдэж байдаг атлаа хүнийг даапаалах гэсэндээ маргаж, мэтгэлцэх дуртай. Дэндүү их айснаасаа болоод хүн рүү туруулж дайрч магадгүй ч гол төлөв аюул, бэрхшээлийн сургаар л эртнээс ухаж бэлдсэн хүн рүүгээ харайлгадаг. Дур нь хүрвэл баруун солгойгүй бүгдийг муулж, өөрийгөө нөхцөл байдлыг хянаж байгаа хүчтэй, өөртэй итгэлтэй хүн гэж харагдуулах дуртай. Гэвч үнэндээ бол жинхэнэ туулайн зурхтэй этгээд бөгөөд орь ганцаар тайван байх сонирхолтой.
 
Арслан
Хар багын л ууж идэх, бусдыг шаналгах дуртай нэгэн. Өөр бусад ажилд дөр муутай. Багадаа эцэг эхээсээ мөнгө шаналгадаг бол, том болоод ирэхээрээ найз нөхөд, танилуудаа «сааж» эхэлдэг. Хэрээс хэтэрсэн их зан, хувиа хичээсэн байдал нь дурын хүний амьдралыг баллах чадалтай бол ховдог, хомхой зан нь ямар ч зузаан хэтэвчийг хоослож чадна. Гэхдээ яаж ч идлээ гээд таргалдаггүй гэж болно. Юу ч болсон зөвхөн өөртэй нь холбогдож, өөрийнх нь эргэн тойронд болж байх ёстой гэж үздэг болохоор ямар ч юманд манлайлагч, тэргүүлэгч байхыг хичээдэг. Тэгээд энэ нь бүтэхгүй болоод ирвэл сэтгэлээр унаж, овор хэмжээгээр мэдэгдэхүйц багасдаг. Өөрийгөө агуу, хамгийн лаг, алдаа мадаг огт гаргадаггүй төгс хүн гэдэгт үнэн голоосоо итгэдэг.
 
Охин
Заан шиг бахдам эелдэг ч, туулай шиг ухаан багатай. Нарийн, харамч, үглээ. Ямар ч юмыг ном журмаар нь, шат дарааллын дагуу хийх гэсэн хүсэл нь хаа ч явсан хүмүүсийн дургүйг хүргэдэг. Үглээ өөнтөгч зангаараа ямар ч ажлыг нурааж, хэнийг ч байсан дэлбэртэл нь уурлуулж чадна. Хэзээ ч хар ухаанаараа, нөхцөл байдлалдаа тааруулан ажиллана гэж байдаггүй болохоор өөртөө болон өрөөл бусдад зориулсан дэндүү дэлгэрэнгүй төлөвлөгөө бичиж суудаг. Хүмүүст тэр төлөвлөгөө нь хэрэгтэй байна уу үгүй юу гэдэг нь өр хамаагүй. Бүх зүйлд нарийн тооцоотой ханддаг болохоор хийж байгаа бухэн нь уйтгартай, нүсэр болдог. Гэхдээ нэг зүйл дээр буюу хор найруулахдаа гарамгай болохоор дайсан гарч ирвэл долоон үеэр нь далд оруулах хор найруулахаас нааш санаа нь амрахгүй.
 
Жинлүүр
Аз нь харьчихсан гэж болохоор xүмүүс л энэ ордонд төрдөг. Хоёр гар нь хоёулаа буруу. Сонсгол, хараа муутай. Нэр төрөө хамгаалах, наргианы мэдрэмж нь жаахан хүүхдийнх шиг. Тэд мөнгөтэй, өндөр албан тушаалтай, бүтэлтэй хайр дурлалтай байх нь тун ховор. Шийдвэр гаргаж ёстой нэг чаддаггүй хүмүүс болохоор өчүүхэн төдий шийдвэр гаргах хэрэг болоход гар хөл нь салганан, хар хөлс нь цутгасаар ухаан самуурдаг болохоор ямагт өөр хүн өмнөөс нь шийдвэр гаргаж байдаг. Юу ч ойлгож, мэдэрдэггүй мөртлөө өөрийгөө урлагийн талаарх нарийн мэдрэмжтэй xүн болгож харуулах дуртай. Өөрийгөө өрөвдөж, дөвийлгөх нь дэндсэн дурдатгал, дурсамж бичих нь олонтаа.
 
Хилэнц
Хол эсвэл ойр байна гэлтгүй маш аюултай. Таныг үзэн яддаг, эсвэл ялах гэсэндээ бус зүгээр л үгүй хийх, устгах дуртайдаа л мэхэлж, «боов үмхүүлж, будаа болгоно. Зорьсондоо хүрэхийн тулд ямар ч арга ашиглаж мэдэх улс. Дараа нь хэрэг гарсан үед ар нуруунаас үхлийн цохилт өгөхийн тулд өмнө нь ямар ч хамаагүй үнээр сайн нэр, имижтэй болж авдаг. Тэдний карьер хийсэн замаар явбал тав алхаад л нэг үхдэлтэй таарна гэж мэд. Чамайг хамгийн сайн найзаа гэж боддог гэж хэлж байгаа бол цагийн өмнө алтан хошуу хүргэчихсэн хэрэг. Заваан онигоо, садар кинонд дуртай. Өөрийн секс ялалтын талаар элдэв цуу тараах, өөрт нь сайн хүмүүсийг даапаалах дуртай.
 
Нум
Юу ч болж байсан баясгалантай инээж явдаг. Аваарт орж турбадуулж байсан ч өөдрөг зан, дайчин чадвараа алддаггүй нь гэлтэй. Тав арван минут үг сольсны дараа чимээгүйхэн нам зохих хүсэл аяндаа төрөөд ирдэг. Хар багаасаа өөрийнхөө тэнэг хүсэл, үзэл бодлоо бусдад тулган хүлээлгэх дуртай, нойтон хамуу шиг этгээд. Дээрэнгүй өөдрөг зан нь бүх амьдралынх нь туршид өөрт нь яршиг төвөг удаж байгааг мэддэг ч үгүй. Гол төлөв сайн сайхны төлөө гэсэн бодолдоо хөтлөгдөн худал ярьж, санаанаасаа зохиох дуртай. Үнэгүй хоол идэж, уух боломжтой олон хүн цугласан чимээ шуугиан ихтэй газраар явах хоббитой.
 
Матар
Хэрцгий, цэвдэг, мөсөн уул шиг хүйтэн. Гэртээ прокурор, ажил дээрээ дарангуйлагч. Бусдын хүсэл, бодлыг дарж, дарангуйлах нь амьдралын утга учир гэж боддог болохоор өчүүхэн төдий зүйлээр нээнтэглэж, өөлөх дуртайгаас гадна наргиан мэдрэх чадвар гэж огт байдаггүй. Хүүхдээ зодож, хань ижлээ зовоодог. Биеийн болон сэтгэлийн илүү хүнд дарамттай тулахаараа л ухарч, бууж өгдөг. Оюун ухааны хувьд ямар ч уран сэтгэмжгүй, бүдүүлэг боловч өс санаж, хорхойтой араандаа зууж чаддаг. Өөрийнх нь эерэг нэг л удаа хөдөлсөн байхад насанд туршдаа мартахгуй. Өөрийгөө хэт дөвийлгөх ба өөртөө үл итгэх гэсэн хоёр эсрэг тэсрэг үзлийн санаанд оромгүй нийлбэр байдаг болохоор үргэлж удирдах албан тушаал өөд мацаж байдаг.
 
Хумх
Бодит амьдралаас дэндүү тасарсан хоосон мөрөөдөгч. Мөнгө зээлвэл тэр дороо үрээд хэнээс зээлснээ мартчихдаг болохоор эргүүлж өгдөггүй. Амлалтаа байнга зөрчдөг, ажил хийх дургүй. Ойр дотныхоо хүмүүсийн ар хударгаар элдэв цуу тараадаг. Гуанзны хоол, бэлэн гоймон ба бүдүүлэг зөгнөлт зохиолд дуртай болохоор аль алиныг нь таарсан үедээ гар таталгүй худалдаж авдаг. Мөнгө хурааж чадлаа гэж бодоход нэг л мэдэхэд түүнээ дэлхийг аврах аль нэг төлөвлөгөөгөө хэрэгжүүлэхэд үрээд үгүй хийчихдэг. Ядаж байхад тийм төлөвлөгөө ихтэйг яана.
 
Загас
Хуурч мэхлэн, хулхидалгүйгээр амьд явж чаддаггүй. Заримдаа хаана нь худал, хаана нь үнэн байгаагаа өөрөө ч мэдэхээ байтлаа бурдаг. Загасныхан үргэлж өөрөө өөртэйгээ зөрчилдөж, үргэлж өөгүй мултарч байдаг ч үүнээсээ ямар нэг ашиг гаргах нь тун цөөн. Учир нь энэ бүхнийг ашиг хонжооны төлөө бус харин «урлагийн төлөөх урлаг» буюу сэтгэлийн таашаал авах зарчмаар хийж байдаг юм. Мөн бусдын муу муухайг хутган самарч, эмзэг газрыг олж хөндөх дуртай. Бусдын нууцаар наймаа хийхээс буцахгүй. Ажил хийх дургүй, чаддаг ч үгүйн дээр ямар ч барьцгүй болохоор албадан ажил хийлгэнэ гэдэг гонжийн жоо.

-ЭРҮҮЛ САРУУЛ БАРИГДСАН ЗАЛУУГ  АРХИ ХЭТРҮҮЛЭН ХЭРЭГЛЭСНЭЭС АМИА АЛДСАН  ГЭЖ ОНОШИЛЖЭЭ-

БНСУ-д хууль бусаар зургаа дахь жилдээ ажиллаж, амьдарч байсан нэгэн залуу өнгөрсөн сарын 24-нд тус улсын Цагаачлалын албаны шалгалтанд өртжээ. Тэрбээр монгол гурван залуугийн хамт баригдсан байна. Баригдсанаасаа хойш гурав хоногийн дараа буюу 27-ны шөнө уусан архиндаа хордон нас барсан оноштойгоор амиа алдсан байна. Түүнийг Увс аймгийн Наранбулаг сумын харьяат Х.Амарбаясгалан гэдэг аж. Талийгаач нь анх баригдахдаа эрүүл саруул, архи уугаагүй байсан гэж хамт баригдсан найз нөхөд нь гэрчилжээ. Тэрбээр бямба гаригийн өдөр баригдсан байна. Баригдахаасаа өмнө Монгол руу утсаар эхнэртээ "Ирэх даваа гаригт онгоцны тийзээ захиалаад хоёр хүүхэд дээрээ очно" хэмээн ярьж байжээ.

Талийгаачийн ар гэрийнхэн түүнийг нас барснаас тав хоногийн дараа Солонгост очсон байна. Ар гэрийнхнийг нь БНСУ-д суух Элчин сайдын яамны хоёрдугаар нарийн бичгийн дарга Д.Батзориг болон яамны ажилтнууд тосч авчээ. Азаар залуугийн амиа алдахаасаа өмнөх бичлэг нь талийгаачийн ар гэрийнхэн болон найз нөхдөд нь олдсон байна. Тэр бичлэг дээр талийгаачийг цагаачлалын албаныхан хэрхэж буй нь бичигджээ. Энэ бичлэгт эхний удаа 10-аад хүнтэй байсан өрөөнөөс хоёулхнаа байдаг өрөө рүү орсноор үргэлжилдэг байна. Тэндээс талийгаачийг ганцаараа байдаг өрөө рүү щилжүүлсэн дүрс байжээ. Ганцааранг нь байлгах өрөө рүү орохдоо хүчтэй түлхэгдэн талийгаач арагшаа савж унан орж байгаа нь бичигдэн үлджээ. Талийгаач хоёулхнаа байсан өрөөнд байхаасаа эхлэн гарахаар хаалга үүд, цонх балбаж, өшиглөж байх аж.

Харин ганцаараа өрөөнд хоригдохдоо бие нь хямарсан байдалтайгаар аврал эрэн хаалга үүдээ хоёр цаг гаруй нүдэж тусламж хүссэний эцэст өрөөнийхөө буланд байсан жорлонг тэврэн нас барсан байжээ.

Дуу чимээ ихтэй байсан талийгаачийн өрөө чимээгүй болоход цагаачлалын албаны хоёр харгалзагч орж талийгаачийг гаргаж ирж байгаа дүрс бичигджээ. Бичлэгээс харах юм бол үйл явдлын болон өрөөнд байсан эд зүйл зэрэг өөрчлөгдсөн байсан гэнэ. Иймд талийгаачийн ар гэрийнхэн бичлэгт ямар нэгэн засвар орсон байх боломжтой гэж үзэж байгаа ажээ. Түүнчлэн талийгаачийн цогцост ар гэрийнхнээс нь ямар нэгэн зөвшөөрөл авалгүйгээр задлан шинжилгээ хийсэн байсан байна.

Нэг үгээр хэлбэл тэднийг Монголоос ирэхээс өмнө энэ явдлыг холбогдох хүмүүс нь амжуулсан гэнэ. Харин ар гэрийнхнийг нь ирэхэд задлан шинжилгээний зургуудыг л харуулсан байна. Мөн талийгаачийн нас барсан хорих өрөөг ар гэрийнхэнд нь үзүүлжээ. Тус улсын цагдаагийн газарт ар гэрийнхэн нь хандах ямар ч боломжгүй болжээ. Уг нь хэргийн газартай танилцахдаа ар гэрийнхэн нь авсан өмгөөлөгчөө дагуулж очих шаардлагатайг тус улсад суугаа манай Элчин сайдын яамны ажилтнууд сануулаагүй гэнэ. Харин Элчин сайдын яамныхан ар гэрийнхэнд нь хэлмэрчийн үүргийг гүйцэтгэх төдий байдлаар хандаад өнгөрчээ. Хөнгөн хуумгай болсон задлан шинжилгээний хариу хоёр сарын дараа гарах гэнэ. Тус улсад цогцос хадгалах зардал өндөр тул чандарлачихаад шүүхэд ханд гэсэн зөвлөгөөг манай Элчин сайдын яамныхан талийгаачийн ар гэрийнхэнд өгсөн байна.

Ар гэрийнхэн нь залууг архи ууж амиа алдаагүй, цагаачлалын албаныхан хөнөөсөн байж болзошгүй хэмээн хардаж буй гэнэ. Тиймд тус улсын цагдаагийн газарт хандах гэсэн боловч бүтэлтэй үр дүнд хүрээгүй байна. Энэ хэргийн талаар өчигдөр Гадаад хэргийн яамны Консулын газраас тодруулах гэсэн боловч тоймтой хариу өгсөнгүй.

ХӨЛДӨӨСӨН ХҮНИЙГ АМЬ ОРУУЛСАН ХАЧИРХАЛТАЙ ТОХИОЛДОЛ ГАРЛАА

1936 онд нас барсан, боломжийн амьдралтай нэгэн америк эрийг мөсөн засвартай хөргөгчинд байсныг нь эмч, мэргэжилтнүүд дахин амьдруулав. -Бид үнэхээр гайхсан. Тархинд нь өчүүхэн төдий ч гэмтэл байгаагүй гэж доктор Франц Шулер өгүүлээд,

-Тэрбээр, одоо ч өөрийгөө Нью-Йоркт амьдарч байгаа, Франклин Рузвельт Ерөнхийлөгч бөгөөд Америк агуу их хямралыг даван туулж буй гэж бодсон хэвээр байгаа хэмээн нэмж хэлэв. Хөлдөөсөн эл биеийг 1990 онд Германд Дрездений лабораторид хуучин хөргөгчөөс олжээ.

-Бид, хөлдөөсөн 19 хүн бүхий хуучин хөргөгчийг тун санамсаргүй цэргийн зориулалттай нэгэн төхөөрөмжийн хамгийн доод температурыг үзэж байхдаа олсон гэж доктор Гас Хаберман хэллээ. 1936 оны 11 сарын 12-нд нас барсан Нью-Йоркийн боломжийн бизнесменийх болох тэр хүнийхээс бусдынх нь бие эсвэл хатчихсан, үгүй бол гэсчихсэн байжээ. Энэ талын мэргэжилтнүүдийг авчирч уг хүний биеийг дөрвөн цагийн туршид аажмаар гэсгээжээ. Эмч нар зүрхийг нь ажиллуулах тусгай эм хэрэглэсэн юм.

-Биеийн температур нь тэг хэмээс бага байсан ч бид түүний тархийг нь гэмтээхгүй хэвийн 37 хэмд хүргэж чадсан. Түүний биеийн байдал туйлын хүнд байлаа гэж доктор Шулер дурдсан юм

Ийнхүү биеийн халууныг өөрчилдөг аргыг эмнэлгийн үйл ажиллагаанд олон жилийн өмнөөс ашиглаж байгаа бөгөөд ялангуяа терел бүрийн эд эрхтнийг шилжүүлэн суулгахад өргөн хэрэглэж иржэз.

Эмч нар түүний төрөл төрегсдийг олон олтлоо нэрийг нь хэлэхгүй байлаа. Гэхдээ лабораториос олсон бичиг баримтаас үзэхэд уг хүн 35 насандаа зүрхний өвчнөөр нас барахынхаа емнөхөн цогцсыг хөлдөөж болдог тухай Лондоны эмч, ноён Джеймс Девугаас сонссон байжээ. 1936 оны 11-р сарын 14-нд түүний цогцсыг гэр бүлийнхэн нь Дрездений ойролцоох лабораторид хүргэж хөлдөөлгөн хөргөгчид хийлгэжээ. Түүнийг тэнд авчирахад хүрэн костюмтай, нүдэндээ ягаан туяатай шилтэй байсан.

-Цогцoсыг гэсгээсний дараа 1936 онд зогссон зүрхийг нь ажиллуулсан ба одоо өвчтөний бие сайжирч байна гэж доктор Хелгар Френзер өгүүлж байна.

ДОРНОДЫН МАРДАЙД ЦАЦРАГ ИДЭВХИТ БОДИС БАГАЖААР ИЛЭРЧЭЭ.

Нэг үеэ бодвол монголчууд бид цацраг идэвхит бодисын хор хөнөөлийн талаар чамгүй мэдлэгтэй болсон. Үүнээс өмнө 1990 оныг хүртэл нөхөрлөсөн Орос ах нарынхаа “дэмжлэгээр” цацраг идэвхит бодис нь ямар их хор уршигтай хийгээд аюул, гай гамшиг дагуулдаг вэ гэдгийг гадарладаг байв. Энэ нь тэртээ 1980-аад онд дэлбэрсэн Чернобылийн атомын цахилгаан станцын талаарх мэдээллүүд. Тухайн үед атомын цахилгаан станцын дэлбэрэлт ямар их хохирол дагуулсныг Монголчууд мэднэ. Харин өдгөө Чернобылийн хүүхүүд болон цацрагийн нөлөөгөөр мутаци хэлбэрт орж дүр төрхөө алдсан аймшигт “мангас”-уудын зураг, бичлэгийг цахим ертөнцөөс олж харж болно. Ердөө л эл жишээг дурьдахад шар нунтагаас эхтэй цацрагийн хор уршиг хэнд ч ойлгомжтой болно.

Оюутолгой, Тавантолгой, Эрдэнэт гэх зэрэг саалийн үнээнүүдээ чамлахгүй “шувтарч” чадаж гэмээнэ Монголчууд бид айх аюулгүйгээр хөгжлийн шат ахина. Гэтэл өнөөдөр ураны үйлдвэр барьж байгуулан ашиглалтанд оруулбал Монголчууд биднээс илүү гарах баян улс орон байхгүй болно, хөгжлийн асар хурдыг авчирна хэмээн цээжээ дэлдэгсэд ураны “уран мэх”-энд аль хэдий орчихжээ.

Энэ нь Дорнод аймгийн Мардайн ураны уурхай. Мардайн ураны орд нь Дорнод аймгийн Чойбалсан хотоос баруун хойш 110 км-ийн зайд орших бөгөөд Баяндун, Гурванзагал, Дашбалбар сумдад гурван бүлэг орд байрладаг. Хуучнаар Зөвлөлт холбоот улс тус ордод 1971 онд хайгуул хийж 1974 онд илрүүлсэн юм.

Үүний дараа 1981 оны арванхоёрдугаар сарын 23-ны өдөр Зөвлөлт холбоот улс болон манай орны Засгийн газартай “Монгол Улсын нутаг дэвсгэр дээр ураны орд ашиглах тухай” хэлэлцээр байгуулснаас хойш 1988-1995 оны хооронд нийт 510.6 мянган тонн хүдэр олборлосон гэх тоо баримт бий.

Тус ураны ордуудыг түшиглэн 1982-1988 онд “Эрдэс” олборлох үйлдвэрийг байгуулан төмөр зам, өндөр хүчдэлийн шугам, ус дамжуулах хоолой, ил уурхай зэрэг олон бүтээн байгуулалтын ажил өрнөж байсан нь Монголчуудад уурхай түшиглэсэн хөгжил байж болно гэдгийг харуулсан юм.

Дээрх уурхай нь хоёр сая тонн хүдэр олборлох хүчин чадалтай байсан төдийгүй тухайн үед хийсэн бүтээн байгуулалтын ажил нь манай оронд олон талын үр ашигтай байсан гэдэг. Тухайлбал, төмөр зам, ус дамжуулах хоолой, сургууль, цэцэрлэг гээд хурдацтай хөгжлийн жишээ Мардайд л өрнөж байсан түүхтэй. Гэтэл эл хөгжил цэцэглэлт зөвхөн цаг зуурын төдийгүй хожмын хорт үр дагавар даллах гишгүүр байжээ гэдгийг Дорнодчууд өдгөө л ухаарч буй.

Сарын өмнө Токиогийн их сургуулийн багш, мэргэжилтнүүд Дорнод аймгийн Баяндун, Дашбалбар зэрэг сумдын нутаг дэвсгэр болон Мардайн уурхай орчимд цацрагийн хэмжилт хийжээ.

  Гэтэл тус сумуудад цацраг идэвхит бодис хэвийн хэмжээнээс  хэд дахин илүү байгаа нь илэрсэн байна. Энэ нь нөгөө л алдарт Мардайн уурхайгаас эхтэй бөгөөд ураны уурхайн хаягдал болох шороо нь уурхайн гадна,газрын хөрсөн дээр ил задгай орхисноос цацраг идэвхит бодис тархах гол үндэс болжээ. Тэр ч бүү хэл Мардайн уурхайн хөгжил цэцэглэлтийн үед баригдсан цэцэрлэг сургууль зэрэг байгууламжийн балгаснаас блокыг нь авч сумын төвд барилга байгууламж, цэцэрлэг барьж байгаа гэх.

Энэ нь цацраг идэвхит бодисоор хордсон өөрөөр хэлбэл “Хориотой бүс”-ээс авчирсан бүтээгдэхүүн. Тэр ч бүү хэл цацраг идэвхит бодис хадгалж байсан цацрагийн аюултай гэх амбаар савыг хашаандаа авчирч байрлуулсан тохиолдол ч гарчээ.

Цацраг идэвхит бодис нь үнэртэхгүй, харагдахгүй, баригдахгүй. Товчхондоо гай гамшгийн хар сүүдэр. Эл үл үзэгдэгч хар сүүдэр Дорнод аймагт гамшиг тарих хэмжээнд аль хэдий хүрч цацраг идэвхит бодис “хэргээ” тарьж эхлэх нь.

 ДЭЛХИЙН ХАМГИЙН УРТ АВТОБУС

Германы “AutoTram” компани саяхан дэлхийн хамгийн урт автобусыг зохион бүтээснээ танилцуулжээ. Автобусыг бүтээхэд их сургууль болоод албаны хүмүүс гэх мэт олон талын мэргэжилтнүүд оролцсон байна.
Энэхүү автобус 30 гаруй метр урт бөгөөд 256 зорчигч тээвэрлэх боломжтой аж. Зохион бүтээгчид өнгөрсөн долоо хоногт Германы Дресден хотод “AutoTram Extra Grand” автобусаа танилцуулжээ.
Бээжин, Шанхай хотоос урт автобусыг худалдаж авах захиалга ирсэн ба 10 сая ам.долларын гэрээ яригдаж байгаа гэж зохион бүтээгч компанийн ажилтан мэдэгдсэн байна.
Аварга могойноос урт автобус бензин болон цахилгаан хосолсон хөдөлгүүртэй. Тиймээс байгальд учруулах хор хөнөөл багатай. Харилцааны системийн Фраухофер хүрээлэнгийн захирал Маттиас Клингер “Энэхүү автобус хотод чөлөөтэй явахад хангалттай. Мэдээж Италийн хотуудын гудамжинд тохирохгүй. Хамгийн чухал нь зорчигчдын ая тухтай байдлыг сайтар хангасан. Тухайлбал, тэргэнцэртэй зорчигчид зориулж хаалга тус бүрийн дор гулсдаг хавтан байрлуулсан” гэжээ.

Түүний жинхэнэ нэрийг Чэн Кон Сан гэдэг. Ядуу жүжигчид болох эцэг эх нь 1954 оны 4 дүгээр сарын 7-нд дөнгөж төрсөн хүүгээ англи эх баригчид нь 1500 гонконг доллараар зарах санал тавьж байв.

2.    8 настай жүжигчин
Тэрээр найман настайдаа анх “дэлгэцэнд дүрээ мөнхөлж” байв. 7-17 насандаа Жэки хагас цэргийн зохион байгуулалттай Бээжин дуурийн сургуульд суралцан, чанга багшийн гараар орж байх үедээ хэд хэдэн киноны туслах дүрд тоглож амжжээ.

3.    Намхан мөртлөө...
Түүний өндөр 170 см, жин нь 74,5 кг. Үргэлж хөдөлгөөнтэй байдаг энэ эрд илүүдэл жингийн тухайд санаа зовох зүйл бага. Махчин загасны сэлүүрээр хийсэн шөл түүний ясны хөлсийг гаргадаг.

4.    Хятадын үндэсний үзэлтэн
Ярилцлага болгондоо би хятад хүн гэж бахархангуй хэлдэг хүн бол Жэки Чан.
“Би хятад хүн, үүнийгээ хэзээ ч мартахгүй. Өнөөдөр Хятад, Солонгос, Япон улам бүр л Америкийн нэг муж шиг болж байгаа нь харамсалтай хэрэг” гэж тэр хэлжээ. Коммунист Хятадын үзэл суртлын зэвсэг болж байна гэж Холливудын зарим сэтгүүлч түүнийг шүүмжилдэг.

5.    Ориг зодоонч
Хүнд хэцүү тулааны хэсгүүдэд тэр орлон тоглогч авах тун дургүй. Тийм ч учраас Жэки Чан хамгийн олон бэртэл гэмтэлтэй жүжигчдийн нэг. “Бурхдын шоглоом” киноны зураг авалтын үеэр 12 метрийн өндрөөс унаж, тархиндаа маш хүнд хагалгаа хийлгэсэн ч зураг авалтаа үргэлжлүүлж байв. Түүнд хугараагүй хуруу, цуураагүй яс бараг үлдээгүй юм.

6.    Нударга, ном хоёр
Жэки Чаны бичсэн номууд муугүй борлодог. “Би Жэки Чан”, “Адал явдлын төлөө амиа алдана”, “Кун фу-гийн тухай бүх зүйлс” зэрэг номууд нь бэстселлер болж байжээ.

7.    Жэкигийн самган
Түүний эхнэр нь Тайваний жүжигчин Линь Фен Жао. Амиа хорлоход бэлэн фэн бүсгүйчүүд болон гэр бүлийнхээ аюулгүй байдлын үүднээс эхнэртэй гэдгээ олон жил нуужээ.

8.    Зүгээргүй ...
1990 оны Азийн мисс Элен Энг хэмээх гоо бүсгүйг жирэмсэн болгосон гэдгээ хүлээн зөвшөөрч, хэвлэлийн бага хурал зарлан эхнэр хүүхдээсээ өршөөл хүсч байв. Өршөөлийг ёсоор болгожээ.

9.    “Архаг” эцэг
Түүнийг маш сайн эцэг гэдэг. Хүү Жэйси Чан нь 26 настай. АНУ-д сурч, амьдарч, бас ааваасаа дутахгүй гэсэн шиг хөгжим зохиож, дуу дуулдаг.

10.    Хэлний бэрхшээл
Тэрээр англиар маш алдаатай ярьдаг. “Миний ярьсныг ойлгож байвал баярлалаа. Ойлгохгүй бол уучлаарай. Энэ бол Жэки Чаны англи хэл” гэж мэдэгдэх хүртлээ цайрчээ.

 ШАНХАЙ ХОТ 20 ЖИЛИЙН ДОТОР ХЭРХЭН ӨӨРЧЛӨГДСӨНИЙГ ХАРЦГААЯ

ХИЧЭЭЛИЙН ШИНЭ ЖИЛИЙН БАЯРЫН МЭНД ХҮРГЭЕ

Жил бүрийн энэ өдөр Монгол Улсын Ерөнхийлөгч Цахиагийн Элбэгдорж Монголын Үндэсний олон нийтийн телевиз, радиогоор теле хичээл заадаг уламжлалынхаа дагуу “Хүн болох багаасаа” сэдэвт хичээлийг цэнхэр дэлгэцээр хүргэлээ. Ерөнхийлөгч 2009 онд “Дэлхийн дулаарал ба Монгол”, 2010 онд “Монголын бахархал”, 2011 онд “Монголын сайхан орноор” зэрэг хичээлүүд зааж, нийт хүүхэд багачууд, сурагчдад эх орныхоо өв их уламжлал, түүх соёлоо дээдэлсэн, байгаль дэлхийгээ хайрласан зөв сайн хүн болон хүмүүжих тухай өөрийн бодлоо хуваалцаж байжээ.
Боловсролын салбарт шинээр томилогдсон сайд Л.Гантөмөр хичээлийн шинэ жилийн нээлтийг МУБИС, Сүхбаатар дүүргийн 2-р сургууль, СЭЗДС-ийн хамт олонтой угтсан бол Улаанбаатар хотын дарга Э.Бат-Үүл Сонгинохайрхан дүүргийн 12-р сургуулийн сурагчидтай 2012-2013 оны хичээлийн шинэ жилийг нээжээ.
Ийнхүү зуны гурван сар нам жим байсан эрдмийн өргөөд хүүхэд, багачуудын дуунд бялхаж, мянга мянга сурагч, оюутан залуус эрдэм мэдлэгийн их замын нэг шатнаа хөл тавилаа.

НАТАША ХАМГИЙН УХААНТАЙ САРМАГЧИН

Уг нь хүн төрөлхтөн оюун ухаантай гэдгээрээ сармагчингаас ялгагддаг хэмээн “томорцгоож” байтал сүүлийн үед үүндээ ч эргэлзэх болсон аж. Африкийн дархан цаазат газраас авчирсан Наташа шимпанзегийн ухаан ч үүнийг баталж байна.

Энэхүү ухаант сармагчин өөртөө ашиг олохын тулд хүмүүст үзүүлбэр үзүүлэн, тэр ч бүү хэл тэнд байгаа хүмүүсийг элэглэж тохуурхдаг аж.

 ГЭНЭТИЙН САНАЛ /Бичлэг/

Серб теннисчин Новак Жоковичийг тоглолтын өмнө бэлтгэл хийж байхад нэгэн жаалхүү "Надтай гэрлэх үү?" хэмээн хашгирчээ. Теннисний томоохон тэмцээний үеэр үзэгчид ийнхүү хашгирдаг нь бараг уламжлал болчихсон зүйл билээ. Харин энэ удаад жаалхүү ингэж хашгирсан нь угаасаа хөгжилтэй зантай Жоковичийг ихэд хөгжөөж, тэрээр хүүг хамтдаа бэтгэл хийхийг урьсан байна. Энэхүү бичлэгийг  танд толилуулья. 

 БИДНИЙ МЭДДЭГ ''ЛАДА'' ТӨРӨЛ АРИЛЖЖЭЭ

 Москвагийн олон улсын авто салонд “ММАС-2012” автомашины үзэсгэлэн нээлтээ хийжээ. Тэнд дэлхийд нэр хүндтэй “Audi”, “Betley”, “BMW”, “Citroen”, “FAW”, “Jaguar”, “LADA”, “Land Rover”, “Mansory”, “Mazda”, “Mersedes Benz”, “Nissan”, “Opel”, “SKODA” зэрэг олон арван брэндийн автомашин тавигдсан байна.
Тэднээс онцгойлбол Оросын “АвтоВаз” үйлдвэрийн “Lada XRay” олны сонирхлыг ихээр татаж байгаа аж. ЗХУ-ын үеийн бидний мэдэх уг автомашин эрс шинэчлэгдсэн байна. Хөдөө хээр явахад тохиромжтой, эдэлгээ сайтай гэдгээрээ алдартай “Лада” жинхэнэ хотын унаа болжээ. Үйлдвэрлэгч компани “Lada XRay” автомашиныг 2015 оноос худалдаанд гаргаж эхлэх аж.

 АВАРГА ХАРХ 2 ХҮҮХДИЙН АМИНД ХҮРЧЭЭ

Өмнөд Африкийн нэгэн жижиг хотод өнгөрсөн 7 хоногт харамсалтай хэрэг гарчээ. Энэ хэргийн гол эзэн нь аварга том биетэй харх аж. Уг аварга харх нь унтаж байсан 3 настай Лунати Двадва хүүг зооглосноос гадна өөр бас нэг охиныг идсэн байна.

Эцэг эх нь ням гарагийн орой ажил хийхээр явсан хойгуур орон дээрээ унтаж байсан 2 настай охиныг харх идсэн байна. Охины гэр бүлийнхэн гэртээ ирэхэд бяцхан охины амьгүй бие нь хүн харахын эцэсгүй зэрэмдэг болжээ. Харх түүний энд тэндээс мэрснээс гадна нүдийг нь ухсан байв.

  Хоёр ч хүүхдийн аминд хүрсэн энэ хархыг барихад энгийн хулганы хэмжээнээс хэд дахин том эгээлтэй л муур шиг биетэй байжээ. Амьтан судлаачдын судалснаар тэрхүү хархыг олсон газар нутагт үүнээс ч том, барагцаалбал 1 метр урттай аварга том харх байж болзошгүй гэнэ. Аварга хархны үүдэн шүд 2,6 см урт байжээ. Нутгийн оршин суугчдын ярьснаар сүүлийн үед гөлөг, муур, нохой зэрэг гэрийн тэжээвэр амьтад харханд бариулсаар цөөрч байгаа аж.

Өнгөрсөн сард мөн 77 настай эмгэн харханд баруун хацраа хазуулснаар шархаа даалгүй амь насаа алдсан байна.

 УБА НЬ МОНГОЛ СТАЙЛ

Бямба, Ням гараг бүр гардаг олон ангит түүхэн "Мүшин" драма дээр , тус улсад дайлаар ирсэн Монголчуудын тухай өгүүлэгдэж байгаа бөгөөд  тус драма-д Монголчуудын дүрийг  бүтээж  байгаа хэсэг жүжигчид дуучин PSY-ийн дуулсан Gangnam Style дууг өөрчлөн  убба нь Монгол стайл хэмээн алиалсан дуугаа өнөөдөр интернэтэд байрлуулжээ.

Тухайн үеийн Монголчуудын дүр төрхийг гаргаж байсан эмэгтэй , эрэгтэй дээрх жүжигчид морь унан давхиж буй Монголчуудыг дууриан бүжиглэж , нөгөө утгаараа марзаганаж  буй энэхүү бичлэгийг үзсэн Солонгос  иргэдийн дийлэнх нь  үнэхээр Монголчууд шиг харагдаж байна , их инээдтэй бас сонирхолтой байна гэж бичицгээж байгаа юм байна...

БАГШИД ӨГСӨН БЭЛЭГ АВИЛГАЛ БОЛОХ НЬ ЭЭ 

“Ерөнхий боловсролын сургууль, цэцэрлэгийн багш нар хүүхдүүдээс бэлэг авдаг явдлыг таслан зогсоох хэрэгтэй” гэж Боловсрол, шинжлэх ухааны сайд Л.Гантөмөр мэдээллээ.

Энэ талаар дорвитой судалгаа хийж, эцэг эхчүүдийн санал гомдлыг харгалзан үзэж тус яамны зүгээс Ерөнхий боловсролын сургуулиудад албан бичиг хүргүүлэхээр болсон байна. Тэрбээр энэ асуудлын тухайд  “Амьдралын бололцоотой айлын хүүхдүүд багшдаа бэлэг өгсөөр байгаад муу занд сургасан байдаг.

Гэтэл тааруухан амьдралтай айлын хүүхдүүд багшдаа бэлэг өгч чаддаггүйгээсээ болоод ад үзэгдэх, сурлагын дүнгээ хасуулах зэрэг ноцтой асуудал байнга гардаг. Тэгэхээр сурагчид нь багшдаа бэлэг барьж гүйхийг бид авлигын суурь гэж үзэж байгаа. Хэрэв үнэхээр бэлэг өгөхөөр шийдсэн бол нэгдсэн журмаар өгч болно гэж тйалбарлажээ.

МОНГОЛ GANGNAM STYLE ИЙН ХУУЛБАРТАЙ БОЛЖ БАЙНА

Дэлхий даяар хит болж, барууны одууд хүртэл дууриах болсон “Ганнам стиль” дуу олон чартыг тэргүүлээд байгаа юм.

Алдарт дуучин Лэди Гагагийн бүжгийн хэмнэл, элемент, хэв маягийг илүү хошин хэлбэрээр дүрсэлснээрээ энэ клип дэлхийн хөгжмийн урлагт цоо шинэ өнгө төрх нэмээд байна.

Тэгвэл “Мөрөөдлийн театр”-ын жүжигчин Г.Алтаншагай “Монгол Ганнам стиль”-ийг тун удахгүй үзэгчид түмэндээ хүргэх гэж байна. Тэрбээр Солонгосын дуучин, реппер Парк Жае Саны “Ганнам стиль” дууг “Уба нь Улаанбаатар style” хэмээн хуулбарлан дуулах аж.

 ЖОРЛОНТОЙ МОТОЦИКЛ /Тайлбаргүй/

ХЯТАД БЭЛЭН ГОЙМОН ҮРГҮЙ БОЛГОДОГ

Манай монголчууд аливаа зүйлд ихээхэн сониуч хүмүүс. Хаана шинэ содон зүйл гарна, түүнийг эдлэж хэрэглэж, амталж үзэхийг хүснэ.

Одоо цагт бүх юм нээлттэй болсон учир хуучны хэллэг болох ногоон хурганы арьс гээчийг ч олохоор болсон. Ардчилсан нийгэм гарснаас хойш монголчуудын амьдралд багагүй өөрчлөлт орж, гадаадын дотоодын олон янзын бараа бүтээгдэхүүнийг бид хэрэглэх болжээ. Гэвч бид хөрш зэргэлдээ 2 улсаас л ихэнх бараа бүтээгдэхүүнээ оруулж ирдэг. Тодотговол Хятад улсаас бидний хэрэглэдэг ихэнх хүнсний бүтээгдэхүүн орж ирдэг гэж хэлэхэд хилсдэхгүй.

Энэ бүх зүйлээс сайн ч зүйл байна саар ч байна. Сүүлийн үед интернэт сайтаар манайхны өргөнөөр хэрэглэдэг бэлэн гоймон гээчийн талаар нэг зурагт мэдээлэл тарах болсон бөгөөд энэ нь эрчүүдийг үргүй болгоно гэсэн зурагт ухуулга байв. Хятадын гэх тодотголтой бэлэн гоймонг аль эртнээс л чанаргүй муу гэдгийг нь мэдээлсээр байтал хүмүүс харин хэрэглэсээр л. Энэ бүгдээс өөрийн байр сууриас дүгнэлт хийхэд, хүн амаа яаая гэж байгаа Хятад улс энэ мэт аргаар хүн амын бодлогоо хязгаарлан эрчүүдээ үргүй болгож магадгүй ч юм уу.

Уг нь бэлэн гоймон гээчийг нь аль 5 дугаар сард Нийслэлийн МХЕГ-аас явуулсан шалгалтаар худалдахыг хориглосон аж. Тухан үеийн шалгалтаар манай улсад түгээмэл худалдаалагддаг 250 төгрөгийн Даху ван гоймонгоос эхлээд ихэнх хятад бэлэн гоймон хүний биед хавдар үүсгэдэг олон төрлийн хортой бодисууд агуулсан болохыг тогтоосон байна.
Хамгийн аймшигтай нь эдгээр бэлэн гоймонгийн орц найрлагад хүнсний бус, химийн гаралтай төрөл бүрийн бүтээгдэхүүнийг орлуулан ашигладаг болох нь илэрчээ.

Энэ мэт сөрөг мэдээллийг тараадаг боловч бодит амьдрал дээр 15 настай хүүхэд хятад бэлэн гоймонд хордон нас барсан тохиолдол гарч байжээ.  Түүнчлэн 4-р сард мөн 5 настай хүү мөн л хятад гоймонд хордон СБД-ийн эмнэлэгт хүргэгдэж байсан аж.

Мууг нь мэдсээр байж бид өөрсдөө ч хэрэглээд, ашиг орлого олохоор наймаачид ч бэлэн гоймонгоо нааш нь оруулж ирсээр л байх юм. Хортой гэх энэ бүтээгдэхүүнийг хүүхэд залуусын дунд ихээхэн хэрэглэдэг. Үүнээс гадна эцэг, эхчүүд ч цаг завгүй ажлын улмаас хүүхдийнхээ эрүүл хоололтод анхаарал тавихгүй байгаа нь байдлыг улам даамжируулж байна.

Үнэхээр л хор хөнөөлтэй нь тодорхой болсон бэлэн гоймонгоос татгалзан үр хүүхдийнхээ эрүүл мэндэд анхаарах цаг болсон бололтой.

''ПАРАОЛИМП-2012'' НЭЭЛТЭЭ ХИЙЛЭЭ

Паралимпийн зуны XIV наадам Лондон хотноо Улаанбаатарын цагаар 04.30 цагт нээлтээ хийлээ. Энэ удаагийн тэмцээнд дэлхийн 166 улсын 4200 тамирчин спортын 20 төрлөөр 503 медалийн төлөө хүч үзэх юм.

Бээжингийн паралимпийн тэмцээнд 148 улсын 3800 гаруй тамирчин оролцжээ. Тухайн үед Хятадын шигшээ баг 89 алт, 70 мөнгөн, 52 хүрэл нийт 211 медаль хүртэж тэргүүлсэн бол Их Британийн шигшээ баг 42 алт, 29 мөнгө, 31 хүрэл медальтайгаар хоёрдугаарт бичигдсэн бол тэдний араас АНУ-ын шигшээ баг 36 алт, 35 мөнгө, 28 хүрэл медальтайгаар бичигдсэн байна.
Лондоны паралимпийн тэмцээнд зохион байгуулагч Их Британийн шигшээ баг 288 гишүүнтэйгээр хамгийн олон тамирчин оролцуулж байна. Тэдний араас БНХАУ 282, АНУ 216, Бразил 189, ОХУ 183 тамирчны бүрэлдэхүүнтэй аж.
Монгол Улсаас паралимпийн буудлагын төрөлд Ц.Лхамсүрэн, жүдо бөхөд Д.Ганбат, А.Мөнхбат, байт харваанд Б.Жавзмаа, Б.Оюун-Эрдэнэ, хөнгөн атлетикт Ч.Мөнх-Эрдэнэ нар оролцох юм. Манай улс Сиднейн паралимпоос оролцож эхэлсэн түүхтэй. 2008 онд Бээжингийн паралимпийн тэмцээний байт харвааны төрөлд өрсөлдсөн Д.Баатаржав улсынхаа паралимпийн түүхэнд анхны, тэр дундаа анхны алтан медалийг хүртсэн юм. Түүний зүтгэлийг үнэлж Хөдөлмөрийн баатар, Монгол Улсын гавьяат тамирчин цол олгосон билээ.
Лондон хотын дарга Борис Жонсоны ярьснаар паралимпийн үеэр аюулгүй байдал зууны XXX олимпийн тэмцээнээс дутахааргүй байх аж. Гэхдээ хамгаалалтын албаныхныг үзэгчдэд болоод тамирчдад таагүй сэтгэгдэл төрүүлэхгүйн тулд илүү энгийн бөгөөд нууц байдалд шилжүүлсэн гэнэ.
Лондоны зуны XXX олимпийн зардал 9.3 тэрбум фунт стерлингийн зардлаасаа хэтэрч 13 тэрбум фунт стерлингт хүрсэн гэж зарим хэвлэлд бичиж байгаа. Ямартай ч зохион байгуулах хорооныхонд паралимпийн тэмцээнд 400 сая фунт стерлинг төсөвлөсөн юм. Гэхдээ хандивлагч компани, хувь хүмүүс 245 сая фунт стерлинг нэмэлтээр олгогдох аж. Паралимпийн 1.5 сая тасалбар хэвлэсэн. Эдгээр тасалбарыг дунджаар 375-400 фунт стерлингийн үнэтэйгээр худалдаалж байгаа аж.

 ХҮНИЙГ УНТАЖ БАЙХАД ГАРЧ БАЙГАА ДУУ ЧИМЭЭ, ҮНЭР ААШ ЗАНД НӨЛӨӨЛДӨГ ГЭНЭЭ

Израилийн Реховотхотын Вэйзманн шинжлэх ухааны хүрээлэнгээс явуулсан судалгаагаар хүн унтаж байхад орчны дуу чимээ, үнэр тухайн хүний ааш занд нөлөөлдөгийг тогтоожээ.
Тус хүрээлэнгийн захирал Анат Арзи болон түүний багийн хэсэг эрдэмтэн эрүүл чийрэг биетэй 55 оюутныг судалгаандаа хамруулсан байна. Оюутнуудыг тухлаг таатай үнэртэй орчинд сонгодог хөгжим тавьж унтуулжээ. Судлаачид туршилтыг долоо хоног явуулсны дараа оюутнуудын сэтгэл санаа өөдрөг, ааш зан нь тайван болсныг тогтоосон аж.
Харин муухай үнэртэй, шуугиантай орчинд унтаж амарсан оюутнуудын сэтгэл санаа, зан ааш  эсрэгээрээ байжээ. Анат Арзи “Хүн загасны мах, элдэв шампунь, өмхийрсэн үнэр болон шуугиантай орчинд унтаж амарч болдог. Гэхдээ энэ нь сэтгэл санааны байдлыг эрс өөрчилдөг. Удаан хугацаанд ийм орчинд унтсан хүн зэрлэгшиж ч болдог” гэжээ.
Мөн тэрбээр “Хүний нүднээс сайхан амарсан үгүйг мэдэхэд хангалттай. Үргэлж таатай орчинд амардаг хүний нүдний өнгө хурц тод, өө сэвгүй гэж хэлж болно. Мөн хараа сайтай байдаг. Тэгэхээр их хотын оршин суугчид чимээ багатай, сайхан үнэртэй орчинд унтаж амрахыг илүүд үзэх хэрэгтэй. Ийм орчныг хүн бүр гэртээ бүрдүүлж болдог” гэв.
Хүүхдийг унтаж байхад сонгодог хөгжим эгшиглүүлэх нь тэднийг ирээдүйд ямар ааш зантай хүн болж төлөвшүүлэхэд чухал үүрэг гүйцэтгэдэг болохыг эрдэмтэд тогтоосон байдаг. Нас биед хүрсэн хүн дээрх аргыг хэрэглэж өөрчлөгдөж болохыг Израилийн эрдэмтэд тогтоожээ.

 ХЯТАДУУД ИРГЭДИЙН ГАЗРЫГ ИХЭЭР ХУДАЛДАН АВЧ ЭХЭЛЖ БАЙНА 

“Хятад иргэд айлуудын газрыг нэг сая төгрөгөөр авах санал тавьж, хашаа хатган ямар нэгэн барилга барих гэж байна” гэх мэдээллийн дагуу Сонгинохайрхан дүүргийн XXVI хороог зорилоо.

Уулын энгэрт жалга дагасан 500 шахам өрх бий дээ гэсэн тул юутай ч уул руугаа дөхье гэж бодож явсаар бараг л олоод оччихжээ. Ойрын их усан борооноос тогтсон шавар, намаг дунд халтирч, будилж явсаар Үерийн гудамжны 140 дүгээр хашаанд ирлээ. Банзаар шахаж барьсан нэлээд том хашааны хаалгыг дарсан төмөр чингэлэг үзэгдэв. Дотор нь барилгын материал буулгажээ.
Өсвөр насны болов уу гэмээр 4-5 хүүхэд хашааны тэг дунд буулгасан барилгын материалын цаана, наагуур бүртэлзэж овоолсон тоосго, мод өрж байгаа бололтой тонголзоно. Иргэдээс ирсэн мэдээллийн үнэн мөнийг лавлах хүн харагдсангүй. Манаачийнх нь болов уу гэмээр ганц гэрийн хаалга онголзож 40 хүрч байгаа болов уу гэмээр эмэгтэй хаалгаар хараачлан байснаа “ямар хүн үүгээр эргэлдээд байна вэ” гэсэн шиг хэсэг харж зогссоноо намайг зүглэв.

Ядруухан төрхтэй, хувцас хунар гэж авах юмгүй тэр хүн том хар шил зүүжээ. “Бурхан минь энэ эмэгтэй архи уудаг юм байна шүү дээ. Лав нэг нүд нь юм хардаггүй бололтой” гэх бодол өөрийн эрхгүй төрөв. Ингээд бидний дунд дараах яриа өрнөсөн юм. “Сайхан намаржиж байна уу та. Энэ ямар компанийн эзэмшлийн хашаа вэ. Айлуудаас хашааных нь газрыг үнэлж авна гэсэн байх юм. Чухам хэдэн төгрөгөөр авах санал тавьж байгаа юм бол” гэх асуултад авгай жаахан гайхаж эргэлзсэнээ толгой сэгсрэв.

Түүний энэ байдал, төрхнөөс “Танихгүй хүнд хэлэх үг алга” гэх товчхон хариулт өгч байгааг мэдэрлээ. Ингээд асуултаа арай багасгав. “танай гэр энэ мөн үү. Тэр ажил хийгээд байгаа хэд танай хүүхдүүд үү” гэвэл авгай газар сууж тухлаад “Би гурван хүүхэдтэй. Нэг муу залуутайгаа л одоо амьдарч байна. Энэ манай хашаа байсан юм. Эгч нь гэрээ хашааныхаа гадна гаргаад барьчихсан. Манай хашааны газрыг надаас худалдаж авсан. Компанийнх нь нэрийг мэддэггүй юм. Их ээ олон хятад хүн нэг юмны агуулах бололтой зүйл барих гэж байгаа юм. Энэ хэсгийн айлууд гэж дандаа хөдөөнөөс шахуу ирсэн ядарсан, ажилгүй иргэд байдаг юм. Энэ компанийнхан том хүнийг нь өдрийн 30, хүүхэд бол өдрийн 15 мянгаар цалинжуулж ажиллуулдаг. Нийт 30 гаруй ажилчинтай” гэлээ.

Биднийг ийн ярилцаж байх зуурт тор дүүрэн бидний нэрлэдгээр “Дан ху ван” гэх улаан ууттай хятад бэлэн гоймон тэвэрсэн хоёр ч хүү хашаа руу орлоо. Ажилчид нь хоол ундаа өөрсдөө зохицуулдаг бололтой. Ус байхгүй, цайнд дэвтээгээд идчих үү хэмээн хоорондоо яриад цааш яваад орчихов.

Гэр хорооллыг хэрхэн хөгжүүлэх вэ?

Ер нь энэ хэсгийн айлуудад ус болоод тог цахилгааны асуудал их гэнэ. Зарим үед хэдэн ч хоногоор тог тасарч мэдэх учраас дэлгүүр мухлагуудад нь лааны наймаа ихээхэн эрэлттэй гэж байна. Энэ хэсэгт нэг сайхан булаг урсдаг байснаа жилийн өмнөөс ширгэж булаг урсаж байсан гэх ямар ч ул мөргүй болжээ. Сая орсон их борооноор эндхийн айлууд ёстой л гэртээ “түгжигджээ”.
Учир нь машин бүү хэл хүн явахын эцэсгүй намаг, шалбааг бий болсон нь ёстой л цаашаа ч үгүй наашаа ч үгүй болгожээ. Уулнаас буух үерийн голомт дээр амьдарсаар л байгаа эдгээр айлуудад шинэ бүрэлдсэн төр засгаас хүсэх юм даанч их юм. Энд суурьшаад зургаан жил болж байгаа ч газраа өмчилж авч чадахгүй байна гэх гомдлын үг хэлэх ч өндөр настантай таарлаа. Таван минут биш юм аа гэхэд 30 минутын зайтай явдаг ч микро болон том оврын автобус энд алга. Хичээлийн шинэ жил “хаалганы” цаана тулчихаад байхад намаг шалбааг туучсаар сургууль, цэцэрлэгтээ хүрэх гэр хорооллын хүүхэд багачуудын ядруухан тавиланг хэрхэх вэ.
Хотын төвдөө багшралдан барилга байшингаа нар үзэх зайгүй давхарлаад л бариад байхаар хотын захын гэр хороолол руу энэ бүх хот төлөвлөлтийг хандуулбал яасан юм бэ. Ядаж л өндөр өндөр барилга дагасан олигтой томхон дэлгүүр, үйлчилгээний төв, такси, автобусны буудалтай болог. Түлээ, нүүрсээ хар замаар биш юм аа гэхэд аятайхан зассан замаар хүргэх боломж ч алга. Машин бүү хэл хүн явахад хэцүүхэн намаг шалбааг дунд зурайх үхрийн жим шиг замаар л ихэд анхааралтай явах боломжтой. Усан бороотой өдөр бол татсан утсан дээгүүр явах мэт сэтгэгдэл төрнө.

 ШОУДАХ ӨДӨР НЭМЭГДЖЭЭ

“…Өнөөдөр баасан гараг, шоудахад таарсан өдөр…” хэмээн залуучууд долоо хоногийн нэг өдрийг дэгжин хувцсаараа гангарч, баарны неон гэрэлд “балай авдаг” байсан бол нэгэн журмаас үүдэлтэй сард нэлээд хэд хоног шоуддаг болж байгаа гэсэн яриа чих дэлслээ.

ЕСДҮГЭЭР САРД ЦОЧИР ХҮЙТЭРНЭ

БaРУУН ЗҮГИЙН НУТАГ

Нэгдүгээр арав хоногийн эхэн болон сүүлч, хоёрдугаар арав хоногийн эхний хагаст Хангайн уулархаг нутгаар шөнөдөө 0-5 градус хүйтэн, өдөртөө 12-17 градус дулаан, Их нууруудын хотгор, Алтайн өвөр говиор шөнөдөө 11-16, өдөртөө 23-28 градус дулаан, бусад нутгаар шөнөдөө 3-8, өдөртөө 18-23 градус дулаан байна. Харин нэгдүгээр арав хоногийн дунд үеэр ихэнх нутгаар сэрүүснэ. Хоёр ба гурав­дугаар арав хоногийн дунд үе болон сүүлчээр хүйтэрч Алтай, Хангайн уулархаг нутгаар шөнө­дөө 8-13 градус хүйтэн, өдөртөө 3-8 градус дулаан, Алтайн өвөр говиор шөнөдөө 5-10, өдөртөө 15-20 градус дулаан, бусад нутгаар шөнөдөө 1 градус дулаанаас 4 градус хүйтэн цочир хүйтрэх ба өдөртөө 6-11 градус дулаан байна. Бусад хугацаанд Хангайн уулархаг нутгаар шөнөдөө 5-10 градус хүй­тэн, өдөртөө 7-12 градус дулаан, Алтайн өвөр говиор шөнөдөө 9-14, өдөртөө 20-25 градус дулаан, бусад нутгаар шөнөдөө 0-5, хөрсөн дээр цочир хүйтэрнэ, өдөртөө 13-18 градус дулаан байна.

Нэгдүгээр арав хоногийн эхээр нутгийн хойд хэсгээр, дунд үеэр нь ихэнх нутгаар бороо, уулархаг нутгаар хур тунадас орно. Хоёр ба гуравдугаар арав хоногийн дунд үеэр ихэнх нутгаар, гуравдугаар арав хоногийн эхээр нутгийн зарим газраар хур тунадас, уулархаг нутгаар нойтон цас орно.

ТӨВИЙН НУТАГ

Нэгдүгээр арав хоногийн эхэн болон сүүлч, хоёрдугаар арав хоногийн эхээр Хангай, Хөвс­гөлийн уулархаг нутгаар шөнөдөө 3 градус дулаанаас 2 градус хүйтэн, өдөртөө 15-20 градус дулаан, бусад нутгаар шөнөдөө 5-10, өдөртөө 23-28 градус дулаан байна. Харин нэгдүгээр арав хоногийн дунд үе, хоёрдугаар арав хоногийн дунд үе болон эцсээр сэрүүсч Дархадын хотгор болон Хангай, Хөвсгөлийн уулархаг нутгаар шөнөдөө 2-7 градус хүйтэн, өдөртөө 5-10 градус дулаан, бусад нутгаар шөнөдөө 3 градус дулаанаас 2 градус хүйтэн, цочир хүйтрэх ба өдөртөө 8-13 градус дулаан байна. Гуравдугаар арав хоногийн дунд үе ба эцсээр хүйтэрч Хангай, Хөвсгөлийн уулархаг нутгаар шөнөдөө 5-10 градус хүйтэн өдөртөө 0-5 градус дулаан, бусад нутгаар шөнөдөө 0-5 градус хүйтэн, өдөртөө 5-10 градус дулаан байна. Бусад хугацаанд Хангай, Хөвсгөлийн уулархаг нутгаар шөнөдөө 1-6 градус хүйтэн, өдөртөө 12-17 градус дулаан, бусад нутгаар шөнөдөө 1-6, өдөртөө 17-22 градус дулаан байна.

Нэгдүгээр арав хоногийн дунд үеэр зарим газраар, хоёрдугаар арав хоногийн дунд үеэр нутгийн хойд хэсгээр их төлөв бороо, уулархаг нутгаар хур тунадас орно. Харин хоёрдугаар арав хоногийн сүүлч, гуравдугаар арав хоногийн дунд үе ба сүүлчээр ихэнх нутгаар хур тунадас, уулархаг нутгаар нойтон цас орох төлөвтэй. Энэ үеүдэд салхи нутгийн өмнөд хэсгээр 12-14 м/с, ялангуяа хоёрдугаар арав хоногийн сүүлч, гуравдугаар арав хоногийн дунд үе ба эцсээр зарим газраар 16-18 м/с хүртэл ширүүсч шороон шуурга шуурах төлөвтэй.

ЗҮҮН ЗҮГИЙН НУТАГ

Нэгдүгээр арав хоногийн эхэн болон сүүлч, хоёрдугаар арав хоногийн эхний хагаст шөнөдөө нутгийн хойд хэсгээр 3-8, бусад нутгаар 7-12, өдөртөө ихэнх нут­гаар 23-28 градус дулаан байна. Харин нэгдүгээр арав хоногийн дунд үе, хоёрдугаар арав хоногийн дунд үе болон эцсээр сэрүүсч Хэнтэйн уулархаг нутгаар шөнөдөө 0-5 градус хүйтэн цочир хүйтрэх ба өдөртөө 7-12 градус дулаан, бусад нутгаар шөнөдөө 1-6, өдөртөө 11-16 градус дулаан байна. Гурав­дугаар арав хоногийн дунд үе ба сүүлчээр шөнөдөө нутгийн хойд хэсгээр 4-9 градус хүйтэн, өдөртөө 1-6 градус дулаан, бусад нутгаар шөнөдөө 2 градус дулаанаас 3 градус хүйтэн цочир хүйтэрнэ, өдөртөө 6-11 градус дулаан байна. Бусад хугацаанд нутгийн хойд хэсгээр шөнөдөө 4 градус дулаа­наас 1 градус хүйтэн, өдөртөө 13-18 градус дулаан, бусад нутгаар шөнөдөө 3-8, өдөртөө 17-22 градус дулаан байна.

Энэ сард орох хур тунадасны хэмжээ нэг ба хоёрдугаар арав хоногийн эхэн ба дунд үеэр зарим газраар дуу цахилгаантай бороо орно. Харин хоёрдугаар арав хоногийн сүүлчээр ихэнх нутгаар, гуравдугаар арав хоногийн эхэн ба дунд үеэр нутгийн зарим газраар хур тунадас, Хэнтэйн уулархаг нутгаар нойтон цас орох төлөвтэй. Дээрх үеүдэд ихэнх нутгаар салхи 12-14 м/с хүрч ширүүсэх ба ялан­гуяа нэг ба хоёрдугаар арав хоно­гийн дунд үе ба сүүлч, гуравдугаар арав хоногийн эхэн ба дунд үеэр зарим газраар 18-20 м/с хүрч ширүүсэн шороон шуурга шуурах төлөвтэй.

ГОВИЙН НУТАГ

Нэгдүгээр арав хоногийн ихэнх хугацаанд болон хоёрдугаар арав хоногийн эхний хагаст ихэнх нутгаар шөнөдөө 10-15, өдөртөө 24-29 градус дулаан байна. Харин нэгдүгээр арав хоногийн дунд үеэр сэрүүсч нутгийн хойд хэсгээр шөнө­дөө 0-5 градус дулаан, хөрсөн дээр хасах 2 градус хүрч сулхан цочир хүйтрэх төлөвтэй, өдөртөө 10-15 градус дулаан, бусад нутгаар шөнөдөө 3-8, өдөртөө 14-19 градус дулаан байна. Хоёрдугаар арав хоногийн сүүлч болон гуравдугаар арав хоногийн дунд үе болон эцсээр эрс сэрүүсч Дундговийн нутгаар шөнөдөө 2 градус дулаа­наас 3 градус хүйтэн, цочир хүйтрэх ба өдөртөө 5-10 градус дулаан, бусад нутгаар шөнөдөө 1-6, өдөр­төө 10-15 градус дулаан байна. Бусад хугацаанд ихэнх нутгаар шөнөдөө 6-11, өдөртөө 18-23 градус дулаан байна.a

 ГАДААД ИРГЭДИЙН КВОТЫН ТОО ЦӨӨРӨВ

Гадаадын иргэн, харьяатын албанаас өнгөрсөн жил гаргасан тоон мэдээллээс харахад манай улсад 71 улсын 20 гаруй мянган иргэн ажиллаж, амьдардаг аж.

 ХҮНИЙГ ГАДААД ТӨРХӨӨР НЬ ХЭРХЭН ШИНЖИХ ВЭ?

Ам

Амны том жижгээс мөн хүний авхаалж самбаа, зориг тэвчээр шалтгаалдаг. Арчаагүй, дорой, үлбэгэр хүмүүс жижигхэн амтай байдаг. Өөрийн мөн чанараа нууж явдаг “дугтуйтай хүнийг” жимийсэн амаар нь таньж болно. Зөв хэлбэртэй, дунд зэргийн хэмжээний уруултай хүнтэй нөхөрлөвөл та түүний зүгээс шудрага бус үйлдэлтэй учрахгүй. Бүтэлгүй дурлалууд эмэгтэй хүний дээд уруул дээр үрчлээс үүсгэдэг. Түүнчлэн нөхөртөө хууртаж явсан эмэгтэйн уруул дээр ийм зураас гардаг. Хөгжилтэй хөнгөн хүний уруулын өнцөг өргөгдсөн байдаг. Гэхдээ тэд муу эцэг эх, тааруухан эхнэр нөхөр юм. Харин доош унжсан мэт уруултай хүн хэдийгээр бусдыг өрөвдөх, бусдад өрөвдүүлэх дуртай ч гэсэн гэр бүлийн тогтвортой гишүүн болдог. Зузаан, хэлбэр дүрсгүй уруултай хүмүүс голдуу ховдог, шунахай, залхуу, юу ч хийх чадваргүй байдаг. Өрөвдөх сэтгэлгүй хүнийг даравгар дээд уруулаар нь мэдэж болдог. Гэмт хэрэгтнүүд дунд ийм уруултан олон. Бэлгийн сулрал, хөрөлттэй хүнийг жимийсэн доод уруул нь илчилж өгнө. Дээд уруул нь доод уруулаасаа илүү гарсан бол шийдэмгий бус хүний шинж. Эсрэгээрээ байвал таны өмнө жинхэнэ хувиа хичээгч зогсож байна гэдгийг мэдтүгэй!

Одоо хүн яаж инээж байгааг ажиглая. Амаа таглаж инээдэг хүн ичимтгий, биеэ хэт хянаж өөртөө хэтэрхий шүүмжлэлтэй ханддаг. Ичимтгий, хөнгөн хүн толгойгоо гэдийлгэж инээнэ. Мөрөөдөмтгий хүмүүс инээхдээ толгойгоо гараараа түшдэг. Сэтгэлийн хөдөлгөөнтэй хүн чанга чанга инээдэг. Хэрэв инээхэд хамар нь үрчийдэг бол хаврын тэнгэр шиг хувирамтгай хүн гэж ойлгохолд ташаарахгүй.

Чих

Чихний дээд ирмэг хөмсөгнөөсөө илүү гарч байвал маш байн сэтгэхүйтэй гэсэн үг. Хэрэв хөмсөгтэйгөө нэг түвшинд байвал сэтгэхүй дунд зэрэг байгааг илтгэнэ. Харин доор байвал тэнэг хүний “гэрчилгээ” юм. Том босоо эсвэл дэлдэн чих хөгжмийн авъяастайг илэрхийлдэг. Бас шар үстэй бол ирээдүйн “Моцарт” байж магадгүй. Жижигхэн, зузаан чихтэй хүнд хөгжмийн авъяас байдаггүй. Мөн ийм чихтэй хүн худалч хуурмаг, өшөө хонзон өвөрлөдөг. Ер нь зузаан чихтэй хүн бүдүүлэг, хязгаарлагдмал оюунтай байдгийг анхаарахтун. Чонон чихтэй /дээд талаараа шовх/ хүн голдуу харгис хэрцгий авир гаргадаг. Чихний гэдэс их учиртай. Гэдэс багатай чихтнүүд бусдаасаа эелдэг, боловсон зан харьцаагаараа ялгардаг. Гэхдээ шаардлагатай үед тэд ган шиг хатуу, төмөр шиг бөх байдаг. Чихний гэдэс уртсах тусам хүн удаан амьдардаг. Тийм хүмүүсийг дорно дахины оронд эрдэмтэн мэргэд гэж хүндэлдэг. Чихний хэвийн өнгө бол ягаан . Чих шар юмуу хөх туяатай бол өвчин эмгэгийн шинж тэмдэг. Чих хичнээн хатуу байна эрүүл мэнд төчнөөн сайн байна.

Эрүү

Хатуужил тэвчээртэй хүмүүс том эрүүтэй байдаг. Тиймээс ч тэд бусадтай зовлон зүдгүүрээ хуваалцах дургүй. Хэрэв том эрүү Карлсоны хамартай хослож байвал зөрүүд, гөжүүд, дураараа зангийн тод илрэл. Үнэг шиг нарийн эрүүтэй хүн юуны өмнө өөрийн ашиг сонирхлыг эрхэмлэдэг. Ямагт аюул заналтай тулгардаг хүмүүсийн эрүү урагшаа түрсэн байдаг. Давхар эрүүтэй хүмүүст орчин тойрныхны анхаарал халамж дутагддаг. Шовхдуу эрүү, жимийсэн уруул, шонхор хамар хослож байвал хүн бүхнийг сургах гэж оролддог хэнхэг хүний таних тэмдэг. Харин эрүүн дээрээ хонхорхойтой хүн салхи шиг тогтворгүй, түүний ямар үйлдэл хийхийг та хэзээ ч урьдчилан тааж чадахгүй.

Өргөн магнай саруул ухаан, зохион байгуулах ховор авъяасыг гэрчилдэг. Жижиг духтай хүн бурхан шашинд сүсэглэдэггүй, ариун нандин шүтээнгүй, ёс суртахууныг умартсан байх нь элбэг. Хавтгай дух сэтгэлийн тэнхээгүй хүний шинж болно. Харин горим сахисан дуулгавартай хүний дух дээд хэсгээрээ товгор байх нь олон.

Энэ бүхний эцэст “Бурхан тэнгэр биеийг бүтээдгээс сэтгэлийг бүтээдэггүй. Хүн бол сав. Зөвхөн түүнийг юугаар дүүргэх вэ гэдэг нь чухал юм” гэсэн нэгэн эрдэмтний үгийг зориуд хэлье. Чонон чихтэй атлаа сайхан сэтгэлтэй, шантгар хамартай боловч найдаж болмоор, жижигхэн хар нүдтэй мөртлөө хоёр үг холбож чаддаггүй хүн алийг тэр гэхэв. Тиймээс хүнтэй танилцахдаа нүднээсээ гадна сэтгэлдээ итгээрэй.

Өнөөдрийн Япончуудын эмгэнэл ирээдүйн Монголчуудад давтагдах ёсгүй

Японы Осакагийн их сургуулийн багш, монголч эрдэмтэн дэд профессор, хатагтай Имаока Риоко гуайтай уулзлаа

Ш.П-Монголчууд бидэнд нилээд эртний танил болсныг тань 90-ээд оны үед гарч байсан “Говьд өвөлжиж буй Япон бүсгүй” телевизийн сурвалжлагаас анх олж харснаа санаж байна. Түүнээс хойш бараг хорин жил өнгөрчихжээ. Өөрийгөө манай уншигчдад товчхон танилцуулахгүй юу? Одоо ямар ажлаар Монголд ирээд байна?

И.Р-Тиймээ, би анх Монголд 1989 онд Монголчууд та бүхний эртний танил профессор Онуки багштайгаа Монголд ирж Өвөрхангай, Баянхонгор, Говь-Алтай, Завхан, Өмнөговь, Булган зэрэг аймгуудаар явж тэр үеийн ХААНэгдлийн гишүүд малчдын нийгмийн асуудлыг судалж байсан юм. 1990 оноос хойш Баянхонгор аймгийн Богд суманд нэг айлын туслах малчнаар жил гаруйтай ажиллах үед сурвалжлагчид очиж байсан юм. Ингэж амьдралын төөргөөр ч гэхүү дээ Монголчуудтай хувь заяагаа холбосноос хойш нэг л мэдэхэд 20 гаруй жил болчихсон байна шүү. Өнөөдөр Осакагийн их сургуульд Монгол судлалын чиглэлээр ажиллаж байгаа, бас монгол нөхөртэй болсон. /Инээв/. Би ер нь Монголд байнга ирдэг л дээ. Энэ удаа Олон улсын Монголч эрдэмтэдийн их хуралд илтгэл тавих бас хэдэн оюутнуудтайгаа Хөвсгөл, Баянхонгор аймагт очиж дадлага хийхээр ирээд байна. Мөн үүнээс гадна Монголд цөмийн хаягдлыг булшлах гэрээ хэлцэл хийхээр танай хэсэг бүлэг улс төрчид ихээхэн шаргуу хөөцөлдөж байгааг өнгөрсөн жилээс сонссон юм. Ингээд манай улсад цөмийн станц ажиллаж байгаа газрын иргэд болон цөмийн физикийн мэргэжилтнүүд, эрдэмтэдтэй уулзан ихээхэн сэтгэл түгшиж энэ талаар миний дотнын нөхөд жирийн монголчуудтай санаа бодлоо хуваалцах бодолтой байгаа. (“Майничи” сонины сүүлийн дугаар үзүүлэв).

-Таны “UBS” телевизэд өгсөн ярилцлагаас сонсоход өнөөдөр Японд тухайлбал Фукишимагийн орчимд байдал сайнгүй байгаа юм аа даа.

-Тиймээ, тэнд байдал тун хүнд байгаа шүү. /“DAYS JAPAN” №8 сэтгүүл дээр тавигдсан нийтлэл болон газрын зураг үзүүлэн тайлбарлав/. Энэ орчимд хоёр сая гаруй хүн амьдардаг юм. Чернобылийн ослын үед хуучин ЗХУ-ын засгийн газар бүх хүмүүсийг осол болсон газраас хүчээр нүүлгэн шилжүүлж байсан. Харин манай Японд өнөөдөр энэ олон хүнийг цацрагийн идэвхшилтэй бүсээс нүүлгэн шилжүүлэх үнэхээр боломжгүй гэж засгийн газар үзэж байгаа бололтой.. 12 сая хүнтэй Токиогийн дүүрэг ч цацрагт идэвхт бодисд хордож эхэлж байгааг иргэд ойлгосон. Цөмийн эрчим хүчийг ашиглахдаа ямар ч аюул, хөнөөлгүй технологи хэрэглэж байгаа талаар бидний тархийг засгийн газар олон жил угаасандаа. Гэтэл саяын ослын дараа Фукушимагийн энэ 1, 2-р станцад 1973 оноос буюу байгуулагдаж эхэлсэн өдрөөсөө эхлэн 140 гаруй удаа осол доголдол гарч байсан талаар энэ нийтлэлд он цагийн дарааллаар нь нийтэд гаргаж тавьсныг та харж байна. Тэнд одоо ажиллаж буй хэдэн робот цацрагийн тархалтын зураг авах ажил л хийж чадаж байна. Өөр ямар ч ажил үүрэг хийх чадваргүй байгаа учраас ослын газар очиж ажиллах хүн хүчний шаардлага өнөөдөр тун өндөр байна. Өдөрт 15-хан минут ажиллуулаад 20000 иен /300 гаруй гаруй мянган төгрөг/ өгье гэсэн ч ажиллах хүн ховор байна. Одоо хоног хугацаа өнгөрөх тусам цацрагт идэвхт бодис тархсан бүсэд амьдарч байгаа хүмүүсийн дунд ямар өвчин үүсэж эхлэхийг хэн тааж мэдэх юм бэ. Тэр тусмаа ирээдүйн үр хүүхдүүдийн маань хувь заяа тун бүрхэг. Ийм нөхцөл байдлыг цөмийн энерги ашиглалтаараа тэргүүлдэг гэгдэх Америкийн технологиор баригдсан АЦСтанцад гарсан ноцтой аюул Япон улсад үүсгэчихээд байхад Монголын зарим улс төрчид Америк, Японтой хамтран цөмийн хаягдал булшлах байгууламжийг Монголд барих талаар ярьж байгааг сонсоод би үнэхээр гайхаж байна
-Танай Япон улс АЦСтанцаас гарч байгаа хаягдлынхаа асуудлыг ер нь яаж шийдсэн байдаг вэ?

-Японд одоохондоо хоёр газар цөмийн хаягдлыг хадгалах агуулах туршилтын журмаар баригдаж байгаа л даа. Гэхдээ үүнийг нь орон нутгийн иргэд маш хүчтэй эсэргүүцэж байгаа учраас засгийн газар одоо нилээд хүнд байдалд орчихоод байна.

-Монголд уран олборлох, баяжуулах, мөн анхны атомын цахилгаан станцыг 2017 оноос Монголд барьж байгуулах талаар саяхан Улаанбаатарт семинар болж Японы судлаачид сургалт явуулсан талаар та бодвол сонссон байх л даа?

-Тиймээ сонссон, Та бүхэн харин ч үүний эсрэг сургалт сурталчилгаа, хэлэлцүүлгийг олон нийтийн дунд хүчтэй явуулах хэрэгтэй болов уу гэж бодож байна. Би Осакагийн их сургуулийн физикч профессоруудтай уулзаж ярилцахад тэд Монголд атомын цахилгаан станц барих ямар ч боломжгүйг дараах байдлаар тайлбарлаж байсан юм. Нэгдүгээрт, Японд жилд 2000мм хур тундас ордог хирнээ гадаргын болоод гүний усны нөөц хүрдэггүй учраас нэг АЦС-ийн цөмийн реакторыг байнга хөргөхийн тулд далайгаас секунд тутамд долоон тонн ус шахдаг. Монголд ийм хэмжээний усны нөөц байхгүй. Хоёрдугаарт физикчид АЦС-ыг “нойлгүй орон сууц” гэж нэрлэдэг. Өөрөөр хэлбэл станцаас гарах цөмийн хаягдлын асуудлыг цөмийн энергийн салбарынхан одоо хүртэл шийдэж чадаагүй тууж яваа. Дэлхийн ураны нөөцийг өнөөдрийн хэмжээнд ашиглахад 100 жил хүрэхгүй нөөцтэй юм билээ. Гэтэл Финляндын “Онкало” гэдэг газар баригдаж байгаа том зооринд хадгалах цөмийн хаягдал 100 мянган жилийн дараа аюулгүй болно гэж эрдэмтэд тооцож энэ талаар баримтат кино хийснийг Японд үзүүлж байсан. Боломжтой бол “100.000 жилийн дараах аюулгүй байдал” гэсэн энэ киног та олж үзээрэй.
-Цөмийн хаягдлыг Монголд булшлах нууц гэрээ хэлцлийн талаар манай хэвлэлүүд энэ зунжин шуугицгаалаа. Таны зүгээс хамгийн сүүлийн үеийн мэдээ болгоод дуулгачихаар зүйл байна уу?

Японы гадаад хэргийн сайд Мацүмото өнгөрсөн 7 сарын 23-ний өдөр зохион байгуулагдсан Монгол-Япон хоёр улсын албан ёсны дипломат уулзалтын талаар саяхан өгүүлэхдээ “Монгол улсын хууль тогтоомжийн дагуу цөмийн хаягдлыг байршуулах, өөрөөр хэлбэл цөмийн хаягдлыг гадаад орноос өөрийн орны нутаг дэвсгэрт авах асуудал хүндрэлтэй гэсэн байр суурь илэрхийлсэн” гэж дурьдаж байсан.
Цөмийн станц барих, хаягдлыг Монголд булшлах асуудлыг сөхөж тавиад байгаа хүмүүсд би энэ дашрамд хандан “Энэ бол ирээдүйн Монголчуудын хувь заяаны асуудал шүү, өнөөдрийн Японы эмгэнэл Монголд хэзээ ч давтагдах ёсгүй” гэж дахин хэлмээр байна. Монголын өргөн уудам тал нутагт нар хангалттай тусч байна, салхи өдөр бүр үлээж байна. Сэргээгдэх эрчим хүчний энэ нөөцөө зөв ашиглах юм бол Монголын цөөхөн хүн амд хангалттай юм биш үү. Мөн газрын доор нь хэдэн арван тэрбум тонн нүүрс байгаа гэсэн. Технологи, дэд бүтэц хөгжөөгүй, дээр нь усны нөөц муутай энэ оронд яагаад заавал хэдэн зуу, бүр мянган жилээр үхэл таригч ураныг олборлох, ашиглах, тэр тусмаа хаягдлыг нь Монголд булшлахаар улайран хөөцөлдөж байгаагийн цаад учрыг би одоо хүртэл ойлгохгүй байна.

Ш.Пүрэвсүрэн

"Өвөг дээдсээсээ бид эх орноо хүлээж авсан, үр ачдаа хүлээлгэж өгнө!" О.Дашбалбар

ТАЛБАЙ УТАСГҮЙ ИНТЕРНЭТИЙН БҮС 

Сүхбаатарын талбай байнгын утасгүй (Wifi) интернэтийн бүс боллоо.  Уг ажлыг “Telemax Communication” компани 4G Mobile WiMAX технологи оо аишглан хийсэн байна. Wifi Сүлжээ ашигладаг Notebook ,   Ipad , Wifi тай бүх төрлийн гар утас ашиглан Сүхбаатарын талбай дээр интернэт орох боломжтой болжээ

YOUTUBE-Д 15 МИНУТААС УРТ БИЧЛЭГ БАЙРШУУЛАХ

15 минутаас урт хугацаатай бичлэг байршуулах эрхийг Youtube үнэнч хэрэглэгчиддээ олгож байсан бол одоо утасны дугаараа баталгаажуулаад л 15 минутаас урт хугацаатай бичлэг байршуулах эрхтэй болно. :wink:

Алхам 1

Алхам 2

Алхам 3

алхам 4

УББАН КАННАМ СТАЙЛ ДУУНЫ УТГАЧИЛСАН ОРЧУУЛГА

100 КГ АЛТААР УРЛАСАН СПИКЕР

2003 оноос хойш спикер бүтээж байгаа “Hart Audio” нэгэн тансаг спикерийг бүтээжээ. Энэхүү спикер нь 100 килограмм цул алтаар хийгдсэн бөгөөд 4.7 сая ам.доллараар үнэлэгдэж байгаа аж.

Уг алтан спикер нь цэвэрхэн хийцтэй ба маш сайн дууны чанартай аж.

Hart audio-ийн энэхүү спикер нь мөн хүрэл болон мөнгөөр хийгдсэн байгаа гэнэ.

Тэд 99 хос хүрэл спикер бүтээсэн ба тус бүр нь 62,000 ам.доллар, харин 5 хос мөнгөн спикер бүтээсэн ба тус бүр нь 313,000 ам.доллараар худалдаалагдаж байгаа ажээ.

НӨХӨР ЗАРДАГ ИХ ДЭЛГҮҮР

Хотын төвд олон эрчүүдээс нөхрөө чөлөөтэй сонгож авах боломж өгдөг их дэлгүүр анх удаа нээгджээ. Тус дэлгүүр 6-н давхар бөгөөд худалдан авагч давхар өгсөх тутам худалдаалагдаж буй эрчүүдийн эерэг чанар нь улам сайжирдаг гэнэ.

Аль ч давхарт гараад, хаалгыг нь нээж, өөрт таалагдсан нөхрөө авч болох боловч, хэрэв дээшээ давхар өгсвөл доод давхар луу буцаад явах боломжгүй учраас гарах л дүрэмтэй!

Нэгэн бүсгүй өөртөө таарах нөхөр олохоор их дэлгүүрт иржээ.Эхний давхарт байсан хаягийг уншвал:

1 давхар: "Эдгээр эрчүүд ажил хийдэг."  Өнөөх эмэгтэй хаягийг уншаад боджээ: "За яахав, эд нар ч миний хамгийн сүүлийн найз залууг бодвол дээр л юм байна. Гэхдээ дээд давхарт юу байгаа нь сонин байна" гээд  дээш өгслөө.

2 давхар: "Эдгээр эрчүүд ажилсаг,хүүхдэд хайртай." Бүсгүй дотроо их баяртай байлаа.Энэ ч сайхан санаа л байна.Гэхдээ дээшээ юу байгаа бол? гээд дахиад л дээш өгслөө.

“3 давхар: "Эдгээр эрчүүд ажилсаг,хүүхдэд хайртай, царай зүс сайтай "Хөөх бүр ч сайхан болоод явчихлаа. Гэхдээ дээшээ юу байгаа бол гээд бүсгүй ахин дээш өгслөө.

4 давхар: "Эдгээр эрчүүд ажилсаг, хүүхдэд хайртай, царай зүс сайтай, гэрийн ажилд тусалдаг" Бүсгүй: “Энэ бүр ч сайхан болоод явчихлаа шүү. Ямар гайхамшийгтай юм бэ? Гэхдээ бүр илүү юм байх ёстой доо” гээд ахиад  л дээш өгсөв.

5 давхар: "Эдгээр эрчүүд ажилсаг,хүүхдэд хайртай, царай зүс сайтай, гэрийн ажилд тусалдаг, маш романтик мэдрэмжтэй" Бүсгүй: “Ээ Бурхан минь! Дахиад дээшээ юу байгаа бол?” гээд 6-н давхарт гарав.

 ТӨРИЙН ОРДОНД ИРГЭДЭД НЭЭЛТТЭЙ БОЛЛОО

Өнөөдрийн Засгийн газрын хуралдаанаар Төрийн ордныг иргэдэд нээлттэй болгохыг асуудлыг хэлэлцсэн байна. Энэ нь АН-ын мөрийн хөтөлбөрт дурдсанаар иргэдэд Төрийн ордныг нээлттэй болгох үйл ажиллагааны эхлэл юм.
Иргэдэд өнөөдрийг хүртэл Төрийн ордны өмнөх хөшөө, шат хаалттай байсан бол маргаашнаас ийнхүү нээлттэй болж байгаа юм.
 Энэ боломжийг Засгийнгазраас нээж өгснөөр иргэд Монгол төрийн Есөн хөлт цагаан туг, Төрийн ордны музейд нэвтрэх боломжтой гэсэн үг аж. Энэ үйл ажиллагааны нээлт маргааш 11.40 цаг буюу морин цагт болох бөгөөд Төрийн гурван өндөрлөг, Засгийн газар, парламентын гишүүд оролцоно.

10 ЖИЛ НҮҮРТЭЙ БОЛОХЫГ МӨРӨӨДӨЖ БУЙ ОХИН

Шарлотте охин жирийн хүүхдийн адил нүүртэй болохыг 10 жил мөрөөджээ.  Тэрээр дөнгөж 3 настай байхдаа илбэнхэд хазуулан нүүрээ эрэмдэглүүлжээ.

Хэрэг болох үед охины эцэг, эх наймаагаа хийхээр хүүхдээ ганцааранг нь орхисон аж. Энэ үед торноосоо гарсан илбэнх бяцхан охин руу дайран зүүн талын чих, нүд, хацар, уруул зэргийг хазжээ. Тухайн үед хажуу хөрш нь хүүхдийн орилсон дууг сонссоноор цагдаа, түргэн тусламж дууджээ.

Үеийн хүүхдүүдээсээ ичин гадаа ч гардаггүй Шарлотте охин өрөөндөө шигдэн тэжээвэр амьтан шиг л байдаг гэнэ.

Охиныг бага байхад эцэг, эхээс нь салгасан бөгөөд хүүхдээ асран хүмүүжүүлэх эрхгүй учир өөр хүмүүсийн асрамжинд очжээ.Шарлотте 6 удаа гоо сайхны мэс засалд орсон бөгөөд дахин эмчилгээ шаардлагатай учир ихээхэн өндөр зардал шаардаж байгаа аж. Шарлотте одоо 10 нас хүрсэн бөгөөд тэрээр жирийн хүүхдийн адил гадуур зугаална гэдэгтээ итгэлтэй байгаа юм.

ХУВЦАСЛАЛТ БУДАЛТ НЬ ЭМЭГТЭЙ ХҮНИЙГ ТАНИУЛДАГ

Эмэгтэй хүний имиж сүрчиг үнэртэн, энгэсэг, уруулын будаг зэрэг олон зүйлээс бүрддэг. Мөн эмэгтэй хүний үндсэн чанар будалт, үнэртний сонголт, хувцаслалт, биеэ авч яваа байдлаас харагддаг. Иймд эмэгтэйг гаднах төрх, хувцаслалтаар нь таньж болдог.

Хурц зантай хатагтай: Зарим талаар эршүүд байх нь бий. Гадаад үзэмжиндээ тогтмол анхаардаггүй. Зөрүүд хамгийн сүүлийн үеийн загварыг дуурайхаас эхлээд хувцаслалтандаа огт анхаарахгүй ч байж чаддаг. Албан ёсны хүлээн авалтан дээр богинохон юбкатай ч ирж магадгүй. Нүдэнд тусахгүй будах дуртай.

Дур булаам хатагтай: Нарийн мэдрэмжтэй. Хувцасаа хэзээ ч хайш яаш өмсдөггүй. Цүнх, туфлийн өнгө заавал хоршиж байдаг. Нүүрээ донжий нь тааруулж буддаг. Час улаан өнгөөр хэзээ ч уруулаа будахгүй. Зөөлөн үнэртэй сүрчгэнд дуртай. Зарим тохиолдолд хэт намбалаг юм шиг санагддаг.

Анхаарлын төвд байх хатагтай: Энэ хатагтай нар эрчүүдийн анхааралд өртөх дуртай байдаг. Ер нь хамт олон, найз нөхөд, тодорхой хүрээлэлд байхыг эрхэмлэдэг. Донжийг нь тааруулан хувцас, чамин үсний загвар, этгээд зүүлт сэлтээр бусдын анхаарлыг өөрийн эрхгүй татдаг. Хурц, содон үнэртэй, тод өнгийн уруулын будаггүйгээр тэднийг төсөөлөхийн аргагүй. Сэтгэлийн хөдөлгөөн ихтэй. Янз бүрийн хэлбэрийн даашинз, юбка, сарфанчик, гялгар цалгар цамц, хээ хуартай трико, өндөр өсгийт, элдэв төрлийн бүрх малгай, энэ бүхэн тэдний хобби. Үнэндээ өөрсдөд нь ч зохидог.

Аж ахуй ч хатагтай: Хувцаслалт будалт зэрэгт төдийлөн анхаарал өгдөггүй. Гэхдээ өмсөж зүүсэн бүхэн нь эдэлгээ сайтай, чанартай, гарын ая даахуйц байгааг та анзаарсан байх. Ээмэг, бөгж зүүвэл алтыг сонгоно. Элдэв янзын хуурамч эдлэлийг сонгох ч үгүй. Өндөр өсгийтэй туфль, сорочик тэдний имиж биш. Жинхэнэ францын сүрчиг хаяа үнэртүүлэх нь бий. Найз нөхөддөө тусархуу, найдвартай, олон янзын зангүй. Хавь орчмын хүмүүсийн хайр хүндэтгэлийг хүлээдэг.
 

 МОНГОЛЫН ЗАЛУУЧУУДЫН ӨДӨР

 ТАНЫ МАШИН АЛЬ ӨДӨР ХӨДӨЛГӨӨНД ОРОЛЦОХГҮЙ ВЭ

 ХАМГИЙН ЖИЖИГ 10 АМЬТАН

ЦЭЦЭРЛЭГТ ХҮҮХДЭЭ ӨГЬЕ ГЭВЭЛ ХАХУУЛЬД НЬ 250-350 МЯНГЫГ ТӨЛ

Өнөөдөр цэцэрлэгүүдийн бүртгэл албан ёсоор эхэлж байгаа. Хүүхдээ бүртгүүлэхээр очсон эцэг эхчүүд бүртгэлийн анхны өдрөө л “Ямар ч орон тоо байхгүй, хуучин хүүхдүүдээ арай ядан багтааж байна” гэсэн хариу сонсож байгаа юм.
Үнэхээр ч улсын цэцэрлэгийн анги дүүргэлт 63 хүхэдтэй байгаа болохоор яах ч аргагүй. Гэсэн ч бас нэг арга байнаа. Энэ бол мэдээж хахууль. Нөгөө л айхтар хахууль ид цэцэрлэг, сургууль орох үеэр жинхэнэ утгаараа дунд шатандаа хэрэгжиж байгаа нь энэ.

Одоогоор цэцэрлэгүүдийн дундаж хахууль 250-300 мянган төгрөг байгаа аж. Тэгээд хүүхдээ оруулсан хойноо ангийх нь хаалга цонхыг солих гээд засвараас дутуу үлдсэн зүйлийн талаар бодолцоорой гэж байгаа. Уул нь мөнгөтэй бол хувийн цэцэрлэгт аваачаад өгчихнө. Даан ч төлбөр нь сардаа л гэхэд 450-500 орчим мянган төгрөг буюу жилийн төлбөр нь таван саяаас эхэлж байгаа болохоор хүн бүр төлөөд байж чадахгүй.

Иймээс арай дөнгүүр нь  улсын цэцэрлэгт хахуулиа л төлөхөөс өөр аргагүйд хүрч байгаа юм. Манай улс сүүлийн арван жил таван шорон барьсан гэдэг. Шоронгоос илүүтэйгээр цэцэрлэг сургууль гээд боловсрол олгодог газартаа түлхүү анхаарсан бол нэлээд хэдэн айлын жаалууд сургуулийн өмнөх боловсролтойгоо хоцрох байсансан.

ХАЙРТЫГАА УРУУЛ, ХАМРААР НЬ ШИНЖЭЭД ҮЗ

Зузаан уруултай
Эрч хүч ихтэй хүн юм. Гэхдээ зарим хүмүүс багадаа угж их хөхдөг байснаас болоод иймэрхүү уруултай болох нь бий. Энэ тохиолдолд дээрх шинж чанарын тухай яригдахгүй.

Дээд уруул нь нимгэн
Өөрийнхөө үнэ цэнийг мэддэг, бусдыг өөртөө яг л соронзон долгион шиг татаж чаддаг хэдий ч хайр дурлалын асуудал дээр тогтворгүй. Хариуцлагад дургүй нэгэн байдаг.

Доод уруул нь нимгэн
Их амбицтай хүн байдаг. Аливаад эмх цэгцтэй, бодлоготой ханддаг. Найз нөхөд болох хүнээ өөрийнхөө үзэл бодолтой санаа нэг хүнийг сонгодог.

Нимгэн уруултай
Илүү их оюун ухааны чадавхитай хүн байдаг.

Жижиг амтай
Өөрөө өөртөө сэтгэл хангалуун нэгэн төдийгүй бусдыг алиа хошин үгээр шоолж инээх дуртай. Түүнд ажил дээрээ болон гэртээ анхдагч байж, бусдыг захирах явдал таалагддаг.

Том амтай
Хөнгөмсөг зантай хэдий ч олон найз нөхөдтэй, хорон муу санаа байдаггүй ч, их нээлттэй хүн юм.

Шантгар хамартай
Түүний санаж сэдсэн бүхэн нь амжилтанд үргэлж хүргэдэг. Найзлахад маш хялбар байдаг.

Урт хамартай
Түүний гол зорилго бол өөртөө ашиг олох явдал юм. Тэрбээр аливаа юмны сайн мууг сайтар мэддэг. Тиймээс түүнтэй болгоомжтой харьцах хэрэгтэй.

Монхор хамартай
Өөрийнхөө юу хүсээд байгааг мэддэггүй, ямар нэгэн чухал шийдвэр гаргах нь түүний хувьд асуудал болж хувирдаг. Түүнчлэн хийж буй ажил, сонирхож байгаа зүйл, найзаасаа хүртэл амархан уйддаг.

Шулуун хамартай
Заримдаа гадаад төрхөндөө санаа их зовдог. Өөрийнх нь талаар эргэн тойрны хүмүүс нь юу гэж ярьж байгаа бол гэхээс санаа амар байж чаддаггүй. Хань болох хүнээ сонгохдоо өөрт нь аль болох магтагдах хүнийг чухалчилж үздэг байна.

ГАР УТАСНЫ ПРИНТЕР ХУДАЛДААНД ГАРЧЭЭ

Уг төхөөрөмжийг “Little printer” гэж нэрлэсэн бөгөөд АНУ, Канад зэрэг улсын иргэд 199 фунтээр захиалан худалдаж авах боломжтой ажээ.

Өнгөрөгч оны 11-р сард албан ёсоор танилцуулсан гар утасанд зориулан бүтээсэн “Little printer”-ийг саяханаас худалдаанд гаргажээ.

”Little printer”-ийг утасандаа холбосоноор мессеж,и-майл болон бусад мэдээллийг тусгайлан бэлдсэн нарийн цаасан дээр хэвлэн гаргах ажээ.

МОНГОЛЫН АЛТНЫ УУРХАЙ ЯГ ШОРОН ШИГ /ЯРИЛЦЛАГА/

Өчигдөр Британийн BBC телевизийн хоёрдугаар сувгаар ийм нэртэй нэвтрүүлэг цацагдав. Энэ нь дэлхийн хамгийн хүнд, бэрх орчинд ажилладаг хүмүүсийн талаар өгүүлдэг “Хамгийн хэцүү нөхцөлд ажилладаг ... ” цуврал нэвтрүүлгийн ээлжит дугаар байлаа.

БАНКИНД ӨРТЭЙ Ч ОРЛОГО НЬ ХҮРВЭЛ ОРОН СУУЦНЫ ЗЭЭЛД ХАМРАГДАЖ БОЛНО

"Төрийн банк" "100 мянган айлын орон сууц" хөтөлбөрийн хүрээнд өгч буй жилийн зургаан хувийн хүүтэй орон сууц­ны зээлийг олгож эхлээд байгаа. Одоогийн байд­лаар 2800 хүн "Төрийн банк"-нд материалаа ирүүлжээ. "Төрийн банк" хоёр ч салбараараа зээл олгож байгаа аж. Нэг нь Гадаад харилцааны яамны баруун талд, нөгөө нь "Бөмбөгөр"-ийн ойрол­цоо байрладаг. "Төрийн банк" анх Бөмбөгөр хавь­цаа 115 дугаар салбар буюу орон сууцны зур­гаан хувийн зээл олгох  төвөө нээж байсан юм. Ачаалал ихэссэн, иргэ­дийн зүгээс санал шүүмж­лэл их ирснийг хар­галзаж хотын төвд бас нэг сал­бараа нээжээ. Тус сал­бар долдугаар сарын дун­даас ажиллаж эхэлсэн байна. "Капи­тал"-ын хувьд зээл олгох банкны нэгээр сонгогдсон ч Сан­гийн яам­тай хийх гэрээ, хэлэлцээний асуу­дал нь эцэслээгүй гэсэн шалтгаа­наар  зээл олгож эхлээгүй байгаа юм. 

Зургаан хувийн хүүтэй орон сууцны зээлийг сонир­хож эхэлж байгаа иргэдэд дуулгахад хөтөл­бөрт хам­рагд­сан иргэд 55 метр квадрат хүртэл талбайтай орон сууцнаас сонгож 50 хүртэл сая төгрөгийн зээл авах эрхтэй. Арван хувийн урьдчилгаагаа орон сууц худалдан авах гэрээ бай­гуулж буй компанидаа төлөх учиртай. Зээлээ төлж бараг­дуулах хугацаа нь 20 жил. Хэрвээ та 50 сая төгрөгийн зээл авах гэж байгаа бол өрхийн цэвэр орлого чинь 800 мянган төгрөг байх ёстой. Сард төлөх зээлийн төлбөр чинь 360 орчим мянган төгрөг болно гэсэн үг. Харин 40 сая төгрөг зээлэх гэж байгаа бол гэрийн чинь цэвэр орлого 630 гаруй мянган төгрөг, сар бүрд төлөх зээлийн хэмжээ 290 орчим мянган төгрөг байх нь. 

Засгийн газар "100 мянган айлын орон сууц" хөтөл­бөрийг хэрэгжүүлэхэд 50 тэрбум төгрөгийн санхүүжилт гаргахыг Хөгжлийн банкинд  зөвшөөрсөн. Хөгжлийн банк­наас 20 гаруй тэрбум төг­рөгийг шийдээд байгаа аж. Арван тэрбум төгрөгийн сан­хүүжилтийн асуудал нь энэ долоо хоногт шийдэгдэнэ гэсэн мэдээлэл байна. Үлд­сэн санхүүжил­тийг удахгүй шийднэ гэснээс өөр тодорхой мэдээлэл одоогоор алга байна.
Зургаан хувийн хүүтэй орон сууцны зээлийн олголт ямар бай­гааг сур­валжлахаар "Төрийн банк"-ны Гадаад харил­цааны яам­ны өөдөөс хар­сан 109 дүгээр сал­бараар орлоо. Гаднаа "Зээлийн төв" гэсэн том хаяг хад­жээ. Арав  орчим хүн материалаа барьчих­сан дугаарлаж байв. Ихэнх хүмүүсийн зээлийн эдийн засагч­даа бүр­дүүлж өгч байгаа мате­риал бараг хоёр хуруу зузаан юм. Тус төв лхагва гаригт материал хүлээж авдаггүй аж.

Зээлийн эдийн засагчдын суудаг өрөөний гадна талд зургаан хувийн хүүтэй зээлд хамрагдах хүмүүсийн нэр­сийг жагсаажээ. Орон сууцны зээлд хамрагдах хүсэлтэй иргэдэд "Капитал", "Төрийн банк"-уудаас шаардаж буй байрны барьцааны шаард­лага давахад хэцүү босго болоод бай­гаа. Урьдчилгаа төлж, худалдан авах гэрээ байгуулсан орон сууц­нууд нь бүрэн ашиглалтад ороогүй  учраас барьцаа болж чадах­гүй гэж банкууд мэдэгдээд буй. Гэвч ком­паниуд байраа барьцаа болгох чиглэлийн ажил хийгээд эхэлжээ. Тэдний нэг нь 16 дугаар хороололд "Саруул тэнгэр-2" хотхоныг барьж байгаа "Жоннатан" компани. Орон сууц нь энэ оны дөрөвдүгээр ули­ралд ашиглалтад орох юм байна. Энэ компанитай гэрээ бай­гуул­сан иргэдийн хувьд орон сууцны барьцаа нэхэгдэхгүй аж. 

Арван хүний материал бүрдлээ л бол зээлийн хуралд оруулж байгаа гэнэ. Биднийг очиход зээлийн хурал нь эхэлсэн байлаа. Хурал тарахыг хүлээх зуур зээл авахаар хүсэлтээ гаргаж байгаа хүмүүстэй ярилцлаа. Өмнө нь бан­кинд зээлтэй бол зээлийнхээ гэрээ, төлөх хуваар, зээлээ төлсөн барим­тыг зээл хүссэн материал­даа хавсаргах учиртай юм байна. Ийм шалтгаанаар материал нь хойшлогдох тохиолдол гардаг бололтой. Банкны хүссэн мате­риа­лыг бүрдүүл­чихсэн тохиолдолд зээлийн хурлаар ордог байна. Иргэ­дэд анхааруул­маар бас нэг зүйл л урьдчилгаа төлбөрийн баримт юм билээ. Байрны урьд­чил­гаагаа яаж бүр­дүүлсэн барим­таа зээлийн материалд хавсаргах учир­тай гэсэн. Жишээ нь хадгалж байсан мөнгөөрөө урьдчил­гаа төлбөрөө хийсэн бол ха­рилцсан банкнаасаа хад­галам­жийнхаа  хуулгыг авчрах ч юм уу, ямар нэгэн байдлаар баримтжуулах учир­тай гэнэ. Зээлийн эдийн засагчийн хэлсэн материа­луудыг нэг бүрчлэн тэмдэглэж аваагүй, хайнга сонс­сон, материалаа буруу бүрдүүл­сэн зэргээс шалтгаалж зээл хойш­лох, эргэж буцах то­хиолдол их гардаг бололтой. Уулзсан хэд хэдэн хүн ийм шалтгаан хэлж байв. 

Одоогоор "Төрийн банк"-ны 109 дүгээр салбартай  "Би Энд Си", "Хурд",  "Жоннотан", "Өргөө майн­тинг", "Евро аппартмэнт", "Шинэ-очир", "Тайгам алтай", "Билэг-Орд", ЦЕГ-ын "Их модун" ХХК-иуд хамт­ран ажиллах гэрээ бай­гуулаад ажиллаж байгаа юм байна. Харин 115 дугаар салбар буюу төвд нь хөтөл­бөрт хамрагдсан бүх ком­панийн зээлийн материалыг авч байгаа аж. 109 дүгээр салбартай хамтран ажиллаж буй "Би Энд Си", "Хурд" ком­пани Хан-Уул дүүрэгт орон сууцаа барьж байгаа бол "Жоннотан", "Евро аппарт­мэнт", "Шинэ-очир", "Билэг-Орд" компа­ниу­дын хотхон Баянзүрх дүүрэгт босох гэнэ. Сонгинохайрхан дүү­рэгт "Өргөө майнтинг", Баянгол дүүрэгт "Тайгам алтай", Чин­гэлтэй дүүрэгт "Их Модун" компанийн орон сууц бариг­даж байна. 

Зээлийн хурал дууссаны дараа тус салбарын захирал У.Үнэн­баттай уулзлаа. Тэрээр "Өдөрт төчнөөн мате­риал шийднэ гэсэн нарийн тоо байхгүй. Гэхдээ аль бо­лох олон материал шийдэж зээлийг нь олгохын төлөө орон тоогоо нэмэгдүүлэн уртас­гасан цагаар ажиллаж байна. Манай салбарт 400 гаруй хүний материал  хуваа­рилагдаж ирсэн. Хоёр долоо хоногийн дотор 80 хүний материал шийдэгдсэн. Нөгөө салбарын хувьд гуравдугаар сараас зээлж олгож эхэлсэн болохоор илүү их мате­риал шийдэгддэг. Засгийн газрын хөтөлбөрийн хүрээнд зээл авах шаардлагаа хангаж бай­гаа хүмүүс урьд нь хэрэг­цээний болон янз бүрийн зээлтэй байж болно. Гэхдээ  зээлээ төлөх санхүүгийн чад­вар­тай байх ёстой" гэж ярилаа. 

"Төрийн банк"-наас га­раад ОССК-ийг зорилоо. ОСКК-ийн хэвлэлийн төлөө­лөгч "Төрийн банк зээл олгоод эхэлчихсэн. Иргэдэд хэрэгтэй илүү тодорхой мэдээллийг тэд хэлнэ. Манайхаас нэмж хэлэх шинэ мэдээлэл одоогоор гараагүй байна" гэлээ. Таван сарын өмнөөс иргэдийн материалыг хүлээж авсан энэ газар одоогийн байд­лаар 3000 орчим хүний материа­лыг "Капитал", "Төрийн банк"-уудад шилжүүлжээ. Эднийх баасан гаригт иргэдийн материалыг хүлээж авдаггүй юм байна. Зургаан хувийн хүүтэй орон сууцны зээл хүсч буй иргэдэд анх удаа орон сууц авч байгаа, зээлдэгчийн сард төлөх зээл, хүүгийн төлбөр нь тухайн өрхийн нэг сарын цэвэр орлогын 45 хувиас хэтрэхгүй байх, банк санхүүгийн байгууллагад хуга­цаа хэтэрсэн өргүй байх, хөтөл­бөрт оролцогч бан­куудын шалгуурыг хангасан байх гэсэн шалгуурыг тавьж буй. Зээлд хамраг­дахыг хүссэн иргэд ОССК-д гурван төрлийн материал бүр­дүүлж өгнө. Ossk.mn сайтаас татаж авч бөглөсөн  хүсэлтийн маягт, Эд хөрөнгийн эрхийн бүртгэлийн газрын анх удаа орон сууцтай болох гэж бай­гааг тодорхойлсон архивын түүхчилсэн лавлагаа, "100 мянган айл" орон сууц хөтөл­бөрт хамрагдсан орон сууц­наас сонгож байгуулсан гэрээ зэргийг OССК-д өгөх юм бай­на. Энэ бол зургаан хувийн хүүтэй орон сууцны зээлийн эхний  шат. Хоёр дахь шат нь зээл хүссэн материалыг бан­кинд хүргэхээс эхэлж байгаа юм.

 АНАЛ ШИВЭЭС БА МУММИ

Жил бүр уламжлал болгон зохиогддог “South Florida Tattoo Expo”-ны үеэр олныг шууруулсан нэгэн сенсацитай мэдээлэл тарсан нь өдгөө 22 настай Мария Луиз Дел Розариогийн “анал” буюу “анус”-даа хийлгэсэн шивээсний тухай жигтэй үйлдэл байлаа.

Интернэт сенсаци тарьж, магад дэлхийн хамгийн гаж эсвэл хамгийн анхдагч “анал шивээс”-ний эзэн болсон түүний эл шивээс нь хуучин найз залуу “Роквүүд”-ийнх нь нэр гэнэ. Нэг тал өгзгөн дээр нь “Рок”, харин нөгөөд нь “Вүүд” хэмээн сийлбэрлэсэн эл шивээсний эзэн нь түүнийг шоронд хүртэл оруулж амьдралыг нь сүйрүүлсэн зартай этгээд ажээ. Экспоны үеэр тэрээр шивээснийхээ давталтыг хийлгэж байлаа.
Сонирхуулахад тэрээр “анал секс”-ийн харилцаанд орох дуртай нэгэн бөгөөд 19 настайдаа порно үзэж секс тоглоомоор наадах болжээ. Мөн түүний аав нь 06.12-ны өдөр 6:12 цагт төрсөн бөгөөд “66 / 12:2=6 - 666” буюу Сатаны үр удам тул аав нь багад нь их тарчлаадаг байсан тухайгаа ярьснаас гадна түүний азын тоо 7, 7 жилийн дараа гаслант амьдралаасаа эрх чөлөөг олжээ. 

Насанд хүрээгүй хүүхдүүд хятадуудын боол хийж байна..тв нэвтрүүлэгийг хүргэж байна

 СӨРӨГ ЭНЕРГИЙГ ГЭРЭЭСЭЭ ХЭРХЭН ХӨӨН ЗАЙЛУУЛАХ ВЭ?

Зарим айлд ороход амьсгалахад нэг л чөлөөтэй хөнгөн байдаг бол зарим нэг айлын гэрт амьсгаа давчдаад цээжин дээр юм дараад, амьсгаа авахад ч хэцүү мэт санагдах нь бий. Хүмүүс ийм газраас эргэж харалгүй зугтахын түүс болж дахин очихыг хүсдэггүй.

Хэрвээ энэ нь өөрийн чинь амьдардаг гэр биш, хаа нэг очдог, удаан саатаад байдаггүй газар бол ч бас яахав. Гэтэл яг дээрх шиг зүйлийг өөрийнхөө гэрт мэдрээд эхэлвэл харин яах вэ, ямар арга хэмжээ авах вэ? Гоолингоо танд гэр орноосоо сөрөг муу энергийг хэрхэн зайлуулах, түүнээс хэрхэн хамгаалах талаар дараах зөвлөгөөг хүргэж байна.Сөрөг энерги хуримтлагдсан эсэхийг яаж мэдэх вэ?
Гэр оронд тань сөрөг муу энерги байгаа эсэхийг шалгах хамгийн энгийн арга бол лаа асаагаад бүх өрөө тасалгаануудаар явж үзэх. Ингэхдээ 00, банн, хонгилын өрөөгөө ч гэсэн мартав. Хэрвээ лааны чинь дөл сүүмэлзээд, хийсээд тогтворгүй байвал таны гэрт ямар нэг муу энерги хуримтлагдсан байна гэсэн үг. Өөрөөр хэлбэл сэтгэл санаагаар унах, гэртээ байхаас дургүй чинь хүрэх, найз нөхдийн чинь зочлох тоо цөөрөх, лааны дөл сүүмэлзэж хийсэх зэрэг шинж тэмдгүүд нь бүгд сөрөг энерги хуримтлагдсаны дохиог танд өгч байгаа хэрэг.

Гэрээ шалгах бас нэг арга бол гэрийн тэжээвэр амьтдынхаа ааш аягийг ажиглах. Тэд сөрөг энергийг хамгийн түрүүнд мэдрэх бөгөөд тавгүйрхэж, аль болох хаалганы хажууд унтахыг хичээж, боломж гарвал гарахаар тэмүүлцгээдэг. Байдал бүр их хурцадсан үед буюу муу энерги ихээр хуримтлагдсан үед тэд эзнээсээ зайлсхийн зугтааж, хоолондоо дургүй болж, онцын шалтгаангүйгээр өвдөж эхэлдэг. Хэрвээ танд гэрийн тэжээвэр амьтад байхгүй бол найзаасаа юмуу хөршөөсөө түр авч болох юм.

Сөрөг энергийг илрүүлэх бас нэг арга бол тасалгааны ургамлууд. Хөрс, бордоо, арчилгаа сайн байхад тэд гэнэт өвдөх юмуу үхэж эхэлбэл танай гэрт ямар нэг муу зүйл шүглэсэн гэсэн үг. Гэхдээ энд нэг юм сануулахад зарим цэцэг өөрийг нь арчилж торддог эзнийхээ биеийг өвдөх үед өвчилж, нэг ёсондоо тэдний амийг амиараа хамгаалан үхэх хүртэл тохиолдол байдгийг санахад илүүдэхгүй.

                                                                      Сөрөг энерги юунаас бий болдог вэ?
Муу энерги бий болоох шалтгаан нь гэрт чинь амьдардаг хэн нэгэнд хараал хийлгэх, хараал шингэсэн эд зүйлс гэр орондоо авч ирснээс болсон байх магадлалтай. Бас нэг шалтгаан нь хар муу санаатай хүнтэй цуг амьдрах, эсвэл танд муу санаж явдаг хүн байн байн зочилж ирдгээс ч болж болно. Ийм тохиолдолд гэр оронд чинь сөрөг муу энерги хуримтлагдсаар байгаад дотор нь амьдардаг хүмүүст нөлөөлж, хэрүүл маргаан, болчимгүй бусармаг үйлдэл, өвчин зовлонд хүргэдэг. Сөрөг энерги хуримтлагдах бас нэг шалтгаан нь удаан хугацаагаар өвчилж байсан хүний үхэл байх магадлалтай. Ужиг өвчтэй хүний гомдоллох, уйлах, ёолох нь гэрийн аура /гэрлэн бүрхүүл/-г маш ихээр сүйтгэдэг. Тиймээс өвчтэй хүнийг эдгэмэгц гэрээ сайтар цэвэрлэж, арц хүжээр ариулах хэрэгтэй. Өвчтэй байх үед нь ч гэсэн хааяа арц хүж уугиулж байх нь эдгэрэлтэнд нь сайнаар нөлөөлдөг.

                                                                       Орон гэрээсээ сөрөг энергийг хэрхэн зайлуулах вэ?
Хамгийн үр дүнтэй арга бол гэртээ лам хуврага залж ном уншуулж, сан тавиулах. Гэхдээ заавал лам гэлгүй та өөрөө ч гэсэн сөрөг энергийг зайлуулж чадна.

Юуны өмнө орон гэрт тань гадны эд зүйлс байгаа эсэхийг сайтар шалга. Зөвхөн гэр дотроо ч биш хаалганы чинь гадна зүү хатгах, юм наах гэх мэтээр хараал хийсэн байхыг ч үгүйсгэх аргагүй. Бүгдийг олж илрүүлснийхээ дараа бөөгнүүлж байгаад гэрээсээ аль болох хол аваачиж шатаагаад, үнсийг нь гай түтгэр зайлуулах тарни уншингаа газарт булах хэрэгтэй. Ингэсний дараагаар гэрээ арцаар сайтар ариулаарай. Түүнчлэн танд муу юм санадаг хүмүүсийг гэртээ оруулахаа боль.

Хар муу санаатай хүн яах ч аргагүй ороод гарсан тохиолдолд сонгино арилгаад тэр хүний хамгийн удаан суусан юмуу байсан газарт нь тавиад хонуулна. Шөнийн туршид сонгино сөрөг энергийг өөртөө шингээж авдаг. Өглөө сонгиныг гартаа хүргэлгүйгээр гялгар уутанд хийж сайтар ороогоод гэрээсээ аль болох хурдан зайлуулах хэрэгтэй.

                                                                              Сөрөг муу энергиэс хамгаалах аргууд
Сардаа ядаж нэг удаа лаа асаагаад өрөө тасалгаануудаа тойруулах, арц хүж уугиулж ариул. Гэрийнхээ хаалганы дотор талд зүү хатгаж орхих нь гэрт чинь нэвтрэхийг оролдсон аливаа сөрөг энергийг үргээх болно.

Гэртээ эмтэрсэн, цуурсан, хэмхэрсэн аяга шаазан, эд зүйлс, хуучирсан хэрэггүй хувцас хунар бүү хадгал. Энэ бүгд сөрөг энергийг өөртөө татаж, эерэг энергийн урсгалыг удаашруулж байдаг. Энд орон гэрээ цэвэрлэх ч бас хамаарна. Та гэр орноо хэдийчинээ цэвэрхэн байлгана, сөрөг муу энерги нэвтрэн орох, хуримтлагдах эрсдэлийг төдийчинээ багасгана. Хагархай юмуу цав гарч цайр нь хөдөлсөн толь муу энерги цуглуулдаг тул тийм толийг хамгийн түрүүнд гаргаж хаях хэрэгтэй.

Хамгийн гол нь харьцахад түвэгтэй, уулзаж ярилцсаны дараа толгой чинь өвдөж, амьсгал чинь давчиддаг, муухай зүүд зүүдлэгддэг хүмүүсээс зайлсхийж, аль болох гэртээ оруулахгүй байх хэрэгтэй.

Ингэлээ гээд таныг муухай ааштай гэж хэлвэл хэлнэ л биз, хамгийн гол нь та өөрийнхөө гал голомтыг муу муухай бүхнээс хамгаалах эрхтэй гэдгийг сана.

Энэ дэлхий ертөнц тэр чигтээ хувьсан өөрчлөгдөж буй мэт санагдана... Учир нь эрчүүд илүү эмэгтэйлэг, харин бүсгүйчүүд эр хүн шиг аашилж, эрэгтэйлэг харагдах болжээ. Өнөөдөр бидний харж байгаа эрэгтэйлэг цамц, хослол, түрийтэй гутал, малгай зэргийг бүсгүйчүүд бидэнд зориулан Chanel, Dolce & Gabbana, Sonia Rykiel, Stella McCartney, Balenciaga зэрэг томоохон брэндүүд коллекцидоо тодорхойлжээ. Дэлхийн trend аль зүгт чиглэнэ, тэр зүг рүү загвар дагадаг нь хууль шүү дээ...

 МОАЙНУУДЫГ УХАЖ ДООР НЬ ЮУ БАЙДАГИЙГ ОЛЖ МЭДСЭН БАЙНА

Моай-ын аврага чулуун хүмүүсийг мэдэхгүй хүн байхгүй болов уу.Саяхан тус нутгын иргэд маш сонирхолтой нээлтийг хийжээ.Тэд аврага Моайнуудыг ухаж доор нь юу байна гэдгийг олж мэдсэн байна.Асар хүнд том жинтэй хүн чулуунуудыг олон өдөр эрчимтэй малтсаны дараа эдгээр аврага Моай-ын хүн чулуунууд ганц толгой цээжин биенээс бүрдсэн зүйл биш харин бүхэл бүтэн эх бие гэдэс, хүйс , эртний хүмүүс өмсдөг байсан болов уу гэмээр өмсгөл гээд асар том чулуун бие гарч ирсэн байна.
Өмнө нь шинжлэх ухаан архелогийн салбарт Моай-ын чулуунуудад ийм малталт хийж байгаагүй билээ.Хэн барьж бий болгосон ямар учираас эдгээр том хадан чулуунуудыг энэ арал дээр бий болгосон талаар хэн ч мэдэхгүй.Харин энэ малталт тэдгээр асуултанд томоохон хариулт болж чадхаар байна.Мөн энэхүү том чулуун хөшөөний ар нуруун дээр эртний чулуун сийлбэр байсан юм.Одоогоор эрдэмтэд энэхүү сийлбэр дээрхи зургын нууцыг тайлхаар оролдож байна.Хэрэв эдгээр сийлбэрийн утгыг тайлж чадвал бид нэгэн томоохон нууцыг тайлж чадлаа гэсэн үг.

 МОНГОЛЫН НҮҮРСИЙГ ХЯТАД РУУ ХИЛ ДАМНАСАН НУУЦ ТУУЗААР УРСГАЖ ЭХЭЛЖЭЭ

 - Монгол талын хэмжээ нууц, Хятадынх 45 километр -
Хамгийн аймшигтай мэдээ гэвэл энэ л байна. Бид маш буруу ойлголттой байжээ. Нүүрсийг хүнд даацын машинаар л өдөр, шөнөгүй зөөдөг юм бодсон чинь үгүй байж. Тэр зөвхөн өнгөлөн далдлалт бололтой.
Өмнөговь аймгийн Гурвантэс сумын нутагт орших “Шивээ хүрэн”-гийн боомт хавьцаа энэхүү нууц байгууламжийг жилийн өмнө Хятадын “Винсвэй”, Монголын “Сантранс” компаниуд 17 тэрбум орчим төгрөгийн хөрөнгө оруулалтаар барьсан байна. Нууц байгууламж руу “Шивээ хүрэн” боомтын дарга, гаалийнхан, хилчдийн хэнийг ч шагайлгадаггүй ажээ.
Зөвхөн итгэмжлэгдсэн хэдэн ажилтан, жолооч л ордог юм байна. Тэрхүү туузаар Монголын нүүрс Хятад руу өдөр, шөнөгүй урсаж эхэлжээ. Одоо л таслан зогсоохгүй бол Оюутолгой, Тавантолгойг ашиглаж ч амжаагүй байхад манай хүрэн нүүрс хуу хамагдах тооцоо гарчээ. Чухам хаанаас, хэний тушаалаар түүнийг барьж, байгуулсан нь тодорхойгүй байгаа юм.

ХЯТАДУУД МОНГОЛЫН ХИЛИЙН ДЭРГЭДЭХ УЧИР БИТҮҮЛЭГ

БАЙГУУЛАМЖИНДАА ЮУ ХИЙГЭЭД БАЙНА!!!

 ДЭЛХИЙН ГОО БҮСГҮЙГЭЭР ХЯТАД БҮСГҮЙ ТОДОРЛОО

FACEBOOK ХЭРЭГЛЭГЧДИЙН ЗААВАЛ МЭДЭХ ШААРДЛАГАТАЙ  7 ТОХИРГОО

Facebook-н тохиргоог сайтар хийгээгүйгээс таны талаарх бүх мэдээлэл бусдад харагдах эсвэл хакердах зэрэг хүндрэлүүд гардаг. Дараах тохиргоонуудыг хийж сурсанаар та өөрийнхөө Facebook-г өөрийн хүссэнээр тохируулж, мөн хувийн нууцаа хамгаалж сурна.

1. Найзуудынхаа хаягийн жагсаалтыг ашигла (friends list)
Танд хэрвээ олон найзууд байгаа бол тэднийг хооронд нь ангилах боломжтой . Жишээ нь их сургууль , ажил, гэр бүл найзууд гэх мэтээр ангилж болно. Энэ нь дараа хайлт хийхэд хүртэл амар байх болно.
2.  Өөрийн мэдээллээ бусдаас нуух
Customize-г дарах хэрэгтэй. Ингээд гарч ирэх нүүрний доорхи нүдэнд нь тухайн хүний мэйл эсвэл нэрийг бичээрэй.
3.  Өөрийгөө хайлтын системээс устга
Мэдээж хэн нэгэн таны нэрийг хайлтын системээс хайгаад олчихдог, хэн хүссэн нь таны  Facebook хаягийг мэдэх нь утгагүй. Тиймээс өөрийгөө хайлтын системд харуулахгүйн тулд
Та privacy settings – search гэж ороод everyone тохиргоог knlo friends болгоно. Ингэснээр зөвхөн найзууд тань таныг хайсан тохиолдолд таны facebook  гарч ирэх болно.
4. Өөрийгөө google-с устга
Privacy settings –search  гэж орохоор public search results гэсний хойно allow нүдийг чагталсан байгааг та олж харна. Энэ нь бусад хайлтын системээр таныг хайвал таны мэдээлэл гарч ирнэ гэсэн үг . Тиймээс өөрийгөө хамгаалах үүднээс тэр чагтыг арилгах хэрэгтэй.
5. Зураг видеогоо нууцлах
Та өөрийн зурагнаас гадна бусад найзуудынхаа зурагнуудыг хүртэл нууцлах боломжтой. Найзуудын тань тавьсан ёс бус зурагнууд таныг эвгүй байдалд оруулж болох шүү дээ.
Үүний тулд мөн Privacy Settings руу ороод Profile Information-г дар.
Ингээд та хүссэн тохиргоогоо хийж болох юм .
Photo and Videos of Me, Posts by Me, Posts by Friends зэрэг тохиргоонуудыг тохируулсанаар өөрийн болоод өөр хүний оруулсан зурагнуудыг зохицуулах боломжтой болно .
6. Альбомоо хамгаал
Фото альбомоо бүх хүмүүст харуулахыг хүсэхгүй бол Photo Albums руу орж тохируулга хийнэ.
7. Ёс бус хүмүүсээс өөрийгөө хамгаал
Хэрвээ хэн нэг хүн таны зурагнууд дээр муу муухай комментууд бичиж, ёс бус авир гаргаж эвгүй байдал үүсгэвэл тэдгээр хүмүүсийг та Facebook –рүүгээ орох эрхийг нь хаах буюу дахин элдэв коммент бичих боломжгүй болгож болно.
Ингэхийн тулд Privacy Settings –рүү ороод Block List –ыг дар. Ингээд та гарч ирэх нүүрэнд тухайн хүний мэйл хаяг, нэрийг бичихэд л болно

УТААГҮЙ ЗУУХ ХЭРЭГЛЭЭГҮЙ БАЙГУУЛЛАГУУД ТОРГУУЛНА

Агаарын бохирдлыг бууруулах ажлын хүрээнд улсын төсвөөр зарим халаалтын зуухнуудын шинэчлэлийн ажлыг хийж байгаа.

Энэ ажлыг халаалт өгөх хугацаанаас өмнө дуусгахыг Агаарын бохирдлыг бууруулах үндэсний хорооны хурлаар анхаарууллаа. Мөн энэ жил гутал засвар, дугуй засвар, шатахуун түгээх цэгүүд, дэлгүүр зэрэгт утаагүй зуух ашиглахыг шаардах аж. Хэрэгжүүлээгүй газруудад торгууль ногдуулахаар болжээ.

МОНГОЛ УЛС МАЛАА ГЭРЧИЛГЭЭЖҮҮЛНЭ ГЭНЭ ЭЭ

“Монгол  мал” хөтөлбөрийн нэг томоохон зорилт нь  малыг ээмэгжүүлж бүртгэлжүүлэх явдал. Тэр ч утгаараа малчны хотонд байгаа малыг малчнаас нь түрүүлж тоолоод тэмдэглээд чихэнд нь ээмэг зүүж өгөх юм.

Ингэснээрээ нэгэнт малчин Дорж, Давгын хувийн мэдлийн таван хошуу мал улсын хэмжээнд бүртгэгдэж нэгдсэн мэдээллийн санд орох юм гэнэ. Тоолоод, бүртгэлжүүлээд, зогсохгүй иргэн бүхэнд иргэний үнэмлэх олгодог шиг малд хүртэл тус бүрт гэрчилгээ олгоно хэмээн Хүнс хөдөө аж ахуй, хөнгөн үйлдвэрийн яамны Мал аж ахуйн бодлого тодорхойлогчид хэлж байна.

Монгол улсынхааа 3 сая хүрэхгүй хүн амыг нэгдсэн бүртгэлд оруулах гэж сандарч байгаа Монгол улс 2015 он гэхэд 40 сая толгой малаа бүртгээд, гэрчилгээжүүлээд чихэнд нь ээмэг зүүгээд дуусах юм гэнэ.

Малын чихэнд зүүж байгаа ээмэгийн нэг бүрийн үнэ нь 500- 650 төгрөг байх бөгөөд жил ирэх тусам энэхүү ээмэгний үнэ нь өсөөд байгаа учраас монголдоо ээмгийг  үйлдвэрлэе гэсэн санал салбар толгойлсон яамны хэмжээнд яригдаж байна аж.

Баруун аймгаас нь эхлээд үхэр сүргийг ээмэгжүүлж эхлээд байгаа ч мэдээлэл байна. Харин Монгол улсын хэмжээнд 9,1 сая толгой малыг жилийн хугацаанд ээмэгжүүлээд байгаа гэнэ. Малчны хотонд нь  очоод малынх нь чихэнд ээмэг зүүж байгаа мэргэжилтэний цалин, малыг нэгтгэсэн компьютертай харьцах мэргэжилтэний ажлын хөлс, малын ээмэгний өртөг гээд бүгд татвар төлөгчдийн мөнгөнөөс гарч байгаа. Монгол улсын иргэн болсон бид малаас дорд үзэгдэж, энэ мэт хэнд ч хэрэггүй ажлыг чухалчилсан төрийн харалган бодлогын золиос болсоор байна. Үүний оронд өнөө маргаашаа яая гэж байгаа өвгөд хөгшид, амьжиргааны түвшингөөс доогуур орлоготой иргэд, гадаа гуйлга гуйгаад сууж байгаа бяцхан хүүхдүүдийн амьдралд хэрэгтэй, тустай зүйл нэгээхэн ч хийхгүй атлаа, энэ мэт татвар төлөгчийн мөнгийг гарын салаагаар урсгасан ажил хийж суугааг юу гэж ойлгох вэ?Эрхэм түшээд ээ.

Тэнд ямаа ах чихэндээ ээмэг зүүж гангарч байхад, чихэндээ зүүх ээмэг ч үгүй, сэтэрхий зүү ч үгүй, цайны сүү ч үгүй айл олон байгааг энд дуулгахад ийм байна.

АЗИЙН ОРНУУДАД БАЙГАА МОНГОЛЧУУДДАА ИТГЭХЭД БЭРХ БОЛЖЭЭ

Ингэж захихыг чин сэтгэлээсээ хүслээ. Учир нь, хүний нутагт монгол нь монголыгоо хэрэгт оруулж, зүгээр байсан амьдралыг нь нэг л өдөр бусниулчихсан тохиолдол олон байна.

ХҮҮХДИЙГ ЗАГНАХ ТУСАМ ӨӨРТӨӨ ИТГЭЛГҮЙ БОЛДОГ

 

Ялангуяа бага насны хүүхэдтэй харьцахдаа маш хянуур байх нь чухал аж. Тэд хэлсэн зүйлсийг тэр бүрчлэн ойлгодоггүй учраас захиргаадах маягаар харьцах нь түүнийг төрөлхийн рефлекс бүхий хандлагуудаа илэрхийлж чадахгүй болоход хүргэдэг гэнэ. Мөн айлган сүрдүүлэх маягаар буруу үйлдлийг нь хорих юм бол айдсаа гээж, өсвөр насандаа төрөл бүрийн осолтой зүйлсээр “оролдож” эхэлдэг байна.

МОНГОЛД АНХ УДАА ЧИХЭВЧЭЭР СОНСОХ ТОГЛОЛТ БОЛОХ ГЭЖ БАЙНА

ДАХИН СОЛОНГОСТ АЖИЛЛАХ ХҮСЭЛТЭЙ ИРГЭДИЙН БҮРТГЭЛ ЭХЭЛЛЭЭ

ДЭЛХИЙН ХҮН АМЫГ БАГАСАГАХ ЗОРИЛГООР ПЕНТАГОНООС

АЛБААР ДОХ-ЫГ ТАРААСАН ГЭНЭЭ

ОХУ-ын “Интересная газета” сонины сэтгүүлч  М.Галицкийн нийтлэлийг орчуулан хүргэж байна. АНУ-ын Эрүүл ахуйн хяналт шалгалтын байгуул­ла­га анх 1987 онд ДОХ-ыг бүрэн эдгээх чадвартай, вирусийн эсрэг үйлчилгээтэй ази­дотимидин хэмээх эм бүтээснээ зарласан.

Гэвч энэ эм болон цаашид гаргаж авсан бусад бэлдмэл бүгд ХДХВ-ийн тархалтыг удааш­руулах үйлчилгээтэй болохоос бүрэн эдгээдэггүй нь бат­лагд­сан.

 ЭРЧҮҮДИЙН ШҮЛСИЙГ ГООЖУУЛЖ, САНДЛААС НЬ ӨНДИЙЛГӨСӨН ТАМИРЧИН БҮСГҮЙ

Саяхан Испанийн Барселона хотноо болсон хөнгөн атлетикийн залуучуудын дэлхийн аварга шалгаруулах тэмцээний саадтай гүйлтийн 100 метрийн уралдааны гараан дээр тамирчин бүсгүй олон эрчүүдийг суудлаас нь хөндийрүүлжээ. Түүний хийсэн биеэ халаах “үзүүлбэр” эрчүүдийн сэтгэлийг жинхэнэ гижигдсэн гэхэд болно.19 настай Австралийн гүйгч бүсгүй Мишель Женнеке хуучинсаг хэмээгддэг саадтай гүйлтэд “салхи оруулж” ийнхүү YouTube-ийн од болжээ.  Гарааны өмнөх сэтгэл хөдлөлөө дарах зорилгоор хийсэн түүний секси бүжиг үнэхээр үр дүнд хүрч, тэрбээр өрсөлдөгчдөөсөө хол  тасархай барианд оржээ.

LONDON 2012 ЗУНЫ ОЛИМПИЙН ХХХ НААДМЫН ХААЛТЫН АЖИЛЛАГАА

London 2012 / Зуны олимпийн ХХХ наадам 16 хоног үргэлжилж өчигдөр буюу 2012.08.12 нд хаалтаа хийлээ..Эрхэм та бүхэнд энэхүү хаалтын ажиллагааг тухлан сууж үзээрэй...

“SWEET EMOTION” ''НОМИН ТАЛСТ“ НАР ХАМТАРНА

Монголын рок поп ертөнцийн анхны хамтлагуудын төлөөлөл болсон “Sweetymotion” хамтлагийнхан  “Номин талст” хамтлагтай  хамтран уран бүтээл туурвиж байгаа гэнэ. Учир нь энэ онд тэдний 15 жилийн ой тохиож буй учраас үзэгч, сонсогч фэнүүддээ зориулж хамтарсан уран бүтээл туурвиж байгаа ажээ. Тэдний хамтарсан шинэ уран бүтээлийн аяыг Харанга хамтлагийн аргил гитарчин, МУГЖ Чулуунбат зохиож хөгжмийн найруулгын төгөлдөр хуурч Б.Чинбат гитарчин Д.Өлзий орших нар хамтран бүтээж байгаа гэнэ.

Ийнхүү монголын рок поп урлагийн томоохон төлөөлөгч нар хамтран бүтээж буй гайхалтай уран бүтээлээ тун удахгүй үзэгч, сонсогч фэнүүддээ өргөн барих бөгөөд ес, аравдугаар сард  болох ойн тоглолтнууд дээрээ хамтран дуулцгаах гэнэ.

Та бүхнийг урлагийн тэнгэр ивээг...

ТВИТТЕР, ФЕЙСБҮҮКЭД ХОЛБОГДДОГ УХААЛАГ БУГУЙН ЦАГ 150 ДОЛЛАРЫН ҮНЭТЭЙ  

Гар утсанд ирсэн мессеж, дуудлагыг цагнаасаа давхар харах боломжтой шинэ бугуйн цагийг Японы ''SONY'' компани андройд үйлдлийн системтэй холбогддог шинэ загварын ухаалаг цаг худалдаанд гарлаа.

Сүүлийн долоо хоногт махны үнэ огцом хямдарчээ. "Хүчит шонхор" хүнсний зах дээр өчигдөр хонь, үхэр, ямааны мах бөөндөө 4500-5500 төгрөгийн хооронд хэлбэлзэж байв. Захын гадна ачааны машинууд урт цуваа үүсгэн зогссон байв. Худалдаачид, ченжүүд, малчид гээд энд хөл хөдөлгөөн ихтэй байлаа. Энэ өдөр хөдөөнөөс мах элбэг орж ирсэн учраас үнэ нь өмнөх өдрөөсөө 200-500 төгрөгөөр хямдарчээ.

Үхрийн мах бөөндөө 5300-5500, хонины мах тарган, туранхайгаасаа шалтгаалаад 4800-5800, ямаа 4500-5500, адуу 5500 төгрөгийн дундаж ханштай байна. Ченжүүдийн ярьснаар, мах их орж ирж байгаа учир үнэ нь ойрын хугацаанд хямдарна уу гэхээс нэмэгдэхгүй гэнэ. Ер нь жил бүрийн өдийд махны үнэ хямдардаг аж.

Малчид оюутан хүүхдүүдийнхээ сургалтын төлбөрийг төлөх гээд хэдэн малаа хот руу зөөдөг гэх. Энэ зун хаа газар зуншлага сайхан байгаа учир мал тарга сайтай байна лээ. Малчин А.Гарваа "Өглөө 5.00 цагт 30 хонь, ямаатай ирсэн. Таньдаг наймаачиндаа 20 махыг нь өгчихсөн юм. Одоо арван юм үлдсэн. Үүнийгээ өгчихвөл "Нарантуул" зах орж хүнснийхээ юмыг бэлдээд нутаг буцна даа. Бид чинь малаасаа өөр орлогогүй шүү дээ. Оюутан хүүхдийн сургалтын төлбөр, дотуур байр, гар утасны төлбөр, хоол хүнс гээд их хэмжээний мөнгө хэрэгтэй болно. Оюутан охин маань гурван сая төгрөг нэхэж байна шүү дээ гэв.

ЗАЯАНЫ ХАНИА МЭДМЭЭР БАЙНА УУ? ТЭГВЭЛ ИЙМ АРГУУД БАЙНА ЭНД. Зуун зуунд аж төрж байсан охид хэзээ хүнтэй суух, хэзээ аз жаргал ирэх талаар мэдэхийг хүсдэг, сонирхдог байсан нь илэрхий билээ. Тэдний энэхүү гэгээн мөрөөдлийг биелүүлэх олон арга эрт дээр үеэс уламжлан иржээ. Заяаны ханиа зүүдэндээ харж болно. Та дэрэн дороо талх, хайч хийн, унтахын өмнө ямар нэг шорвог зүйл идээд "Заяаны хань минь, багтай хүн минь, над дээр ирж, намайг ундаалаач" гэж хэлээрэй. Эсвэл заяаны ханиа шөнө унтаж байхад ирж оймс тайлахыг хүсээд (ингэхийн тулд нэг хөлдөө шинэ оймс өмсөөрэй) түүнийг "хадам ээжийнхээ бинг идэхийг" уриарай. Гэхдээ ээжийнхээ орны доогуур хайруулын таваг тавихаа мартаж болохгүй. Өглөө нь ээжээсээ хэн нэгнийг бингээрээ дайлж байна гэж зүүдэлсэн үү гэж асуугаарай. Төмсөөр мэргэлэх нь Төмсөн дээр танд таалагддаг, танд хайртай хэд хэдэн хүний нэрийг бичээд усанд хий. Хамгийн түрүүнд ургасан төмсөн дээрх нэрийг хар. Тэр хүн таныг гуйна. Нүүр гарын алчуураар мэргэлэх нь Цагаан өнгийн нүүр гарын алчуурыг шөнө гадаа өлгөн "Заяаны хань, багтай хүн минь хүрч ирж, нүүрээ угаа даа" хэмээн шивнэнэ. Өглөө нүүр гарын алчуур нойтон байвал тэр охин энэ жил хүнтэй сууна. Хэрвээ хуурай байвал хэдэн жил хүлээх хэрэгтэй болох нь. Лаагаар мэргэлэх нь Найз охидынхоо хэн нь түрүүлж гэрлэхийг мэдэхийг хүсвэл энэ мэргийг хэрэглээрэй. Байгаа охидынхоо тоогоор жижиг жижиг лаа ав. Үүнийгээ хушганы ясанд суурилуулан асааж, устай том саванд хөвүүлэн тавиарай. Хэний нь лаа түргэн асч дуусна, тэр бусдаасаа түрүүлж гэрлэнэ. Хэнийх нь лаа удаан шатаж дуусна, тэр энэ жил гэрлэхгүй гэнэ. Хэрэв лаа усанд живбэл тэр хүн харамсалтай нь хүнтэй суухгүй гэнэ. ОЮУТНУУД ЧИГЛЭЛ, ЦАГ ХАМААРАХГҮЙГЭЭР ҮНЭГҮЙ ЗОРЧИНО Хичээлийн жил эхлэхтэй холбоотой олон асуудал эргэлдэж буйн нэг нь яах аргагүй оюутны алтан карт буюу шар виза юм. Хичээл эхлэхээс өмнө захиалга авдаг ч, тараагдах явц нь удаан байдагт оюутнууд бухимддаг. Өнгөрсөн хичээлийн жилд шар виза, наалттай нийлээд 6300 төгрөг байсан. Харин өнөө жил нэмэгдэх эсэх нь эцсийн байдлаар гараагүй байгаа аж. Оройн цагаар шар визагаар зорчуулахгүй гэсэн асуудал үүсдэг. Гэтэл ажлын өдрүүдэд чиглэл, цаг хамаарахгүйгээр том оврын автобусаар зорчих ёстой байдаг байна. Хэрэв ийм үйлдэл гарвал холбогдох хүмүүст мэдээлж, арга хэмжээ авахуулах аж. БУГУЙНДАА ЗҮҮДЭГ КОМПЬЮТРИЙН ИРЭЭДҮЙГ SONY ТАНИЛЦУУЛЖ БАЙНА 2020 онд бид Sony-гийн бугуйндаа зvvдэг компютерийг хэрэглэх боломжтой болох ажээ.  Бидэнд єнєєдєр интернетийн хэрэгцээ нь бараг хооллож, унтахын дараа л ордог чухал зvйл болжээ. Тиймээс бид интернетээр аялах боломжийг олгодог бvрэн хэмжээний компютероо байнга биедээ авч явж байхыг илvvд vздэг болсон. Тэгвэл одоо танд танилцуулах гэж байгаа бугуйвч хэлбэрийн ирээдvйн компютер нь байгаа vгvй нь ч мэдэгдэхгvй маш авсаархан бєгєєд чамин тул хаа ч авч явсан болохоор ажээ. Энэхvv тєхєєрємжийн тєсєл нь уян хатан OLED мэдрэгчтэй дэлгэцтэй болохоор тєлєвлєгдєж байна. 2020 онд электроникийн зах зээлийг байлдан дагуулах энэхvv бvтээл нь мєн дэлгэцэндээ холографик прожектортой бєгєєд эвхэгддэг экстра гар, олон нийтийн харилцааны сvлжээний иж бvрэн хангамжтай байх ажээ. Арав хvрэхгvй жилийн хугацаа гэдэг бол маш ойрын ирээдvй гэдэгтэй та маргахгvй байх. Тэр vед та энэхvv гажетыг худалдан авах уу? УРГАЦ ХУРААЛТ ЭХЭЛБЭЛ ХҮНСНИЙ НОГООНЫ ҮНЭ БУУРАХ БОЛОВ УУ? Өчигдрийн байдлаар “Баянзүрх” худалдааны төвд монгол төмсийг 1200-1300, хятадыг 500, монгол лууванг 2200-2300, монгол байцааг 900-1000 төгрөгийн хооронд худалдаалж байв. Төмсний үнийн хувьд өнгөрсөн долоо хоногийнхоос өөрчлөгдөөгүй аж. Харин үнэд ороод байсан монгол луувангийн үнэ буурч 2000 гаруй төгрөгийн үнэтэй болсон байв. Харин “Бэлх” зах болон “Хүчит шонхор” худалдааны төвд монгол лууван өнгөрсөн долоо хоногт 2800 төгрөг байсан бол буурч 2200 төгрөгөөр зарж байгаа аж. Тухайлбал, шинэ ургацын байцаа наадмын өмнөөс худалдаалагдаж эхэлсэн бөгөөд тухайн үедээ бөөний үнэ нь 2100 төгрөг байжээ. Харин одоо буурч 500-600 төгрөгөөр бөөндөж байгаа бол жижиглэнгийн үнэ 900-1000 төгрөг байгаа юм. Байцааны үнэ өнгөрсөн долоо хоногоос эхлэн нэлээд хэлбэлзэлтэй байгаа аж. Учир нь бороо орж байцааны хураалт саатсан үеэр үнэ нэмэгдэж, элбэгшээд ирвэл үнэ буурч байгааг худалдагчид хэлж байлаа. Одоогийн байдлаар хүнсний захуудад голчлон монгол төмс, хүнсний ногоо элбэг байгаа аж. Харин монгол луувангийн үнэ нэмэгдэх үеэр хятад ногооны хэрэглээ өсчээ. Учир нь дотоодын тэнгэрт хадсан үнэтэй ногоог авч дийлэхгүй иргэд аргагүй эрхэнд хятадын хямдхан ногоо руу хошуурдаг байна. Хаврын гурван сараас ургац хураалт хүртэл тэнгэрт хадаж, газар тариалангийн оронд амьдрагч бид хямд ногооны мөрөөсөл болсоор амьдарч байна. Мах үнэтэй хэвээр “Баянзүрх” худалдааны төвд хонины ястай мах 6700, үхрийн ястай мах 7600 төгрөгийн үнэтэй байсан бол “Бэлх” захад хонины мах 6600, үхрийн мах 7800-8500 төгрөг байв. Харин “Хүчин шонхор” худалдааны төвд хонины мах 6800, үхрийн мах 7300 төгрөгийн үнэтэй байлаа. Энэ нь бусад захын үнээс хямд байсан юм. Гэхдээ махны үнэ өмнөх долоо хоногийнхоос дорвитой өөрчлөгдсөн зүйл байхгүй ч өдөр бүр ялимгүй нэмэгдэж хасагдах тохиолдол байдаг гэнэ. “Миний дэлгүүр” худалдааны төвд хонины ястай мах 6790 төгрөг, “Номин”-д 9499-9899 төгрөг байна. Үхрийн махны хувьд “Номин” худалдааны төвд хамгийн үнэтэй буюу 11999 төгрөг байгаа юм. Энэ нь махны үйлдвэрт бэлтгэгдсэн гэдэг утгаараа үнэтэй байна гэдгийг худалдагчид хэлсэн. Хэдийгээр махны үнэ буурч байгаа ч махан бүтээгдэхүүний үнэ буурахгүй байгаа аж. “Баянзүрх” худалдааны төвийн худалдагч С.Болорцэцэг “Аль шинэ жилийн үеэр нэмэгдсэн хиамны үнэ одоо хүртэл буухгүй байна. Одоогийн байдлаар хиамны доод талын үнэ 5800 төгрөг, дээд тал нь 10 мянга давсан байгаа. Хамгийн хямд нарийн хиам хүртэл 6000 төгрөгт хүрнэ гэдэг чинь юу гэсэн үг вэ. Тэгээд амт чанар нь үнэтэйгээ адилхан байдаг бол яая гэхсэн. Гэтэл нил бүлх байдаг. Махны үнэ нэмэгдлээ гээд хиамныхаа үнийг нэмчихдэг юм байж, одоо буухаар нь буулгахгүй үнэтэй хэвээр нь байлгаад байгаа нь сонин байна. Тэгээд ч хиамны компаниуд хоорондоо хуйвалдаад үнээ нэмдэг гэж би сонссон. Ийм шударга бус үнийн хөөрөгдлийг хянах хэрэгтэй байх” гэлээ. Гурил, будаа, сахарын үнэ тогтмол байлаа. 25 кг-ийн “Алтан тариа” гурил 16 мянга, “Атар”, “Улаанбаатар” гурил 15 мянган төгрөгийн үнэтэй байна. Сахар, будаа кг нь 1600 төгрөгийн үнэтэй байгаа нь өмнөх долоо хоногийнхоос өөрчлөгдөөгүй байгаа аж.

ГАР УТАСНААСАА АМЬТНЫ ХҮРЭЭЛЭНД

Энэ сарын эхээр буюу наймдугаар сарын 1-нд iPhone хэрэглэгчдэд зориулсан "National Zoo" арр-ийг худалдаанд гаргажээ.
Та энэхүү арр-ийн тусламжтай хаанаас ч хэзээ ч амьтны хүрээлэнгээр аялах боломжтой юм.
Энэхүү арр-ийг бүтээхийн тулд Америкийн нэгдсэн улсын хэд хэдэн амьтны хүрээлэнгүүдэд камер суулгаж өгсөн ба та тэрхүү камеруудын тусламжтай амьтдыг харах боломжтой юм.
Та гар утаснаасаа олон төрлийн амьтадын хийж буй үйлдэл, амьдралын хэв маяг зэргийг харах боломжтой бөгөөд зураг дарж ч болох гэнэ.
Энэхүү арр нь Apple-ийн iTunes дээр 1.99 ам.доллараар худалдаалагдаж байна.

УРГИЙН ДҮРСИЙГ 3D БИЕТЭЭР ХЭВЛЭНЭ

Эцэг эхчүүд эхийн хэвлийд өсөж торниж буй бяцхан үрээ харахын тулд дурандуулж эсвэл зургийг нь авч хадгалах дуртай байдаг.
Гэхдээ ургаа зөвхөн цаасан дээрх зурагнаас харахын оронд 3D хэлбэртэйгээр бодит мэт харвал ямар вэ?
Fasotec компани 3D хэвлэгч бүтээж, таны ургийг яг байгаа байдлаар нь 3D хэлбэрээр хэвлэн гаргах машин бүтээжээ.
Тэд энэхүү хэвлэгчээ “Tensi no Katachi” буюу “Сахиусан тэнгэрүүдийн хэлбэр“ хэмээн нэрлэсэн байна. Энэхүү хэвлэгчийг одоогоор Японы Токио хотын нэгэн эмнэлэгт ашиглалтанд оруулаад байгаа аж. 
Тэд энэхүүү үйлчилгээгээ одоогоор 100,000 иен буюу 1300 орчим ам.доллараар үзүүлж байгаа ажээ.


СЭРГЭЭГЧ БОЛОН НОЙРСУУЛАГЧ ХҮНСҮҮД

ОЮУТНЫ ХОТХОНГ БАРИХАД 1,3 НАЯД ХЭРЭГТЭЙ 

Их сургуулиудын хотхон байгуулах ажлын явцын талаар БСШУЯ-наас мэдээлэл хийлээ. Багануур дүүргийн дөрөв, тавдугаар хорооны нутаг дэвсгэрт 10 мянган га газарт их сургуулиудын хотхон байгуулахаар болсон. Одоогийн байдлаар тус 10 мянган га газарт байрлал зүйн зураглалын ажлыг хийжээ. Мөн байгаль орчны үнэлгээ, техник эдийн засгийн төлөвлөгөө, инженерийн геологи судалгааг хийсэн байна. Тиймээс барилгын ажилд саад болох хөрсний цэвдэг байхгүйг тогтоожээ. Дэд бүтцийн санхүүжилтийг төрөөс 100 хувь хариуцах аж. Харин багш оюутны байрны 10 хувь, хотхоны хамгаалалтын санхүүжилтын 30 хувийг төрөөс олгохоор болжээ. “Монгол Улсын 2013-2017 оны хөрөнгө оруулалтын хөтөлбө”-т их сургуулиудын хотхоныг байгуулах төсөв, хувийн хөрөнгө оруулалт нийлээд 1.3 их наяд төгрөгийг тусгасан байна. Уг хотхон Улаанбаатар хотын барилгажсан газраас хоёр дахин том бөгөөд 2010-2021 онд багтаан үе шаттайгаар барих болжээ.

МОНГОЛЧУУДЫН ОМОГШИЛ, БАХАРХАЛ БОЛСОН ОЛИМПИЙН МЕДАЛЬТНУУД

Хүн төрөлхтний спортын хамгийн том баяр наадам Английн нийслэл Лондон хотод 16 хоногийн турш үргэлжилж, өчигдөр өндөрлөлөө. Таван тивийн 204 орны 10500 тамирчин нэгэн дээвэр дор чуулсан Олимпийн XXX наадамд Монголын 29 тамирчин спортын долоон төрөлд оролцож, хоёр мөнгө, гурван хүрэл медаль хүртлээ.

Ингэснээр хүн төрөлхтний спортын хамгийн том баяр наадмаас Монголын спортын түүхэнд хамгийн олон медаль хүртсэн юм. Олимпийн наадмын сүүлийн өдөр буюу өчигдөр боксын 52 кг-ын жингийн алтан медалийн төлөө ДАШТ-ий мөнгөн медальт, Монгол Улсын гавьяат тамирчин Н.Төгсцогт 2010 оны Сингапурын өсвөрийн анхдугаар наадам болон энэ жилийн Пан Америкийн наадмын аварга Кубын боксчин Робейси Рамирез Карразанатай тулалдаж, 14:17 (5:6,4:4, 5:7)-гоор ялагдсанаар мөнгөн медаль хүртэв.

Тоглолтын эхний хоёр үе маш тэнцүүхэн өрнөсөн. Харин манай тамирчин шийдвэрлэх гуравдугаар үед өрсөлдөгчийнхөө битүү хамгаалалтыг сэтэлж чадалгүй энэ үед долоон оноо алдаж, өөрөө тавыг авснаар ялагдал хүлээв. 17 настайдаа ДАШТ-д монгол хүүгийн нударга ямар байдгийг ах нартаа мэдрүүлж, мөнгөн медаль хүртэж байсан тэрбээр Лондонд ч ялгаагүй жингийнхээ бүхий л шилдэг боксчдыг ээлж дараалан сөхрүүлснээр медалиа ихэрлүүллээ.
Төгсөө хүү Н.Түвшинбаяр, Э.Бадар-Ууган ах нарынхаа замналаар Лондоны тэнгэрт Монгол Улсын алтан соёмбот далбаагаа мандуулж, Төрийн дууллаа эгшиглүүлэх хүсэл дүүрэн байсан ч чадсангүй. Гэхдээ Н.Төгсцогт үүнд гутрах хэрэггүй, нас залуу, цус шингэн байна. Хоёр сарын өмнө 20 насны босго алхсан түүнийг олон Олимп хүлээж байгаа.
Магадгүй Н.Төгсцогтыг дөрвөн жилийн дараа Бразилийн Рио Де Жанейро хотод болох Олимпийн наадмаас авч чадаагүй алтан медалиа авч ирнэ гэдэгт Монголын ард түмэн итгэлтэй буй.

Олимпод Монгол Улсаа төлөөлж 29 тамирчин Лондонг зорьсон ч монгол түмний зүрх сэтгэл тэдэнтэй хамт, нэгэн зүгт тэмүүлж, цохилж байлаа. Манай тамирчдын өрсөлдөж буй стадион бүрт «Mongolia» хэмээн тамирчнаа дэмжих монголчуудын уухай тасарсангүй. Эх орноо төлөөлөн Олимпод хүч үзэж буй тамирчдынхаа алдрыг дуудан дэргэдээс нь хүч нэмэхээс гадна цэнхэр дэлгэц, цахим хуудсаар ч «Дээлийнх нь захыг мушгиж» байлаа.

Тиймдээ ч тэр уухайн түрлэгт хүч өгөн XXX Олимпийн наадмын гурав дахь өдөр Монголын тамирчдын Олимпийн медалийн буухиан салхийг хагалж, жүдо бөхийн 73 кг-ын жинд Увс нутгийн хүү ОУХМ С.Ням-Очир хүрэл медаль хүртсэн. Түүний энэхүү медаль энэ удаагийн Олимпийн анхных байгаад зогссонгүй булган сүүлтэй байж, төрийн далбаагаа Лондоны тэнгэрт мандуулсаар байв.
Үүнээс гурван хоногийн дараа Монгол Улсын Хөдөлмөрийн баатар, гавьяат тамирчин, Олимпийн анхны аварга Н.Түвшинбаяр алтын дайтай мөнгөн медаль хүртсэн. Хэрэв тэрбээр хагас шигшээ барилдаанд БНСУ-ын бөхтэй барилдах үеэр хөлийн хуучин бэртлээ сэдрээгээгүй бол гарцаагүй аваргаа хамгаалах байсныг дурсан Монголын ард түмэн одоо ч гэсэн харамсаж суугаа. Олимпийн анхны аварга маань Монголын Олимпийн наадмын түүхэнд анхны хос медальтан болсон.

Улмаар чөлөөтийн бөхийн эмэгтэйчүүдийн 63 кг-ын жинд чөлөөт бөхийн Монгол Улсын анхны дэлхийн аварга, гавьяат тамирчин С.Батцэцэг жиндээ хүрэл медаль хүртэж, Монголын чөлөөт бөхийнхний 32 жил дуншсан медалийн хүлээсийг тайлж, ард түмнээ баярлуулсан. Ингэснээр анхны дэлхийн аварга маань дахин анхдагч байж, чөлөөт бөхийнхний Олимпийн медаль хүртсэн анхны эмэгтэй тамирчин болсон юм.

Үүний дараа Монгол Улсын гавьяат тамирчин У.Мөнх-Эрдэнэ Олимпийн боксын рингнээс хүрэл медаль хүртсэн. Гурван Олимпдоо оролцсон Мөөгий гавьяат олон жил Монголын ширэн бээлийтнүүдийн нүүрийг тахалсан. Тэрбээр «Азгүйтэлд төгсгөл байдаг»-ийг тод томруун харуулж, Лондоны рингнээс медаль хүртэж, олон жилийн мөрөөдлөө биелүүлсэн юм.

Тэрбээр Олон улсын сонирхогчдын боксын холбоо (AIBA)- ноос зохион байгуулдаг тив, дэлхий, олон улсын тэмцээн болон Олимпийн наадмаас медаль хүртсэн Монголын анхны боксчин болсон юм.

Хэдийгээр Олимпийн XXX наадмаас манай тамирчид хүсэн хүлээж байсан ал­тан медалийг авч ирж чадаагүй ч хоёр сая 700 мянган хүн амтай «Хөх толбот» Монголын тамирчид таван медаль хүртэнэ гэдэг маш том амжилт юм. Дэлхийн анхаарлын төв болсон Олимпийн наадамд эх орныхоо нэрийг дуурсгаж, төрийнхөө алтан соёмбот далбааг мандуулсан Олимпийн медальтнуудаараа монгол түмэн бахархаж, омогшиж байна.

Б.Сэр-Од 51 дүгээр байрт оров
Лондоны Олимпийн наадмын нээлтийн ёслолд Монгол Улсын тугийг залж, хүндтэй үүргийг хүлээсэн гавьяат тамирчин Б.Сэр-Од XXX Олимпийн наадмын хаалтын өдөр уламжлал ёсоор марафон гүйлтийн тэмцээнд хурд сорилоо.

Монголын тамирчдаас Лондоны Олимпийн наадмын хамгийн анхны эрхийг авч ирсэн тэрбээр нэр хүндээрээ дэлхийн эхний тавд ордог Лондон, Берлиний марафонд «Топ-10»-д орж, монгол хүний тэсвэр тэвчээрийг харуулж байсан удаатай. Тамирчин хүний тэсвэр хатуужил шаардсан энэ төрөлд гавьяат тамирчин Б.Сэр- Од Афин, Бээжингийн Олимпод хурд сорьж байсан бөгөөд Лондон түүний хувьд гурав дахь Олимп юм.
Марафон гүйлтийн тэмцээнд 105 тамирчин гараанаас гарч, манай тамирчин эхний 15 км-ын дараа 19 дүгээр байрт бичигдэж байсан. Харин 30 км-т байр ухарч, 30 дугаарт явж байсан юм. Тэрбээр 42.195 км-ын замыг хоёр цаг, 20 минут, 10 секундийн амжилтаар туулж, 51 дүгээр байрт орлоо.
Түүний хувийн амжилт 2:11:05 секунд бөгөөд Лондонд даруй есөн минутаар хоцорч оров. Тус төрөлд Угандагийн 21 настай тамирчин Стефен Кипротич 2:08:01 гэсэн амжилтаар алтан медаль хүртэж, дэлхийн хошой аварга Кенийн Абел Кируи 2:08:27, түүний нутаг нэгт Уилсон Кипсанг Кипротич 2:09:37 секундийн амжилтаар мөнгө, хүрэл медалийн эзэн болов.

УУРАНД 7 ХОНОГТ НЭГ УДАА ЗААВАЛ СУУВАЛ ЭРҮҮЛ МЭНДЭД ТУСТАЙ ШҮҮ

Ууранд суух нь бие тайвшруулагч гормоныг нэмэгдvvлэхээс гадна бие организмд хуримтлагдсан хэрэггvй хорт бодисыг гадагшлуулахад чухал vvрэгтэй гэнэ. Туркийн Техникийн их сургуулийн анагаахын салбарын сайд профессор доктор Ахмед Каражиулу хvн эрvvл саруул аж төрөхөд тогтвортой хооллолт ба биеийн тамирын дасгалыг дvрэм болгон дагах хэрэгтэй гэжээ. Энэ нь эрvvл амьдралын vндэс юм. Сайхан амьдрахын тулд заавал тогтвортой хооллож байх хэрэгтэйг сануулж буй эрдэмтэн Ахмед Каражиулу төрөл бvрийн хvнсийг хэрэглэж заншихыг зөвлөж байна. Тvvнчлэн хvн бvр өөрийн сонирхдог спортын төрлөөр насан туршдаа хичээллэх хэрэгтэй. Учир нь хvний биед байнга "токсин" буюу хэрэггvй бодисууд хуримтлагдаж байдаг. Хоол хvнсээр дамжин биед хуримтлагддаг хэрэггvй бодисууд цаг хугацааны аясаар олширч өвчин vvсгэж болзошгvй. Иймээс vvнийг ямар нэгэн байдлаар биеэсээ зайлуулах хэрэгтэй юм.

Биеийн тамираар хичээллэх нь хэрэггvй хорыг биенээс хөлс болгон гаргадгаараа онцлогтой. Харин хvний бие организм эл хэрэггvй бодисыг элэг болон бөөрний vйл ажиллагааны тусламжтай гадагшлуулдаг гэнэ. А.Каражиулу хэлэхдээ "Элэг нь хэрэггvй бодисыг байнга гадагшлуулсаар ядардаг. Ачаалал ихтэй тохиолдолд хэрэггvй бодисын хэсгийг л гадагшлуулах чадвартай юм. Бид биеийнхээ дотоод эрхтний суларч, чадвараа алдаж буйг анзааралгvй өнгөрөөдөг. Харин биеэс хорыг зайлуулах хялбар арга бол ууранд суух юм. Уур нь бие дахь хорыг хөлсний хамт биеийн эрхтнvvдийг ядраалгvйгээр гадагшлуулж чаддаг. Ингэснээрээ эрvvл мэндэд ч сайн нөлөөтэй" гэжээ.

Тэрбээр уур, цусны эргэлтийг тайвруулж биед булгарч хатуурсан булчин vvсгэхээс сэргийлдгийг онцгойлон сануулж байна. Тvvнчлэн биеийг тайвшруулдаг тустай. Эрдэмтэн А.Каражиулу хамгийн багадаа долоо хоногт нэг удаа ууранд суусны дараа vр дvн нь шууд мэдрэгдэх болно хэмээн зөвлөж буй.

 ЭХНЭР НӨХРИЙГ ЭВЛЭРҮҮЛДЭГ ҮНЭРТЭЙ УС

Британийн эрдэмтэд шинэ нээлтээрээ олныг гайхашрууллаа. Тэд эмэгтэй, эрэгтэй хүнд ялгаагүй байдаг окситоцин дааврын найрлагатай үнэртэн бүтээжээ. Эл дааврын ачаар эмэгтэй хүн тайван амгалан, эрчүүд илүү мэдрэмтгий, найрсаг, халамжтай болдог гэнэ.Хэрэлдэж, маргалдсан эхнэр, нөхрийг эвлэрүүлэх “шидтэй” эл бүтээгдэхүүнийг Ноттингемийн их сургуулийн мэргэжилтнүүд санаачилжээ. Үнэртнийг өдөрт хоёр удаа хэрэглэхэд бэлгийн амьдрал идэвждэг болохыг туршилтаар баталсан юм байна. Энэ нь эвлэрэх бас нэгэн шалтгаан болно хэмээн “The Daily Mail”-д мэдээлжээ.

 IPOD оо 99 АМ.ДОЛЛАРААР IPHONE БОЛГОЦГООЁ

FreedomPop компани танд iPod-оо iPhone болгон ашиглах боломж олгож байна. Тэд iPod-д зориулсан 4G "FreedomPop" нэртэй нэгэн гэрийг бүтээсэн ба энэхүү гэрийг хэрэглэснээр та өөрийн iPod-оо iPhone мэт ашиглах боломжтой юм. Энэхүү гэрийн ашигласнаар та хаанаас ч iPod-оор онлайн дуу болон бичлэг үзэж, Skype ашиглаж, мөн өөрийн iPod-оо Wi-Fi цэг болгон нэг дор найман төхөөрөмжид интернэт ашиглуулах боломжтой.

Та FreedomPop гэрийг ердөө 99 ам.доллараар худалдан авснаар танд сар бүр 500мб интернэтийн эрх өгөх бөгөөд iPod-оороо хүссэн бүхнээ хийх боломж олгох юм. 

ДЭЛХИЙН МИССД УСАН ЦЭРЭГ, ХҮҮХДИЙН ЭМЧ, 160 СМ ӨНДӨРТЭЙ
МИССҮҮД ОРОЛЦОЖ БАЙНА

Олон орны гоо бүсгүйчүүд өрсөлддөг “Дэлхийн мисс 2012” тэмцээн энэ жил манай хилийн ойролцоо Өвөр Монголын Ордос хот болж байгаа. Ямар орны бүсгүй юугаараа давуу байдгийг дэлхий нийтээр шинждэг энэ тэмцээнд Монголын мисс Х.Баярмаа амжилттай оролцож байгаа.

МОНГОЛЫН ТАМИРЧДИЙН ЛОНДОНГИЙН ОЛИМПОД ӨРСӨЛДӨХ ЦАГИЙН ХУВААРЬ

/МОНГОЛЫН ЦАГААР/ 

Наймдугаар сарын 8-нд 20.00 цагаас Чөлөөт бөх: Д.Отгонцэцэг (Эмэгтэй, 48 кг)

Наймдугаар сарын 8-нд 20.00 цагаас Чөлөөт бөх: С.Батцэцэг (Эмэгтэй, 63 кг)

Наймдугаар сарын 9-нд 03.30 цагаас Бокс: Н.Төгсцогт (шөвгийн найм)

Наймдугаар сарын 9-нд 05.00 цагаас Бокс: У.Мөнх-Эрдэнэ (шөвгийн найм)

Наймдугаар сарын 9-нд 20.00 цагаас Чөлөөт бөх: С.Бямбацэрэн (Эмэгтэй, 55 кг)

Наймдугаар сарын 9-нд 20.00 цагаас Чөлөөт бөх: О.Бурмаа (Эмэгтэй, 72 кг)

Наймдугаар сарын 10-нд 20.00 цагаас Чөлөөт бөх: Б.Наранбаатар (Эрэгтэй, 55 кг)

Наймдугаар сарын 10-нд 20.00 цагаас Чөлөөт бөх: П.Өнөрбат (Эрэгтэй, 74 кг)

Наймдугаар сарын 11-нд 20.00 цагаас Чөлөөт бөх: О.Үйтүмэн (эрэгтэй, 84 кг)

Наймдугаар сарын 11-нд 20.00 цагаас Чөлөөт бөх: Ж.Чулуунбат (Эрэгтэй, 120 кг)

Наймдугаар сарын 12-нд 18.00 цагаас Марафон: Б.Сэр-Од (Эрэгтэй)

ОЮУТНУУДАД 3 ТӨРЛИЙН ТЭТГЭЛЭГ ОЛГОНО

Энэ хичээлийн жилд оюутнуудад гурван төрлийн тэтгэлэг олгохоор болжээ.
Үүнд сар бүрийн 70200 төгрөгийг оюутан бүр ямар нэг шалгуургүйгээр авна., сурлагын өндөр амжилт гарган суралцаж байгаа болон эрэлттэй 20 мэргэжлээр суралцаж буй оюутнуудад урамшууллын тэтгэлгийг энэ хичээлийн жилээс эхлэн шинээр олгохоор болжээ.
Үндэсний тэтгэлгийг оюутан бүр авах бол урамшууллын тэтгэлгийг 50, 75, 100 хувь гэсэн төрлөөр олгох аж. 50 хувийн тэтгэлгийг 3,2 буюу түүнээс дээш голч дүнтэй диплом, бакалаврын зэргийн суралцагчид олгоно. Мөн ЭЕШ-д 720 буюу түүнээс дээш оноо авсан элсэгчид авах боломжтой юм.
  Мөн олон улсын магадлан итгэмжлэлийн байгууллагаар итгэмжлэгдсэн хөтөлбөр болон гадаадын нэр хүндтэй дээд боловсролын сургалтын байгууллагатай хамтарсан хос хөтөлбөрөөр суралцаж байгаа. 3,0 болон түүнээс дээш голч дүнтэй суралцагчид, ЭЕШ-д 720 буюу түүнээс дээш оноо авсан элсэгчид авах боломжтой .Харин 75 хувийн тэтгэлгийг 3,6 болон түүнээс дээш голч дүнтэй суралцаж байгаа диплом бакалавр, магистр, докторын зэргийн өдрийн ангид суралцагчдад олгоно. 100 хувийн тэтгэлэг БСШУЯ-наас зохион байгуулсан улсынолимпиадад эхний гурван байрт шалгарсан, олон улсын олипиадаас шагналт байр авсан оюутанд хамаатай.
 сургалтын төлбөрийн тэтгэлэг болон буцалтгүй тусламж ирэх хичээлийн жилд хэвээр авах боломжтой.

 МОНГОЛ ХҮН ГАР УТАСНЫ ДОХИОЛОЛ БҮТЭЭЖЭЭ

Андроид үйлдлийн системтэй сүүлийн үеийн ухаалаг гар утсанд зориулсан дохиоллын системийг Программист Батчулуун зохиожээ. Тус программыг бүтээснээр нэг тэрбум гаруй хэрэглэгчидтэй I phone утаснаас гурав дахин илүү хүчин чадалтай энэхүү  ухаалаг гар утсыг хэрэглэгчдийн тоо эрс нэмэгдэж дэлхийд борлуулалтаараа тэргүүлж эхэлсэн байна.
    Интернэтэд байршуулсан энэхүү программыг одоогоор нэг сая 500 гаруй мянган хэрэглэгч утсандаа татаж аваад байна. Уг программ нь гэр машин зэрэг биет өмчид нь ямар нэгэн гадны халдлага учрахад гар утсанд нь дохиоллоор мэдэгдэхээс гадна хэрэглэгчийн байршлыг тодорхойлох давуу талтай ажээ.

 WIKIPAD GAMING TABLET ОНЦГОЙ

Wikipad бол тоглоомын ертөнцөд шинээр мэндэлж буй Tablet юм. Удаан хугацааны турш яригдсаар ирсэн Tablet – ын талаарх дэлгэрэнгүй мэдээлэл гарсныг та бүхэнд хүргэж байна. Үзүүлэлт, хүчин чадлын хувьд үнэхээр шүлс гоожуулам сайхан эд болохнээ. Wikipad – ын дэлгэц нь 10,1 инчийн 16 : 10, 1280х800 – ын хэмжээтэй ...

Nvidia Tegra 3 T30 1.4GHz цөмтэй, DDR2 1GB рам – тай, доод тал нь 16GB хүртэлх нэмэлт мемори хүлээн авах боломжтой. Үйлдлийн системийн хувьд Android – ын хамгийн сүүлд гарсан Android 4.1 байхнээ. Зайгаа барих тал дээр тасралтгүй 6 цаг тоглож, тасралтгүй 8 цаг видео бичлэг үзэх боломжтой гэхээр аймшигтай байгаа биздээ.

Мөн ардаа 8 megapixel, харин урдаа 2 megapixel – ын камертай. Бүр өнөөх 10,1 инчийн дэлгэц нь 3D ч болдог гэнэ шүү.
Гаднах үзэмжийн хувьд дээд хэсгээсээ доошоогоо бага зэрэг зузаарсан, өнцөггүй дугаригдуу талуудтайч iPad 2 – оос ч илүү нимгэн. Мэдээж өөртөө Touch – тай бөгөөд нэмэлт тоглоход зориулагдсан товчуудтай : Удирдлагын товчнууд, Analog, Trigger гэх мэт.
Үнийн хувьд хараахан зарлагдаагүй байгаа ч тэм мэдэгдэхдээ ирэх жилээс Wikipad маань худалдаанд гарна гэжээ.

 ХАЛ ҮЗЭЖ ХАШИР СУУСАН БАГАЧУУД

Саяхны нэгэн өдөр тав, долоон настай хоёр хүүхэд эрүүлжүүлэгдсэн гэх мэдээг сонсоод золтой л "савж" унасангүй.
Эцэг, эхийнхээ өвөрт эрхэлж суух насандаа бүр дэндүү балчир ахуйдаа эрүүлжүүлэх байранд морилсон эдгээр хүүхдүүдийн талаар сонсоод эмзэглэж, бухимдсанаа нуух юун.
Хүүхэд хүүхэд байхаа больжээ, та минь. Учир нь 10 настай жаалхүү эгчмэд бүсгүйг эрэлхийлж, 12-той нусгай охин санхүүгийн тусламж үзүүлэх залууг хайж, таван настай бацаан архи ууж, эрүүлжүүлэгддэг болж. "10-tai boy байна танилцах girl  байнауу..." "14-тэй царайлаг охин байна. Дажгүй залуутай танилцъя" гэх мэтчилэн эрээгүй үгстэй танилцах зарууд телевиз, радиогоор бишгүй сонсогддог.
Уг нь зүй бус үгтэй танилцах зар хэвлэл, мэдээллийн хэрэгслээр явуулахыг хориглосон боловч зарим телевиз, радиод хууль үйлчлэхгүй байна. Гэртээ өнждөг хэсэг нь эротик кино, бичлэгээр зугаацаж, өдөржин утасныхаа нэгжийг танилцах зар гэгчид бардаг. Нөгөө хэсэг нь анги, танхимдаа архидан согтуурч, шөнийн цэнгээний газраар хэсүүчилж, буудалд хоноглож, эцэст нь эрүүлжүүлэгддэг.
Саяхан Дархан-Уул аймгийн дунд сургуулийн гурван сурагч охиноос өнөөх хэцүү нэрт илэрсэн талаар хэвлэл мэдээллийн хэрэгслээр шуугиж, салбарын сайд нь үгүйсгэснээр намдсан.
Ямартай ч ДОХ биш юм аа гэхэд дунд сургуулийн сурагчдаас БЗХӨ илэрч, өсвөр насны охидын ихэнх нь ээжийнхээ энгэрт эрхэлж хэвтэх насандаа хорвоогийн элдэв явдлын амтыг мэдэрсэн байдаг нь хэдийнэ илэрхий болсон. Сүүлийн жилүүдэд бага насны хүүхдүүд гэмт хэрэгт холбогдох нь нэмэгджээ. Тодруулбал, зөвхөн энэ оны эхний хагас жилийн байдлаар 400 гаруй хүүхэд гэмт хэрэгт холбогдож, хуулийн дагуу ял шийтгэл хүлээсэн байх юм.
Үүнээс гадна 10-13 насны охид биеэ үнэлэх явдал газар авсан бөгөөд 18-20 насныхан бараг ахмадын тоонд ордог гэх. Түүнчлэн "Дэлхийн зөн Монгол" байгууллага 12-17 насныхны дунд архи, согтууруулах ундааны хэрэглээний талаар судалгаа явуулжээ.
Судалгаанд оролцсон хүүхдүүдийн 70 хувь нь архи хэрэглэж үзсэн бөгөөд 10 хувь нь хэтрүүлэн хэрэглэж байсан гэжээ. Судалгаанаас хүүхдүүд 11 настайгаасаа эхлэн архи хэрэглэж байна гэсэн дүгнэлт гарсан гэнэ. Хамгийн харамсалтай нь 11-хэн настай балчир хүүхдүүд архи ууж, тасарч байгаа бол 13-14 жаалууд найз охинтойгоо буудалд хоноглож, 10-тай охид биеэ үнэлж, ДОХ, БЗХӨ-ний үүр, уурхай болж байгаа явдал юм. Ёстой өнөөх цөвүүн цаг иржээ гэдэг шиг энэ хүүхдүүд чинь юу болоод байна аа томчууд аа, эцэг эхчүүд ээ.
Хичээлдээ явлаа гээд буудалд архидаж, найзындаа хонолоо гээд хэн нэгэн эрийн зугааг гаргаж яваа юм биш биз. Хүүхэд насыг цагаан цаастай зүйрлэдэг. Гэтэл орчин цагийн хүүхэд царайтай "насанд хүрэгчид" аль хэдийнэ 5-10 насандаа хал үзэж, халуун чулуу долоодог болж. Мэдээж бүх айлын хүүхэд энэ мэт замбараагүй явдалтай, буруу хүмүүжилтэй гэж буруутгах гэсэнгүй. Хичээл, номондоо анхаарч, эцэг, эхийнхээ үгийг сонсдог хүүхдүүд бий.
Гэвч Монголын ирээдүй болсон балчир үрс маань юугаар хүмүүжиж, хаашаа чиглэж байна вэ? Ээ дээ, энэ хүүхдүүд үү. Аюултай болж дээ.

ДЭЛХИЙН ХЭВЛЭЛҮҮД Н. ЭНХБАЯРЫН ТАЛААР

МАХН-ын дарга Н.Энхбаярт ял оноосон үйл явц нь гадныхны анхаарлыг маш их татаж байгаа юм. Үүнтэй холбоотойгоор олон улсын томоохон хэвлэл мэдээллийн хэрэгслээр юу гэж мэдээлсэн талаар тоймлон хүргэе.

“Телеграф” сонин:

Монголын бизнесийн орчин тодорхойгүй боллоо

Монгол Улсын Ерөнхийлөгч асан Н.Энхбаяр авлигын хэрэгт холбогдож дөрвөн жил хоригдох ял сонслоо. Шүүхийн энэхүү шийдвэр нь бүрэлдэж ядаж буй хамтарсан Засгийн газрынх нь тогтвортой байдалд сөргөөр нөлөөлж эхлэв. Гурван өдөр үргэлжилсэн шүүх хурлын эцэст Н.Энхбаярыг зочид буудлын хууль бус хувьчлал болон өөрийн мэдлийн телевиздээ тоног төхөөрөмж хандивласан гэх мэт хэрэгт буруутгажээ. Н.Энхбаяр энэ хэрэгт улс төрийн нөлөө орсон гэж үзэж байгаагаа илэрхийлээд “Бид хэнээс ч айхгүй байна. Би шинэ Монгол Улс, түүний шударга ёсны төлөө тэмцэнэ” гэсэн байна. Н.Энхбаярын гэргий О.Цолмон Монгол Улсын Ерөнхийлөгч Ц.Элбэгдоржийг нөхрийг нь хорьсон хэрэгт буруутгажээ. Шүүхээс Н.Энхбаярыг 54 сая гаруй төгрөгийн торгууль төлөхийг шаардсан байна. Байгалийн баялаг ихтэй Монгол Улсад уул уурхайн салбарын хурдацтай өсөлт ажиглагдаж байгаа. Гэхдээ улс төрийн иймэрхүү тогтворгүй байдал нь гадны хөрөнгө оруулалт татахад хүндрэл учруулж байгаа юм. Энэ хэрэгтэй холбоотойгоор “Сант Марал” судалгааны төвийн тэргүүн Л.Сумати “Ардчилсан нам Н.Энхбаярын намыг бүрэлдэхүүндээ багтаасан “Шударга ёс” эвслийн оролцоогүйгээр засгаа байгуулах хэрэгтэй. Одоо тэдний хамтрах хэлэлцээр нь бүтэлгүйтэх нь илэрхий боллоо” хэмээн ярьсан билээ. Өнгөрсөн сард болсон парламентын сонгуулиар сонгогдсон гишүүдийнх нь дөрөвний нэг нь уул уурхайн салбар дахь орон нутгийн иргэдийн эрх мэдлийг нэмэхийг дэмждэг хүмүүс болсон. Хөрөнгө оруулагчдыг зүгээс Н.Энхбаяртай холбоотой хэрэг нь гадны хөрөнгө оруулалтын орчинг тодорхойгүй болгож байна гэж дүгнэж эхэллээ. Ерөнхийдөө бизнесийн орчин нь муудлаа.

“Ройтерс” агентлаг:

“Ардчилсан нам Шударга ёс” эвсэлд буулт хийж магадгүй”

Экс Ерөнхийлөгч Н.Энхбаярт ял оноосонтой холбоотойгоор Монголд улс төрийн тогтворгүй байдал үүсч байна. Гэхдээ “Origo Partners” компанийн төлөөлөгч Дэйл Чой “Хэдийгээр Н.Энхбаярын оролцоотой байгуулагдсан “Шударга ёс” эвсэл Н.Энхбаярт оноосон ялыг эсэргүүцэж байгаа ч засаг байгуулах хэлэлцээрээс гарахгүй байх дүр зураг харагдаж байна. Учир нь Ардчилсан нам “Шударга ёс” эвсэлд буулт хийж магадгүй” гэжээ. Харин монголчуудын зарим нь Н.Энхбаярыг жирийн иргэдийн төлөө тэмцэгч хэмээн үзэж, харин түүний хэрэгт улс төрийн нөлөө орсон гэж эсэргүүцэж байгаа тухай орон нутгийн мэдээллийн хэрэгслүүд мэдээлжээ.

“Bloomberg”

Н.Энхбаяр монголчуудыг хувааж байна

Н.Энхбаярт Монголын шүүхээс дөрвөн жил хорих ял оноолоо. Түүний гэр бүлийнхэнтэй хамтарч, түүнийг өмгөөлж байсан “Debevoise & Plimpton LLP” хуулийн пүүсийн хуульч Петер Голдсмит “Энэ бол маш цочирдмоор мэдээ” хэмээн онцолжээ. Шүүхийн зүгээс гэрчүүдэд хандаж байгаа хандлага нь эргэлзээтэй байсан талаар тэрбээр утсаар өгсөн ярилцлагадаа дурьдсан юм. Мөн “Тиймээс Н.Энхбаярын гэр бүл дараагийн хийх алхамдаа бэлдэж байна” гэжээ. 2009 онд Ерөнхийлөгчийн албаа хүлээлгэж өгсөн Н.Энхбаяр монголчуудын санаа бодлыг хоёр хуваагаад байгаа юм. “Сант марал” сангаас явуулсан судалгаагаар тэрбээр Монголын хамгийн нэртэй улстөрч гэдэг нь харагдаж байсан билээ. Монгол Улсын Ерөнхийлөгч Ц.Элбэгдорж өнгөрсөн тавдугаар сард болсон Н.Энхбаярын баривчилгаанд улс төрийн шалтгаан байгаагүй гэдгийг онцолж байв. Мөн тэрбээр “Bloomberg”-т утсаар өгсөн ярилцлагадаа “Хамгийн эцсийн шийдвэрийг шүүх гаргана” гэдгийг онцолж байсан юм.

“Синьхуа” агентлаг:

Н.Энхбаярын эхнэр монголын ерөнхийлөгчийг буруутгав

Гурван өдөр үргэлжилсэн шүүх хурлын дараа Н.Энхбаярт долоон жил хорих ял оноосноос гурван жилийг нь цагаатгажээ. Гэхдээ энэ хэрэгт улс төрийн нөлөө орсон, яллагчид баримтыг мушгин гуйвуулсан хэмээн Н.Энхбаяр үзэж байгаа юм. Түүний эхнэр О.Цолмон энэ хэрэгт Монгол Улсын Ерөнхийлөгч Ц.Элбэгдоржийг буруутгаж, “Энэхүү шударга бус байдлын эсрэг тэмцэнэ” гэжээ.

“Дойче вэлли” агентлаг:

Хөрөнгө оруулалтын орчин тогтворгүй болсон нь санаа зовоож байна

Монголын экс Ерөнхийлөгчид дөрвөн жил хорих ял оноосон нь тус улс дахь гадны хөрөнгө оруулалтын орчин тогтворгүй болно гэх болгоомжлолыг үүсгээд байна. Германы олон компани Монголд хөрөнгө оруулалт хийдэг. Мөн Тавантолгойн тодорхой хувийг эзэмшдэг. Түүнээс гадна хоёр орны хооронд хийгдэж буй худалдаа 2010 онд 100 сая евро хүрч байв. Тиймээс Монголын хөрөнгө оруулалтын орчин тогтворгүй болж байгаа нь германчуудын санааг зовоож байна.

“Оросын дуу хоолой”:

Н.Энхбаяр “Хэнээс ч айхгүй” гэжээ

Н.Энхбаярыг авлигын хэргээр яллаж, дөрвөн жил хоригдох ял оноон, 25 сая төгрөгийн өртөг бүхий эд хөрөнгийг нь хураажээ. Мөн түүнтэй хамт хээл хахуулийн хэрэгт холбогдож, албан тушаалаа урвуулан ашигласан гэх Засгийн газрын гишүүн асан дөрвөн хүн болон бизнес эрхлэгчид ял оноосон байна. Энэхүү үйл явдлаас болж шинэ Засгийн газрыг эмхлэн байгуулах үйл явц ээдртэй болно гэж орон нутгийн улс төр судлаачид дүгнэжээ. Н.Энхбаярыг шүүх ажиллагааг Монголын олон телевиз шууд дамжуулсан ба монголчууд үүнийг янз бүрээр тайлбарлан дүгнэж байна. Шүүх хурлын үеэр Н.Энхбаяр “Би хэнээс ч айхгүй байна” хэмээн хэлжээ.

“Wall street journal”:

Хамгийн нөлөө бүхий улстөрчид ял оноов

Монголын хамгийн нөлөө бүхий, тэгсэн хэрнээ хамгийн их дуулианд орооцолдож байсан улстөрчид хорих ял оноолоо. Энэ нь 2.8 сая иргэнтэй, уул уурхайн орны бодлогод тодорхой хэмжээгээр нөлөөлөх бололтой. Өдгөө 55 настай Н.Энхбаяр өөрийгөө гэм буруугүй гэдгийг нотлохыг дахин дахин хичээсээр байгаа юм. Түүний тэргүүлж буй улс төрийн хүчин нь шинээр засаг байгуулагдах эсэхийг шийдэхүйц голлох байр суурин дээр байгаа. Тиймээс Н.Энхбаярт ял оноосон нь шинэ Засгийн газар байгуулах ажлыг зогсонги байдалд оруулав.

“ВВС” агентлаг:

Монголын экс ерөнхийлөгч өөрт нь оноосон ялаа эсэргүүцэв

Н.Энхбаярт авлигын хэргээр дөрвөн жилийн ял оноосныг тэрбээр хүчтэй эсэргүүцэж байна. Тэрбээр парламентын сонгууль болохоос өмнө манай агентлагт өгсөн ярилцлагадаа түүнийг улс төрд дахин орж ирж буйг зогсоохын тулд энэхүү хэргээр шалтаг гаргаж байна хэмээн дурьдаж байв.

 ХӨСӨГТӨН ХАМТЛАГ BBC ТЕЛЕВИЗЭЭР ДЭЛХИЙГ АЛМАЙРУУЛАВ

"BBC Prom" буюу дэлхийн алдартай сонгодог хөгжмийн наадамд "Хөсөгтөн" хамтлаг оролцлоо. Тэд энэ сарын 23-нд "Human Planet" телевизийн баримтат цуврал киноны хөгжмийг Саха, Шинэ Гвинейн, Замбия, Гренландын уран бүтээлчидтэй хамтран тогложээ. "BBC Prom" наадмыг анх 1895 онд Хатан хааны театрт зохион байгуулж байв. Харин энэ жилийн наадмыг Лондоны Royal Albert Hall театрт зохион байгуулж байгаа юм. Монгол Улсаа төлөөлж "Хөсөгтөн" хамтлаг тус наадамд амжилттай оролцож, өөрсдийн тоглолтыг сонирхуулсан нь үзэгчдийн сонирхлыг хамгийн ихээр татжээ. Наадам есдүгээр сарын 10-ныг хүртэл үргэлжлэх аж.
"Хөсөгтөн" хамтлагийн тоглолтын бичлэгийн хэсгээс толилуулж байна.

 ЭХ ОРОН ДУУДАЖ БАЙНА

Монголчууд аливаа зүйлд хурдан дасаж "өөриймшүүлдэг".  Бид хэдхэн жилийн өмнөөс  төлбөрийн карт ашиглан бэлэн бусаар төлбөр тооцоо хийх  болсон  ч  өнөөдөр  карт хэрэглэдэггүй хүн байхгүй гэхэд хилсдэхгүй. Харин ч бүр төрөлжүүлж хэрэглэх болжээ.
АНУ-ын Виза /Visa/, Мастер /Master/, Американ Экспресс /American express/, БНХАУ-ын ЮнионПей /Union pay/, Япон Улсын ЖиСиБи /JCB/ гэсэн төлбөрийн картуудыг өөр өөрсдийн хэрэгцээнд тулгуурлан манай хэрэглэгчид ашигладаг. Хамгийн олон харилцагчидтай Монгол улсын тэргүүлэгч банк ХААН Банк аливаад анхдагч байдгийн хувьд Хятад улсын Union Pay картыг анх Монголын харилцагчдадаа зориулж нэвтрүүлснээс хойш 4 жил өнгөрчээ.  Union Pay картаар  дэлхийн 130 гаруй улс тэр дундаа Азийн олон оронд үйлчилдэг учир манай иргэдийн хувьд хамгийн ашигтай бөгөөд зөв сонголт юм.
Төгрөгийн болон юанийн данстай энэхүү карт нь ямар ч улсад тухайн улсын мөнгөн тэмдэгтээр хөрвөх чадвартай тул АТМ-аас бэлэн мөнгө авахын зэрэгцээ  картаар үйлчлэгч байгууллагуудаар  ямар ч шимтгэлгүй үйлчлүүлэх боломжтой болохоор   харилцагчдад хамгийн таатай нөхцөл олгодог.
Харилцагчдынхаа  эрэлт хэрэгцээ, хүсэл шаардлагыг мэдэрч цаг үеээ олсон  бүтээгдэхүүн үйлчилгээг нэвтрүүлэхийг зорин ажилладаг ХААН Банк  Union Pay картыг Монгол улсад анх нэвтрүүлсний 4 жилийн ойн баяраа  тохиолдуулан 2012.10.31-ийг дуустал  урамшуулал зарлаж харилцагчдадаа бэлэг барьж байна. Энэхүү урамшууллын хүрээнд картын шимтгэл хураамжаа бууруулснаас гадна шинээр Union Pay карт нээлгэсэн болон Union Pay картаараа гүйлгээ хийсэн харилцагч бүр сугалаанд оролцож  4 АЗТАН Азийн бар ХОНГ КОНГ-д аялахаар болжээ.
Гадаадын аль ч улсад Union Pay картаар аливаа төлбөр тооцоо хийхэд нууц үг шаардлагатай байдаг нь энхүү картны найдвартай, баталгаатайг илэрхийлнэ. Иргэд Union Pay картыг сонгодог шалтгааны нэг нь яахын аргагүй энэ. Нөгөөтэйгүүр картан дахь үлдэгдэл мөнгөнд хүү бодогддог болохоор  Union Pay картгүй нэгэн заавал энэ картыг сонгох хэрэгтэй болов уу.
Эрхэм  та   ХААН Банкны Union Pay картын урамшууллын аянд  оролцож Азийн бар  ХОНГ КОНГ-д аялах азтан болоорой. 

 ЛОНДОНД 50 ФУНТ ТӨЛӨӨД ТАКСИНД ХОНОЖ БОЛНО

ЛОНДОН. /ИТАР-ТАСС/. Их Британийн нийслэлд болох олимпийн наадмын үеэр олон жуулчинд нүүрлэж болох зочид буудлын өрөө хүрэлцэхгүй асуудлыг шийдэх аргыг Лондоны таксины жолооч санал болгожээ.

ХҮНИЙ ЭРХИЙН ХУУЛЬЧ М. ИЧИННОРОВЫН НЭРТ ХӨТЛӨГЧ ЛАРРИ КИНГТЭЙ ХИЙСЭН

ЯРИЛЦЛАГЫГ ХҮРГЭЖ БАЙНА.

Хотын гэр хороолол болон зуслангийн айлуудын тулгамдсан асуудлын нэг нь бохир байдаг. Тэгвэл энэ асуудлыг  шийдэх шинэ технологийг монгол инженерүүд бүтээжээ.

Монгол хүний ур чадвар, урт хугацааны судалгаа, туршилтын үр дүнд бүтээсэн “Өрхийн бохирын систем”-ийг бодит хэрэгцээнд тулгуурлан нэвтрүүлж байгаа аж.

Шинэ бүтээгдэхүүнийг гэр хороолол, зуслангийн  айл өрх, төвийн бохир, цэвэр усны шугаманд холбогдоогүй албан байгууллагууд хэрэглээндээ нэвтрүүлснээр цэвэр орчныг бүрдүүлэхээс гадна бохир усаа 80 хувь хүртэл цэвэршүүлээд дахин ашиглах боломжтой юм.  Зуны аагим халуун өдрүүдэд зуслангийн айлуудын зэрэгцүүлээд барьсан ил задгай жорлонгийн эвгүй үнэр ойр орчимд нь их тархдаг. Харин “Өрхийн бохирын систем”-ийг хэрэглээндээ нэвтрүүлснээр энэ асуудлаа шийдэхээс гадна зундаа цэвэр агаарт сайхан амарч, ажиллах боломжтой болно. Түүнчлэн шинэ технологийг жилийн дөрвөн улиралд ашиглах боломжтой бөгөөд  өвөлдөө хөлдөж хагарахгүй, зундаа эвгүй үнэр гаргахгүй  гэдгийг зохион бүтээгч инженерүүд ам бардам хэлж байна.

 “Өрхийн бохирын систем”-ийг иргэдэд танилцуулах  “Бохир ус ч гэсэн чандмань эрдэнэ” уриатай нээлтийн ажиллагаа энэ долоо хоногт баруун дөрвөн замд байрлах Рокмон төвийн /АТМОР компанийн/ гаднах талбайд, мөн Долоон буудал, Амгалангийн автобусны эцсийн буудал дээр болно. Нээлтийн ажиллагааны үеэр шинэ технологийг танилцуулахаас гадна өдөр бүр сугалаат худалдаа зохион байгуулж, олон азтанг шалгаруулах аж.

ДОГОЛСОН Ч ЮМ БИЛҮҮ

The Duchess of Cambridge with the President of Mongolia Elbegdorj Tsakhia, left, and Erdene Elbegdorj at a reception at Buckingham Palace, London, to welcome Heads of State and Heads of Government to the UK before they travel to the Olympic

ТАМИРЧДДАА БАЯР ХҮРГЭЖ АМЖИЛТ ХҮСЬЕ

Лондонгийн олимпийн эрэгтэйчүүдийн жүдогийн -100кг-ын финалын барилдаан дууслаа.
Бээжингийн олимпийн аварга Найдангийн Түвшинбаяр алтын дайтай мөнгөн медалийг эх орондоо авчирлаа.
Хөлний бэртлийн улмаас барилдаан хэрхэн явагдсныг дэлхийн даяар шууд үзсэн болохоор тайлбар илүүц биз ээ. 44 жил хүлээсэн Бээжингийн олимпийн анхны алтан медалийг авчирч байсан тэрээр дөрвөн жилийн дараа Лондонгийн олимпийн анхны мөнгөн медалийг авчирч ижилсүүллээ. 

Олимпийн хос медальтан болсон дэлхийн шилдэг жүдоч Н.Түвшинбаяраар өнөөдөр Монгол орны дөрвөн зүг, найман зовхист суугаа монголчууд дэлхийн өнцөг булан бүрт элэг нэгтнүүд нь бахархаж түүний төлөө баярын нулимсаа харамгүй урсгаж байгаа биз ээ. 

Олимпийн аваргаас ямар их хүч, тэвчээр, зориг гарсныг Монголын ард түмэн та бүхэн харлаа шүү дээ. Олимпийн аваргын аав, ээж, хань, хоёр хөөрхөн хүү болон Монголын жүдо бөхийн холбооны удирдлагууд, шигшээ багийн дасгалжуулагч, эмч, бэлтгэл хангагч нарт нь баярласнаа илэрхийлье.

МОНГОЛ АРД ТҮМЭН БИДНИЙ БАХАРХАЛ

Хүн төрөлхтний эв найрамдлын бэлгэ тэмдэг болсон Лондонгийн олимп дөрөв дэх хоногтоо үргэлжилж байна. Жудо бөхийн эрэгтэйчүүдийн  73 кг-ын жинд барилдсан ОУХМ Сайнжаргалын Ням-Очир хүрэл мэдалийн болзлыг хангаж, элэг нэгтнүүдийнхээ магнайг ёстой л тэнийлгэллээ.

Гэвч тэрээр бууж өгөлгүй торгуулийн барилдаанд амжилттай барилдаж, АНУ-ын жүдоч Николас Делпополог юүко үнэлгээгээр ялснаар медалийн төлөө барилдах эрхтэй болсон юм.

Тэрээр хүрэл медалийн төлөө барилдаанд Голландын тамирчин Дегс Белмонте юүко үнэлгээгээр ялж, монголын баг тамирчдын медалийн салхийг хагалсан баярт үйл явдал боллоо.

Бээжингийн олимпод битүү морь өнгөллөө хэмээн бэлэгшээж байсан монголчуудын бэлэгшээл Лондонгийн олимпод үргэлжилж бидний төдийлөн онцолж хараагүй залуу тамирчин ийнхүү монголчуудад олимпийн 20 дахь медалийг авчирлаа. С.Ням-Очирын хувьд анхны олимпдоо оролцож байгаа бөгөөд 2009 оны Универсиад наадмын хүрэл, Азийн аварга шалгаруулах тэмцээний хүрэл, Дэлхийн цом, Мастеруудын цуврал, Гран-при, Их дуулга зэрэг Олон улсын жүдо бөхийн холбооны цуврал тэмцээнүүдээс нийт дөрвөн алт, нэг мөнгө, зургаан хүрэл медаль хүртэж байсан амжилттай яваа залуу тамирчин юм.

Ингээд эх орныхоо нэрийг дэлхийн чихнээ дуурсгасан С.Ням-Очиртоо дахин баяр хүргэж, араасаа олон олон олимпийн монгол аваргууд төрүүлэхийг ерөөе !  Ялалтын хүрэл тань амжилтын буухиа алт байг !

К.Фоэлк: Надад С.Ням-Очирыг торгуулиар л хожих ганц зам байсан, гэхдээ чадсангүй

 73 кг-ын жинд манай тамирчинтай эхний тойрогт таарсан Германы Кристофер Фоэлкийн сэтгэгдлийг уншигчдадаа хүргэе. Энэ тамирчин энэ жил Парисын их дуулгад С.Ням-Очиртой аваргын төлөө барилдаж байсны зэрэгцээ Монголд зохиогддог “Чингис хаан” Дэлхийн цомд ирж оролцон, монголчуудын танил болсон нэгэн юм.

Тэрээр “Би Монголын бөхтэй урьд нь гурав таараад бүгдэд нь хожигдсон. Би түүний барилдааныг сайн мэдэх ч үнэндээ яаж ялахаа мэдэхгүй байлаа. Миний ялж болох ганц зам нь торгуулиар хожих байсан. Дэвжээнд гараад барилдахад С.Ням-Очир урьд өмнөхөөсөө ч илүү хүчтэй болсон санагдсан. Хэрвээ би алдаа гаргавал өрсөлдөгч маань алдалгүй ашиглана гэж мэдэж байсан учраас аль болох хий гаргахгүйг хичээсэн. Гэвч бүтэн таван минутын турш Монголын бөхийн довтолгоог үнэлгээ алдалгүй хамгаална гэдэг хэцүү. Тэр хүчтэй тамирчин гэдгээ нотолж медаль хүртсэн” хэмээн ярьжээ.

Түүнээс Германы жүдогийн шигшээ багийн тамирчдын талаар асуухад “Хөнгөн жингийнхэн маань залуучууд түлхүү байгаа. Харин үлдсэн өдрүүдэд туршлагатай жүдочид маань гарна. Хоёр медаль авчих болов уу гэж найдаж байна” хэмээн өгүүлсэн юм.

Ч.ГАНБАТ (Лондон, Их Британи)

Өнгөрсөн баасан гаригт Лондоны олимпийн цэнгэлдэхэд нээлтийн ёслол сүр дуулиантай болж өнгөрсөн билээ. Нээлтийн голлох үйл ажиллагааны дараа болсон салютын буудлагын үеэр телевизийн камерын дуранд харь гаригийн үл мэдэх нисдэг биет ажиглагдсан байна.
Энэ удаа харагдсан үл мэдэх биет нь өмнө нь камерын дуранд харагдаж байсан шиг таваг хэлбэртэй аж. Харин Лондоны олимпийн тэмцээний хамгаалалтын албаныхны ярьснаар хяналтын дэлгэцэнд ямар нэг гаднын биет ажиглагдаагүй гэнэ. Хэрэв үл мэдэх биет ажиглагдсан тохиолдолд аюулгүй байдлын дохио ажиллаж, гэмт халдлагаас сэргийлэх пуужингийн довтолгоо явагдах ёстой байжээ. 

Харь гариг судлаачид өөр гаригийн нисдэг биетүүд хурц гэрэлтэй цацарсан зүйлрүү тэмүүлэх тохиолдол байдаг гэсэн ч магадгүй 2012 он гарснаар багагүй хэмжээний сүйрэл, үер бороо, байгалийн гамшиг, амьтад ихээр үхэж үрэгдэж, энд тэндгүй үймээн самуун дайн дажин гарсаар байгаатай холбоотойгоор хүн төрөлхтний хамгийн том баяр цэнгэл, бүх улс үндэстний томоохон төлөөлөл хэдэн сая-аараа цугларсан үеэр харь гаригийн биет үзэгдсэн нь ямар нэгэн түгшүүрийн дохиог бидэнд илгээж байна уу гэлтэй. 2012 он гарсанаас хойш харийн биет ихээр үзэгдэх болсон мөн хачин жигтэй дуу авиа энд тэндгүй сонсогдсоор байгаа нь нэгийг бодогдуулам. Магадгүй энэ бүхэн 2012 оны ертөнцийн төгсгөлтэй шууд хамааралтай юу? Энэ асуултын хариултыг уншигч таньд үлдээе!

ХЯТАДУУД ИРГЭДДЭЭ 10 САЯ ТӨГРӨГ ӨГӨӨД МОНГОЛ РУУ ЯВУУЛДАГ ГЭСЭН ЯРИА ҮНЭН БОЛОХ НЬ БАТЛАГДЛАА.

Тэрбум гаруй хүнтэй Хятад улс тэр олон хүнээ нэг бүрчлэн тэжээж тэтгэн, хооллож хувцаслаж чадахгүй ...

Тус улсын засгийн газраас гадаадын улс орнуудад ажиллахаар явж буй иргэддээ эхний ээлжинд 7000 ам.доллартай тэнцэх хэмжээний мөнгийг нэг удаа зээлээр олгодог юмсанж. Энэ нь нэг ёсондоо хүний нутагт очоод хөлөө олж амьдрахад нь дэмжлэг болгож өгдөг мөнгө аж. Хятадаас жил бүр 10 сая орчим иргэн гадаадын улс орнуудад очиж ажил төрөл хийхээр явдаг бөгөөд тэр болгонд 7000 ам.доллар өгдөг байна. Ийм их мөнгө тараагаад байвал энэ улсын нүсэр эдийн засаг нурж унах нь гарцаагүй гэж уншигч та бодож магадгүй. Тэгвэл Хятад улсад үлдэж буй ах дүү төрөл садных нь эд хөрөнгийг барьцаалан 7000 ам.доллартай тэнцэх мөнгийг нэг удаа зээлээр олгодог юм байна. 90-ээд оны эхээр манай нийслэлийн зүүн захад малын түүхий эд, арьс шир, ноос ноолуур авдаг “Цайз” зах нээгдэж, тэнд хятад ченжүүд мэр сэр үзэгдэж эхэлсэнээр манай улсад чайна таун бий болох эхний алхам тавигдсан билээ. Тухайн үед монголчууд хятад ченжүүдийг маш их баян хүмүүс хэмээн ярьцгаадаг байсан шүү дээ.

Тэгвэл тэд ар гэр, хамаг зүйлээ барьцаанд тавиад засгийн газраасаа 7000 ам.доллар буюу монгол мөнгөөр бол 10 орчим сая төгрөгтэй тэнцэх хэмжээний мөнгө зээлээд авчихсан, нутагтаа бол хийх ажилгүй гологдож жийгдсэн амьтад байсан гэсэн үг. Нэгэнт төрөөсөө мөнгө зээлчихсэн учраас хятадууд хүний нутагт ямар ч хатуу бэрхшээл амссан эргэж нутаг руугаа явалгүй яаж ийж байгаад тэндээ тэсэн тогтож эхлээд шанаган тогооны хоолны газар дараа нь “Бээжин Хуаду” гэх мэт нэртэй ресторан байгуулаад эхэлдэг юмсанж. Жишээ нь манай улсад орж ирээд малын арьс нэхий авч шанаган тогооны хоолны газар байгуулж байсан хужаа нар өнөөдөр бүгд Өвөр Монголд уул уурхайтай томоохон баячууд болон хувирчихаад “Бенз” хөлөглөн таахалзаж яваа юмсанж. Үүнийг манай бизнесмэнүүд хүртэл гэрчилж байгаа юм.

Гэхдээ энд нэг зүйлийг онцлоход Хятадын засгийн газар нь түр хугацаагаар барилгын ажил хийхээр явж байгаа хүмүүст бол 7000 ам.долларын зээл олгодоггүй юм байна. Нутагтаа адлагдаж бараг л байх газаргүй болсон амьтад засгийн газраасаа 7000 ам.доллар зээлж Монголд ирээд л хууль хүчний байгууллагынханыг хахуульдан янз бүрийн бизнес эрхэлж хэдхэн сарын дотор хөл дээрээ бүрэн тогтоод эцэстээ монголчуудыг зарцлаад эхэлдэг гэхээр эмгэнэлтэй. Нэг ёсондоо Хятадын хог шаарнууд буюу адгийн гуйлгачид нь манай улсад хүрч ирээд л төрөөсөө зээлсэн жаахан мөнгөөр бизнес хийгээд монголчуудын амин чухал салбаруудыг эрхэндээ оруулчихсан байна шүү дээ. Хятадын засгийн газар нийгмийн шаар болсон мэдлэг боловсрол багатай иргэдээ яаж ийгээд мөр бүтэн гэдэс цатгалан явуулахын тулд долоон мянган долларын зээллэг олгож гадагш нь цөлөхийн зэрэгцээ дунд боловсролтой иргэддээ зориулан дотооддоо “хэнд ч хэрэггүй” ажлын байрнуудыг ч асар олноор нь бий болгож тав арван юанийн цалинтай болгодог юм байна. Жишээ нь гадаадынхан голдуу ордог зоогийн газруудад үйлчлүүлэгчдэд амны цаас өгөх, хоол бэлэн болсоныгзарлах, оржирж буй хүмүүстэй мэндлэх, ариун цэврийн өрөө рүү хүргэж өгөх, үйлчлүүлэпндийн хүүхдийг тусгайлан асрах зэрэг ялихгүй ажлын байрнуудыг асар олноор нь бий болгожээ.

Эдгээр хүмүүст гадаадынхан цайны мөнгө хэлбэрээр мөнгө өгөх нь түгээмэл байдаг учраас нэг ёсондоо улсдаа дараа болохгүйхэн шиг цэвэрхэн аргаар гадныханы халаасыг сэгсэрдэг гэсэн үг. Түүгээр зогсохгүй Шанхай, Гуанжоу, Бээжин зэрэг томоохон хотуудад нүүрлээд буй ажилгүйдлийг бууруулахын тулд их дээд сургуулиудад “Ариун цэврийн өрөө цэвэрлэгч, цонх арчигч, бараа бүтээгдэхүүн савлагч, машин угаагч” зэрэг мэргэжлийн тусгай ангиудыг бий болгосон нь хүн амын хэт их ачаалал дунд алхам алхмаар жийгдэж буй залуу үеэ ажилтай авч үлдэх гэсэн хөөрхийлөлтэй оролдлого гэлтэй. Мөн энэ бүхэн нь БНХАУ-д ард иргэд нь өлсч үхэхгүйн тулд хичнээн их бэрхшээл туулж байгааг харуулж буй бодит баримт юм.

Ижий хэмээх амьд бурханаа шүтэж явъяа Залуусаа!

Миний ээж ганцхан нүдтэй...Тийм учраас би ээжийгээ үзэн яддаг.Ээж маань сургуулийн гуанзанд ажиллаж гэр бүлдээ тус болдог байлаа.Намайг дунд сургуульд байхад ээж маань над дээр хүрч ирээд "Миний хүү өлсч байна уу" гэж асуусан.Энэ үгэнд нь би уурлаагүй ч ээжийн муухай царай намайг үнэхээр бачимдуулсан."Миний хүү байхдаа ч яахав ......дээ"гэж бодоод муухай харчихаад асуултанд нь ч хариулаагүй гүйгээд явчихсан.

Маргааш нь манай нөгөө ангийн хүүхэд "Еэ чиний ээж өрөөсөн нүдтэй юм байна лээ." гэж ангиар дүүрэн хашгирхад нь өөрийгөө үнэхээр үзэн ядаж билээ."Яагаад заавал би гэж" хэмээн бодсоор гэр лүүгээ зүглэхдээ ээжийгээ бүүр ч илүү үзэн ядав.Гэртээ орж ирээд л шууд "Та яагаад зүгээр үхээд өгч болдоггүй юм бэ?" гэж асуув.Ээж юу ч

6 настай бяцхан шатарчин Е.Төгстөмөр эх орондоо ирлээ

Шри Ланка улсын нийслэл Колумб хотноо зургадугаар сарын 24-нөөс долдугаар сарын 2-нд үргэлжилсэн Ази тивийн өсвөрийн шатрын аварга шалгаруулах тэмцээнд амжилттай оролцож, гурван алтан медаль хүртсэн зургаан настай Е.Төгстөмөр өнөөдөр эх орондоо ирнэ. Эх орныхоо нэрийг өндөрт мандуулсан зургаан настай, бяцхан шатарчин Е.Төгстөмөр блиц, рапид, стандарт гээд бүх төрөлд алтан медаль хүртэж, төрийнхөө дууллыг Шри Ланка улсад гурван удаа эгшиглүүлсэн юм.

ТА БҮХЭНДЭЭ БАЯРЛАЛАА. САНАА ОНООГОО

irmuun_tenger@yahoo.com

ХАЯГААР ИЛГЭЭНЭ ҮҮ